6.000tik gora esne-behi hil dituzte EAEn, prezioen igoeragatik
Urtebetean, esnetarako ustiatzen diren 6.159 behi hil dituzte Euskal Autonomia Erkidegoko abeltzainek, pentsuen eta beste lehengaien prezioaren igoerari ezin aurre eginda. Behien ustiatzaileek azaldu dutenez, litro bat esnearen truke ezin diete ekoizpen gastuei aurre egin, eta haragia salduta diru gehiago eskuratzen dute.
2021eko maiatzean 24.106 esne-behi zeuden EAEn, eta urtebetera, 20.570era jaitsi zen kopurua. Esnetarako ustiatzen diren behien hilketak ez dira gelditu, abeltzainek haragia saltzea nahiago dutelako, eta 2022ko urrirako, 17.947 zeuden.
Izan ere, azken hilabeteetan, % 80 hazi da pentsuen salneurria. Argindarraren eta gasaren fakturek ere gora egin dute, eta ondorioz, esnea salduta eskuratzen dutenarekin, ezin dituzte ekoizpen gastuak kubritu. Hilabeteko esne entregak % 9 jaitsi dira, azken hamarkadako minimora iritsita.
Pentsuena ez ezik, beste lehengaien salneurrietan ere igoera nabarmenak izan dira azkenaldian. Artoarena bikoiztu egin da, 60 €/t-tik 120 €/t-ra, eta alpapa 210 €/t izatetik 300 €/t izatera igaro da. Gainera, belarra % 1,5 garestitu da.
Karlos Ibarrondo Euskal Nekazarien Batasunaren (ENBA) Bizkaiko presidenteak ETBko Egun On Euskadi saioan azaldu duenez, ez dira bakarrik behiak hiltzen ari, baita txerriak eta oiloak ere, eta ondorioz, supermerkatuetan produktuak falta dira. "Ekoizpena arriskuan jartzen denean, produktuak salmenta puntuetara heltzeko arazoak daude", esan du Ibarrondok.
Bere ustez, abeltzainen "biziraupenerako" erabakia da "kaja egitea, dirua egitea", baina, edozein kasutan, "kontraesan" handia da esnetarako hazitako behiak haragirako hiltzea.
Saltokietan desagertzeko arriskuan dauden produktuen artean arrautzak aipatu ditu ENBAko abeltzainak. "Ez daude. Herriko supermerkatuan, arrautzen atala hutsik agertzen da. Oilo asko hil direlako", gehitu du.
ENBAko arduradunak ez du "ilunaldi honen amaiera" gertu ikusten, baina onartu du Eusko Jaurlaritzak eta aldundiek "diru kopuru garrantzitsua" bideratu dutela abeltzainen arazoak arintzeari. "Hori gabe, egoera askoz larriagoa litzateke", esan du.
Zure interesekoa izan daiteke
UAGAk Barredo sailburuaren dimisioa eskatu du bazkaren aferaz egindako adierazpenengatik
Nekazarien elkarteak Jaurlaritzaren "immobilismoa" eta "sektoretik urruntzea" salatu du. Bestalde, ENHE sindikatuak lehorte egoera izendatzea eta "ez ohiko laguntzak" eskatu ditu jasandako kaltea konpentsatzeko.
Euriborrak % 3 gainditu du lehen aldiz 2024ko irailetik, eta hipotekadunen gaineko presioa handitu du
Adierazleak 2026an izan duen goranzko joera sendotu du, baina adituek gogorarazi dute eguneko datua dela, eta ez hileko batez bestekoa, hau da, hipoteka gehienak berrikusteko benetan erabiltzen den indizea.
Zubietako erraustegiko langileek salatu dutenez, enpresak "negozioa segurtasunaren aurretik jartzen du"
Abuztuaren 19an sute bat izan zen Ekobalen, eta bederatzi langile intoxikatu ziren beharrezko babes ekipamendurik gabe aritu zirelako sua itzaltzeko lanetan.
Grebarako aukera aztertzen ari dira garraiolariak, gasolioaren prezioaren ondorioz
Hileko gastua 2.000 euro inguru igo zaie otsailetik hona, eta garraiolari batzuek momentuz kamioiak aparkatzea erabaki dute. HIRU sindikatuko kamioilariek, berriz, lanuzteak egiteko aukera eztabaidatuko dute asanbladan, eta erabaki bateratua hartuko dute bertan.
Apartamentu turistikoetako gaualdiak % 23,3 igo dira uztailean EAEn, eta sarrerak % 9,7
Landa-ostatuen kasuan, sarrerak % 2,8 handitu dira eta gaualdiak % 5,6 jaitsi, 2025eko hilabete bereko datuekin alderatuta.
Amaia Barredo: "Eusko Jaurlaritza lanean ari da abeltzainekin hartutako epeak eta konpromisoak betetzeko"
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuak aurreratu duenez, Jaurlaritzak "irailaren hasierarako" abeltzaintza-sektorearen esku jarriko ditu lehengai batzuk batera erosteko bideak, lehorteak eragindako belar eskasia dela eta. Radio Euskadin ostiral honetan egindako elkarrizketa batean, Barredok azaldu du Bazka Mahaia oraindik deituta ez dagoen arren, horrek ez duela esan nahi atzerapenak egongo direnik: "Administrazioa ez dago bileraren zain erosketa bateratua prestatzeko".
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.