Lakuntza: "Confebask etorkizunaz ari da orainaldiaz edo prekarietateaz ez hitz egiteko"
Confebaskek atzokoan egindako irakurketa —20-30 urte barru izango den "erretiratze handiari" aurre egiteko migrazioa bultzatuko duen politika bat behar duela— "interesatua" iruditu zaio Mitxel Lakuntza ELAko idazkari nagusiari. Horren ustez, EAEko patronala "etorkizunaz ari da, orainaldiaz ez hitz egiteko", eta gaur egun nagusi diren "prekarietatea", "soldaten debaluazioa" eta "lan baldintza txarrak" aipatu ditu, berbarako.
"Zein da arazoa? Langilerik egongo ez dela? Lan baldintzen araberakoa izango da hori, lan baldintzak onak badira ez da beharginik faltako", arrazoitu du Radio Euskadiko "Boulevard" saioan egin dioten elkarrizketan.
Hego Euskal Herriko langile publikoen soldata Estatuko legea urratu barik igo daitekeen galdetuta, Lakuntzak esan du posible dela baina horretarako "akordio politikoa" erdietsi behar dela, "juridikoki oso zaila" baita. Horren ildotik, deia egin die EAJri eta EH Bilduri Kongresuko "errealitate parlamentarioa" baliatzeko —PSOEk eta Podemosek euren babesa behar dute aurrekontuak onartzeko—. Halaber, "lapurtu diguten autogobernua berreskuratzeko zer egingo duten" ere galdetu die bi indarrei. Lakuntzaren esanetan, "ahotsa altxatu eta presionatu" beharko lukete, Estatutua "hustuta" baitu Estatuak oinarrizko legeekin.
Azpimarratu duenez, "enpresa batzuek inoiz baino diru gehiago irabazi dute aurten". Horrek ezinbesteko egiten du, horren iritzian, erreforma fiskal bat, etekin gehien dituzten enpresek gehiago ordain dezaten. "Europatik datorren musika da, baina hemen ez da entzuten", deitoratu du. Salatu du Petronor edo Iberdrola bezalako enpresek gutxien ordaintzen dutenak direla: "Ingeniaritza fiskalari esker, etekinen % 7,6 baino ez dute ordaintzen. Guk gutxieneko tasa % 25ekoa izatea eskatzen dugu", argitu du.
Zure interesekoa izan daiteke
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.
Cl Group taldeak Papresa erosteko eskaintza onartu du epaitegi batek
Cristian Layri lotutako Extremadurako taldeak 39,3 milioi euroko eskaintza egin zuen, baina azkenean erosketaren zenbatekoa handiagoa izango da Donostiako Merkataritza Arloko Epaitegiaren arabera.
Bizkaiak “etorkizuna eraikitzeko lekua” dela aldarrikatu du Madrilen, inbertitzaileak erakartzeko
Aldundiak bere erreforma fiskala aurkeztu du Madrilen, ehun bat enpresatako eta erakundetako ordezkarien aurrean.
Langile bat hil da Topoaren lanetan, Donostian
Euskal Trenbide Sareak ohar bidez jakinarazi duenez, tunel batean lanak egiten ari zirela, makina bat irauli da eta langilea azpian harrapatu du.