Europako funtsak eskuratzeko karga burokratikoa arintzea eta enpresei bermeak malgutzea eskatu du Azpiazuk
Pedro Azpiazu Eusko Jaurlaritzako Ekonomia eta Ogasun sailburuaren arabera, 2023. urtea giltzarri izango da Europatik etorritako Next Generation funtsei dagokienean. Ildo horretan, Europako funtsak eskuratu ahal izateko karga burokratikoa arintzea eta enpresei bermeak malgutzea defendatu du, beti ere beharrezkoak diren kontrolak ezarrita.
Azpiazu sailburuak gaur goizean agerraldia egin du Eusko Legebiltzarreko Ekonomia, Ogasun eta Aurrekontu Batzordean, Europako funtsen egoeraren berri emateko. Oraingoz, 1.571 milioi euro esleitu zaizkio Euskal Autonomia Erkidegoari Europatik etorritako Next Generation funtsetatik. Horietatik, 1.025 milioi Eusko Jaurlaritzak kudeatuko ditu, eta, gainerakoa, (546 milioi) Estatuak. Funtsen inguruko azken argibideak urrian eman zituen Azpiazuk, eta ordutik, hazi egin da diru kopurua.
Funts horiek sailen artean banatzeko orduan, Arantxa Tapiak buru duenak (Ekonomiaren Garapena, Jasangarritasuna eta Ingurumena) eta Iñaki Arriolak zuzendutakoak (Lurralde Antolaketa, Etxebizitza eta Garraioa) eta 254,71 milioi eta 247,56 milioi eskuratu dituzte, eta horien atzetik Berdintasun, Justizia eta Gizarte Politika Sailera (137,08 milioi) eta Lana eta Enplegua Sailera (79,76 milioi) bideratu da diru gehien. Horien artean, zenbateko guztiaren % 85 baino gehiago pilatzen dute.
Ibilgailu Elektriko Konektatua delakora 250,69 milioi euro bideratu dira eta horren barruan kokatzen da Basquevolt proiektua, Araban bateria elektrikoak ekoizteko egitasmoa. Osasunaren arloan, esaterako, Europako funtsek Osasunberri finantzatzeko balioko dute, Euskadiko osasun industriaren sektorea indartzeko proiektua.
Eusko Jaurlaritzaren altxortegian sartu diren 828 milioietatik % 80 (662 milioi) mobilizatu dira deialdien, kontratuen edo beste erakunde batzuei egindako transferentzien bidez. Euskal enpresek 405 milioi euro eskuratu ahal izan dituzte.
2022. urtearen amaierara arte Europako funtsetatik 154 milioi euro iritsi dira 191 udaletxetara, eta esleitutako kopuruaren % 50,35 hiriburuentzat izan dira.
Zure interesekoa izan daiteke
Sindikatuek eta Jaurlaritzak talka egin dute Tubos Reunidosen etorkizunaren inguruan, argitasun faltagatik
LAB eta ESK sindikatuek Eusko Jaurlaritzaren zeregin aktiboagoa eskatu dute, eta enplegu industrialaren defentsan irmo jardutea eta abian dauden negoziazioen gardentasun handiagoa eskatu diote. Jaurlaritzak berretsi du pilatutako zor handia dela Tubos Reunidosen arazo nagusia.
Energia Agentziak ohartarazi du Europak hegazkinentzako erregai eskasia izan dezakeela sei astean
Ekialde Hurbiletik zetorren hornidura Europako hegazkinetarako erregai-inportazio garbien % 75 zen orain arte.
Babes zabala jaso du osasun publikoaren aldeko plataformek larunbaterako deitutako protestak
60 taldek baino gehiagok egin dute bat deialdiarekin. Manifestazioak 12:00etan abiatuko dira Bilbon (Jesusen Bihotza plazatik) eta Gasteizen (Bilbo plazatik), eta 17:00etan, Donostian (Boulevardetik).
Lan Ikuskaritzak ondorioztatu du Tubos Reunidoseko enplegu-erregulazioko espedienteak legea betetzen duela eta arrazoi ekonomikoak daudela
Espedienteak 240 langileri eragiten die: 177, Amurrioko lantegian, eta 63, Trapagaranen.
Etxeko hegaztien konfinamendua kendu dute, hegazti gripearen egoerak hobera egin baitu
Neurria 2025eko azarotik zegoen indarrean, eta bertan behera utzi da, kasurik ez dagoela egiaztatu baitute, eta tenperaturak gora egin duela ikusita.
Metroko bi zaintzailek salatu dute eraso "bortitza" jasan zutela Urdulizen
CCOO sindikatuak Metro Bilbaori eta enpresa esleipendunari eskatu die langileei baliabide egokiak emateko, "muturreko indarkeria" egoerei aurre egin ahal izateko.
Justiziak ez du onartu mediku gazatar bat Sidenorren aurkako akusazio partikular gisa aurkeztea, eta ez ditu kontuan hartuko Basauriko erregistroak
Akusazio partikularra erretiratu ostean, ezin izango dira Jose Antonio Jainaga eta beste bi zuzendari ikertu genozidio eta gizateriaren aurkako delituen konplize gisa. Siderurgia-enpresaren aurkako ikerketa zabalik dago Auzitegi Nazionalean, altzairua Israelgo enpresa batera esportatzeagatik, eta hori, ustez, armamentua fabrikatzeko erabiltzeagatik.
Voloteak txartelen prezioa erregaiaren kostuaren arabera igo eta jaitsi ahal izango du, 14 eurorainoko tartearekin, hegaldia baino astebete lehenago
Fair Travel Promise sistema berri eta aldakorraren bidez gehigarri finko tradizionalak ekidin nahi ditu konpainiak. Hala, airelineak txartelaren behin betiko salneurria erregaiaren prezioaren arabera doitzeko aukera izango du.
Hithiumen inbertsioa Nafarroan gauzatzeko akordioa sinatu dute Chivitek eta Txinako enpresak, Pekinen
Proiektuari esker 405 milioi euro inbertitu eta 700 lanpostu inguru sortuko dira, lehen fasean, Nafarroan, eta bigarren fasean mila lanpostu ere izan daitezke.
Tasa turistikoa Donostian: Hurtadok uste du ezinezkoa dela uda baino lehen ezartzea, eta Mendoza elkarrizketarako prest agertu da
Jon Insausti alkateak Donostiako tasa turistikoa uda aurretik ezartzea mahai gainean jarri ondotik, gaia pil-pilean dago: Javier Hurtado Turismo sailburuak Radio Euskadin adierazi du ez duela uste bideragarria denik 2027a baino lehen ezartzea, epe teknikoak direla eta. Bien bitartean, Eider Mendoza Gipuzkoako ahaldun nagusiak Euskadi Irratian esan du Gipuzkoako Batzar Nagusietan eztabaidatuko dutela, akordio batera iristeko.