Bruselak Espainiari funtsen hirugarren ordainketa egitea onartu du, 6.000 milioi eurokoa
Europako Batzordeak Espainiako Estatuari pandemiaren osteko susperraldirako funtsen hirugarren ordainketa egitea onartu du, 6.000 milioi eurokoa hain zuzen ere, horrekin lotutako 29 helburuak bete dituela ikusi ostean, erakundeak jakinarazi duenez.
Orain, Europar Batasuneko estatuek lau asteko epea izango dute ordainketari oniritzia emateko, eta onartuz gero, Espainiak Next Generation funtsetatik 37.036 milioi euro jasoko ditu jada, gaurdaino gehien jaso duen estatua bilakatuta.
Bruselak egiaztatu du Espainiako Estatuak 2022ko lehenengo seihilekorako hitzemandako erreformak eta inbertsioak egin dituela, 23 mugarri eta 6 helburu, eta ikuskaritzan atzemandako gabeziak konpondu dituela.
Hiru egun barru eurodiputatu talde bat bertaratuko da Espainian plana nola ari diren aurrera eramaten aztertzeko, eta laugarren ordainketari, 10.000 milioi eurokoa izango denari, atea ireki zaio. Laugarren ordainketa horretan kokatzen da pentsio sistemaren erreforma, besteak beste.
Gaur onartutako hirugarren ordainketarako beharrezkoa zen Konkurtso legea, Lanbide Heziketaren Sistema, autonomoen kotizazio sistema eta Zerga Iruzurraren aurkako Borrokaren eta Prebentzio Neurrien legea erreformatzea, eta energia berriztagarriekin lotutako inbertsioak sustatzea.
I+G+b sektorean ere aurrerapausoak eman behar zituen Espainiako Gobernuak, eta gutxieneko diru-sarrerak eskuratzeko tasan hobekuntzak egin, besteak beste.
Gainera, lehenengo ordainketarako eskaera aztertzerakoan atzemandako ikuskaritza arazoak konpondu ote dituen ere egiaztatu dute, tartean Espainian ordezkari legalik gabe diru-laguntza jasotzen duten enpresa atzerritarren kontratuei buruzkoa.
EBko estatuek hirugarren ordainketa horri bide emanez gero, guztira 37.036 milioi euro izango dira oraingoz jasoko dituenak, 2026ra arte eskuratuko duen diru-laguntzaren erdia.
Gainera, Espainiako Gobernuak 84.000 milioi euroko mailegua eskatuko dio Europako Batzordeari, beste 7.700 milioi euro Next Generation funtsetatik, eta 2.600 milioi jasoko ditu energia mendekotasuna murrizteko RepowerEU mekanismo berritik.
Guztira beste 94.300 milioi euro inbertsio eta erreformak egiteko energia, industria, elikadura, nekazaritza eta teknologia arloetan.
Zure interesekoa izan daiteke
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.