Langile baten heriotza salatu dute Zestoan, enpresako aldageletan ondoezik aurkitu ondoren
LAB sindikatuak Zestoako (Gipuzkoa) Industrias Artzubiako 51 urteko langile baten heriotza salatu du, enpresako aldageletan ondoezik aurkitu ondoren. Handik ospitalera eraman zuten eta handik gutxira hil egin zen.
LABetik "babesa eta elkartasuna" adierazi diete senideei, lagunei eta lankideei, eta ohartarazi dute heriotza ez-traumatikoak "ugaritzen" ari direla eta "gero eta nabarmenagoa" dela laneko arrisku-faktoreek horrelako istripuetan lanpostu jakin batzuetan duten eragina".
Hala, sindikatuak adierazi duenez, 2022an "lan-istripuek eragindako heriotzen % 33 ez ziren traumatikoak izan, 23 langile, arazo kardiobaskularrekin". Adierazi duenez, hainbat faktore daude istripu horien atzean, baina "arrisku psikosozialak eta estresa dira garrantzitsuenetako batzuk".
Ildo horretan, sindikatuak Eusko Jaurlaritza kritikatu du, "eskumenak dituen arren, entzungor" egiten duelako, eta berretsi du ez Osalanek ez Lan Ikuskaritzak ez dutela neurri eraginkorrik hartzen "gero eta eragin handiagoa duen arazo horri aurre egiteko".
Era berean, LABek jakinarazi duenez, Ibarrako Voith enpresara zihoan garraiolari bat ondoezik aurkitu zuten ostegunean bere kamioian, bihotzekoak jota, antza, eta larri eraman zuten ospitalera.
Sindikatuak adierazi duenez, garraio sektorea da "arazo kardiobaskularren intzidentzia handiena pairatzen duen langileen kolektiboa".
"Datuek errealitate izugarria adierazten dute, nahiz eta patronalak eta Eusko Jaurlaritzak berak heriotza naturalak direla ulertarazi nahi diguten", azpimarratu du.
Azkenik, azpimarratu duenez, "ezinbestekoa da neurriak hartzea traumatikoak ez diren lan-istripuei dagokienez, bereziki sektore jakin batzuetan".
Beste heriotza bat Izarrako bulego batean
Gainera, LABek beste langile baten heriotza salatu zuen iragan asteartean Kutxabankek Izarran (Araba) duen bulego batean. Heriotza "beste lan-istripu hilgarri bati" egotzi zion sindikatuak.
Langileak 53 urte zituen, eta sindikatuak ohar baten bidez jakinarazi zuenez, joan den astelehenean hilda agertu zen Kutxabankek Izarran duen bulegoan, "bakarrik lan egiten zuen bitartean".
Zure interesekoa izan daiteke
Arabako nekazari eta abeltzainen Ataca elkarteak traktoreak aterako ditu gaur A-1 errepidera
Atzo, Ertzaintzak A-1 errepidera ateratzea eragotzi zien nekazari eta abeltzainei, horretarako baimenik ez zutela argudiatuta. Eusko Jaurlaritzaren baimena jaso ostean, traktoreak autobiara irten ahalko dira.
Bio institutuetako ikertzaileek Osakidetzakoekin parekatzeko eskatu dute
Euskal Autonomia Erkidegoko osasun-arloko ikerketa-zentroetako (BioBizkaia, BioGipuzkoa eta BioAraba) langileek auzitegietara jo dute Osakidetzako ikertzaileekin parekatzeko eskatzeko. 600 langile inguru dira, eta urtean 10.000 eurotik gorako soldata-aldeak dituztela salatu dute.
Epaia bete eta Petronorreko langileak lehengo aldageletan alda daitezkeela erabaki du zuzendaritzak
2025eko udazkenean 83 eguneko greba egin zuten langileek aldagelaz aldatu zituztenean, aldaketak lanaldia 15-30 minutu luzatzea zekarrela salatzeko. Epaitegiek arrazoia eman zieten. CC.OO.k uste du enpresak txandak egiteko prozedurarekin iruzurra egin nahi diela orain.
Normaltasuna itzuli da AP-8 autobidera, Biriatu parean goiz osoan auto-ilara luzeak izan eta gero
06:00ak aldera utzi diote laborarien traktoreek A-63 autobidea blokeatzeari, eta behin errepidea irekita, azken egunetan muga igaroko zain ziren ehunka kamioi pilatu dira inguru horretan. Kamioiek eskuineko erreia oztopatu dute, eta 11 kilometrorainoko kamioi ilarak sortu dira. 14:00ak aldera itzuli da normaltasuna errepidera.
Eusko Jaurlaritzak bertan behera utzi du Lapurdira igaro nahi duten 7,5 tona baino gehiagoko kamioiei ezarritako debekua
Biriatuko muga zabal dute ibilgailu guztientzat, Ipar Euskal Herriko laborariek A-63 autobidea blokeatzeari utzi ostean.
Mugako mobilizazioek bost milioi tona merkantzia kaltetu dituztela ohartarazi du Guitransek
Gipuzkoako elkarteak eta Fitransek ohartarazi dute Biriatuko blokeoak galera handiak eragin dituela garraioaren sektorean, eta luzatzen bada jarduera industrialari eragin diezaiokeela ohartarazi dute.
Behargin bat larri zauritu da Urdiaingo tailer batean, lan-istripu baten ondorioz
Zortziak pasatxo gertatu da ezberharra Urdianigo lantegi batean; 37 urteko langileari eskua harrapatuta gelditu zaio eta bi hatz galdu ditu. Gainera, beste langile bat zauritu da beste lan-istripu batean, Elizondon.
Nafarroako autoeskolek aztertzaile falta salatu dute berriro
Salatu dute aztertzaile faltak eta DGT Probintzialaren bulegoetan dagoen langile faltak "atzerapen handiak" eragiten dituela, "bai azterketa teorikoetan, bai praktikoetan", eta gogorarazi dute azterketa egitea "eskubidea" izan beharko litzatekeela, "ez pribilegioa". Astelehenero manifestatzen jarraituko dute egoera konpondu arte.
Bi urteko geldialdiaren ostean, gaur itzuli dira lanera Balenciaga ontziolako beharginak
Abu Dhabi Ports Arabiako taldearen agindupean arituko da aurrerantzean Zumaiako ontziola. Abenduan itxi zuten langileek eta Arabiako taldeak salmenta. Adostutakoaren arabera, soldatak % 5 jaitsiko dizkiete, eta hiru urtez izango dituzte izoztuta.
Osakidetzako medikuek bi greba egun gehiago egingo dituzte urtarrilaren 14an eta 15ean
Hala jakinarazi du ohar bidez Euskadiko Medikuen Sindikatuak. Bi greba egunak aste honetan bertan egingo dituzte, eta horrekin batera hainbat elkarretaratze antolatu dituzte Bilbon eta Gasteizen.