ELA eta UGT sindikatuek Gipuzkoako metalgintzako hitzarmen berria sinatu dute Adegirekin
Adegi patronalak eta ELA eta UGT sindikatuek (gehiengoa dute sektorean) astearte honetan sinatu dute Gipuzkoako metalgintzako hitzarmen berria. Maiatzaren 11n itxi zuten akordioa, eta gaur irudikatu dute akordioaren sinadura. Lau urterako akordioa da, 30.000 langileri baino gehiagori eragingo die, eta soldata igoerez gain, azpikontratatutako langileen subrogazioa eta euskararen normalizazio plana jasotzen ditu hitzarmenak.
Hain zuzen ere, 2023 honetarako % 5eko soldata igoera adostu dute, 2024rako KPIa gehi % 0,7koa, eta 2025-2026 urteetarako, KPIaren araberako igoera.
ELAk ohar baten bidez zabaldutakoaren arabera, hitzarmena "Hego Euskal Herriko metalaren hitzarmen onena da, soldata igoera eta eskubideetan hobekuntza nabarmenak dituena". Hala, sindikatuak nabarmendu duenez, negoziazioaren hasieran, Gipuzkoako patronala saiatu zen Bizkaian eta Araban gainerako sindikatuekin metalean adostutako edukiak eredu gisa hartzen. Hala eta guztiz ere, ELAk "aberastasuna hobeto banatzeko eta eskubide berriak sartzeko hitzarmena" sinatzea lortu duela azpimarratu du.
LAB eta CCOO, bestalde, oso kritiko agertu dira adostutako itunarekin, eta ez dute izenpetu. Bi sindikatuon iritzian, hobekuntza gehiago lortzeko aukera galdu da. LABek esan du ELAk eta UGTk patronalaren lehen eskaintzarekin amore eman dutela, eta hitzarmen hobea lortzeko aukerarik gabe utzi dituztela langileak. Bide beretik, CCOO sindikatuak nabarmendu du akordio zabalago bat lor zitekeela, hitzarmen berriak zenbait eduki positibo dituela onartu arren.
Lanaldi-murrizketa
Soldata igoeraz gain, bi orduko lanaldi-murrizketa sinbolikoa ere adostu dute, 2024an gauzatuko dena, Adegik aurreko proposamenean proposatzen zuena baino urtebete lehenago, eta UGTk akordio hori sinatzeko baldintza gisa jarri zuena. Horrela, benetako lanaldia 1.695 ordukoa izango da. Murrizketa horren ondorioz, Gipuzkoako metalaren hitzarmena lanaldi laburrena duena izango da Estatuan, Nafarroakoarekin batera.
Akordioak jasotzen du, halaber, laneko gaixotasunagatiko edo lan-istripuagatiko bajak soldataren % 100eraino osatuko direla, nahiz eta "in itinere" izandako istripuak kanpoan utzi.
Era berean, euskararen normalizazioa bultzatzeko neurriak hartuko dira, bai eta LGTBIQ+ kolektiboarentzako lizentzien edo eskubideen hobekuntzak ere.
Zure interesekoa izan daiteke
EAEko ekonomia % 2,2 hazi da iazko martxotik aurtengora, zerbitzuek eta eraikuntzak bultzatuta
12.434 lanpostu sortu dira urtebetean Euskal Autonomia Erkidegoan. Enpleguaren urte arteko bilakaera positiboa izan da eraikuntzan (% 1,2) eta zerbitzuetan; aitzitik, % 0,2 egin du atzera industrian eta lehen sektorean.
Mondragonek 11.322 milioiko salmentak izan ditu 2025ean, eta % 2,9ko igoera espero du aurten
Nazioarteko gatazkek sortzen duten ezegonkortasuna dela eta, 2026rako hazkunde aurreikuspenak “nahiko moderatuak” direla dio korporazioak.
DHL Express-ek etorkizuneko hangarraren lehen harria jarri du Gasteizko aireportuan
Konpainiak urrats erraldoia eman nahi du, 6.600 metro koadroko nabe batekin, eta, horrekin batera, 13.000 metro koadro baino gehiagoko instalazioak izango ditu kanpoaldean. Europako kontinentean DHLk duen bigarren hangarrik handiena izango da.
Katean osorik ekoitzitako lehen auto elektrikoa atera da Volkswagen multinazionalak Landabenen duen lantegitik
Škoda Epiq modeloa da Iruñean osorik ekoitzitako lehen auto elektrikoa. Horrez gain, konbustioko T-Cross eta Taigo modeloak egiten jarraituko du Nafarroako Volkswagenek.
Igor Arroyo: "Denek izan behar dute euskara ikasteko aukera, baina zerbitzu publikoan egonkortzeko beharrezkoa da euskararen ezagutza"
LAB sindikatuko koordinatzaile orokorrak CC.OO. sindikatua kritikatu du. euskararekiko duen jarreragatik Bere ustez, sindikatu horrek "akats galanta" egin du, ez bakarrik CC.OO ELA eta LABengandik urruntzen duelako, "euskal langileengandik" urruntzen duelako baizik.
Nafarroako Gobernuak 50 milioi euro jarriko ditu Hithium enpresa txinatarrarekin sortuko duen sozietatean
Baterien eta energia biltegiratzeko sistemen lantegiak 700 lanpostu sortuko ditu hasieran, eta bigarren fasean kopurua mila langilera irits daiteke.
Euskadi Europako Inbertsio bankuaren "bezero ona" dela nabarmendu du Nadia Calviñok, hainbat arlotan berrikuntza sustatzen du eta
Arantza Ruiz EITB Mediako Albistegietako zuzendariak Nadia Calviño Europako Inbertsio Bankuaren presidentea elkarrizketatu du ETB2ko 12 minutos saioan. Calviñoren arabera, nazioarteko tentsioak eta Ekialde Hurbileko gerrak markatutako testuinguruan, Euskadik ekonomia "indartsua" du.
Gurutzetako Unibertsitate Ospitaleko zuzendari medikoak eta mediku-zerbitzuen zuzendariordeak dimisioa eman dute
EITBk jakin duenez, bi dimisioak medikuen grebaren eta lanuzteak eragiten ari diren presio asistentzialaren ondorioz etorri dira.
2027ko aurrekontuen ildo nagusiak onartu ditu Jaurlaritzak, hazkundea % 1,6koa izango dela aurreikusita
Nöel d'Anjou Ogasun eta Finantza sailburuak azaldu duenez, oinarrizko zerbitzu publikoak indartzea izango da lehentasuna; osasuna, hezkuntza, etxebizitza, segurtasuna eta gizarte zerbitzuak izango omen dira kontuen ardatzak.
Medikuen sindikatuek elkarretaratzea deitu dute ekainaren 15erako, Osasun Ministerioaren aurrean
Greba batzordea osatzen duten medikuen sei sindikatuek eutsi egingo diote ekainaren 15etik 19ra deitutako greba deialdiari. Halaber, Osasun Ministerioarekin behar den guztietan elkartzeko borondatea agertu dute, beti ere, negoziatzeko benetako borondatea badago eta mahai gainean proposamen zehatzak baldin badaude.