Labrazako parke eolikoaren proiektuak ingurumen baimena jaso du eta Azazetakoak "berehala" izango du
Labrazan parke eolikoa egiteko proiektuak Ingurumen Inpaktuaren Adierazpena jaso du eta Azazetako proiektuak "berehala" izango duela jakinarazi du Arantxa Tapia Ekonomiaren Garapen, Jasangarritasun eta Ingurumen sailburuak gaurko gobernu bileran. Sailburuaren arabera, Labrazako proiektu eolikoa 2024aren amaieran gauzatu ahal izango da eta Azazetakoa, ostera, 2025ean. Biak ala biak 2025. urtearen amaieran martxan egotea aurreikusten du.
Gobernu bileraren osteko prentsaurrekoan Arantxa Tapiak azaldu duenez, "zalantzarik gabe, Euskadiko energia politikan garrantzi berezia duen mugarri baten aurrean gaude, eta oraindik energia eolikoaren sorrera aktibatzeko denbora falta bazaigu ere, aurrerapauso garrantzitsua da".
Arabako Oion udalerrian kokatuko den Labrazako parke eolikoak 8 aerosorgailu izango ditu eta 40 megawatt (MW) ekoizteko gaitasuna energia sortzeko ahalmena izango du. Aixeindarrek, Iberdrolak eta Energiaren Euskal Erakundeak sortutako sozietateak, sustatutako ekimena da. Bi erkidego ezberdinei, Euskadiri eta Nafarroari, eragiten dien proiektua denez, ministerioen tramitazioa behar izan du, eta aldeko txostena jaso berri du.
Azazetako instalazioak ere 8 aerosorgailu aurreikusten ditu eta 40 megawatt (MW) sortzeko gaitasuna izango du. Dulantzi, Iruraiz Gauna, Donemiliaga, Arraia Maeztu eta Bernedo udalerrietan kokatuko da. Kasu honetan ere Aixeindar da proiektuaren sustatzailea. Eusko Jaurlaritza Azazetako instalazioari dagokion Ingurumen Inpaktuaren Adierazpena amaitzen ari da une honetan, eta tramitazioa osatu egingo da Arabako Foru Aldundiak Plan Berezia onartzen duenean.
Edonola ere, bi kasuetan, ingurumen baimenak neurri babesleak, zuzentzaileak eta konpentsatzaileak proposatzen ditu, eta horiek kontuan hartu beharko dira egikaritze proiektuak idazterakoan.
Bi instalazio horiez gain, ondoren aurreratuen egongo litzatekeen proiektua Armiñonen egin asmo duten Ekienea planta fotovoltaikoa litzateke.
Une honetan, Euskadik kontsumitzen duen energiaren % 10 sortzen du, eta 2030erako % 15 sortzea da Eusko Jaurlaritzaren helburua, iturri berriztagarriak erabiliz.
Energia Berriztagarrien Lurralde Plan Sektoriala (LPS) beste fase batean sartu da
Bestalde, Arantxa Tapiak azaldu duenez, Energia Berriztagarrien Lurralde Plan Sektorialak (LPS) —Euskadiko lurraldea antolatzeko tresna bat da— beste pauso bat eman du eta Lurraldearen Antolamendurako Batzordearen eskutan dago dagoeneko.
Tapia sailburuaren esanetan, Energia Berriztagarrien Lurralde Plan Sektoriala "hasierako fasean" dago eta prozesu administratiboak beste urte eta erdi iraungo du oraindik.
Zure interesekoa izan daiteke
OPEP+ek ekainerako petrolio eskaintza erabakiko du Vienan, mundu mailako energia krisiaren erdian
Zazpi ekoizle handi baino ez dira bilduko (Saudi Arabia, Errusia, Irak, Kuwait, Kazakhstan, Aljeria eta Oman) batzarrean, Arabiar Emirerri Batuek erakundea uztea erabaki ondoren.
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.