Frantziako "inflazioaren aurkako saskiaren" ezaugarri nagusiak
Frantziako Gobernuak akordioa adostu du Frantziako Estatuko banatzaile-kate nagusiekin, "inflazioaren aurkako saskia" sortzeko.
Horrela, Eliseok enpresa horien eskaerei jaramon egin die, oinarrizko produktuen saskiari prezio finkoa jartzea errefusatzen baitzuten, eta, horren truke, konpainiek marjinak murriztea onartu dute. Helburua elikagaien prezioaren gorakadari aurre egitea da, otsailean % 14,5ekoa izan baitzen Frantzian. Hauek dira "inflazioaren aurkako saskiaren" ezaugarriak:
- Konpainia bakoitzak autonomia izango du bere zerrenda osatu eta prezioak finkatzeko.
- Produktuek etiketa bera izango dute, Frantziako banderaren koloreekin eta "inflazioaren aurkako hiruhilekoa" testuarekin.
- Carrefourrek 200 produktuko saski bat merkaturatuko du martxoaren 15etik aurrera, prezio izoztuak eta bi eurotik beherako produktuak eskainita, Carrefour eta Simply marketako produktu osasungarri eta freskoekin.
- Intermarchek ia 500 produktu bilduko ditu bere saskian: produktu freskoak, esnekiak, arraina, frutak eta barazkiak.
Beste aukera batzuei dagokienez, Bruno Le Maire Ekonomia ministroak uko egin dio BEZa jaisteari, neurri "ez-eraginkorra eta garestia" dela iritzita.
Prezioak ezartzeari dagokionez, Le Mairek esan du Frantzia "merkataritza askatasunean sinesten duen herria" dela, eta, beraz, Estatuari ez dagokiola zentzu horretan esku hartzea.
Gainera, Ekonomia ministroak ohartarazi du industriako ekoizleei eskatuko diela prezioei buruzko negoziazioa ekainean berriro irekitzeko banatzaileekin, "inflazioaren aurkako hiruhilekoa" amaitzeko aurreikusitako data hori baita, 2024ko hasierara arte itxaron beharrean.
Zure interesekoa izan daiteke
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.
Cl Group taldeak Papresa erosteko eskaintza onartu du epaitegi batek
Cristian Layri lotutako Extremadurako taldeak 39,3 milioi euroko eskaintza egin zuen, baina azkenean erosketaren zenbatekoa handiagoa izango da Donostiako Merkataritza Arloko Epaitegiaren arabera.
Bizkaiak “etorkizuna eraikitzeko lekua” dela aldarrikatu du Madrilen, inbertitzaileak erakartzeko
Aldundiak bere erreforma fiskala aurkeztu du Madrilen, ehun bat enpresatako eta erakundetako ordezkarien aurrean.
Langile bat hil da Topoaren lanetan, Donostian
Euskal Trenbide Sareak ohar bidez jakinarazi duenez, tunel batean lanak egiten ari zirela, makina bat irauli da eta langilea azpian harrapatu du.
ZUZENEAN: Etekin Ekonomia Topaketak
Lehiaren Batzordeak espedientea ireki die Ibexeko sei bankuei, hipotekekin lehiaren kontra jardun dutelakoan
Banco Santanderrek, CaixaBankek, BBVAk, Sabadellek, Bankinterrek eta Unicajak adierazi dute hipoteken garestitzea merkatuaren egoeraren ondorio dela.
Satsek bertan behera utzi du emaginen greba Osakidetzan, profesionalen faltari buruzko negoziazioa ireki ostean
Erizainen sindikatuak ekaina eta uztaila bitartean aurreikusitako lanuzteak geldiarazi ditu, baina ohartarazi du mobilizazioei ekingo diela Euskal Osasun Zerbitzuak plantillak indartzeko neurriak zehazten ez baditu.