Hasi dira Osakidetzako plantilla egonkortzeko 2021-22-23 Lan Eskaintza Publikoko azterketak
Gaur, larunbata, hasi dira Osakidetzako plantilla egonkortzeko 2021-22-23 Lan Eskaintza Publikoko (LEP) azterketak, Barakaldoko BEC erakustazokan eta Gasteizko EHUren Farmazia fakultatean. Asteburu honetan hasi, eta azaroaren 25ean amaituko da prozesua. Orotara, 110 kategoriatan eskainiko dira plazak, eta 109.029 pertsonak eman dute izena.
Gaur-biharretan egingo diren azterketetan 7.318 daude izena emanda, kategoria hauetan:
Larunbata:
Erradiodiagnostikoko teknikari espezialista
Gizarte langilea
Audioprotesien teknikari espezialista
Farmaziako laguntzailea
Joskintzako ofiziala
Instalazio elektrikoetako teknikari espezialista
Igandea:
Aho-hortzen higieneko teknikari espezialista
Informatikako teknikari espezialista
Sukaldaria
Osasun mentaleko erizaina
Emagina
Optikan eta optometrian diplomaduna
Logopedian diplomaduna
Aurkeztu diren hautagaien kopuruari so eginik, erradiodiagnostikoko teknikari espezialistena izan da jende gehien pilatu duena (1.838). Gizarte langileen kasuan 1.265 lagunek eman dute izena eta farmazia laguntzaile postura 929 lagun aurkeztu dira.
Asteburu honetako azterketen ondoren, uztailaren 21eko eta 22ko azterketak soilik geldituko dira egiteko abuztuko atsedenaldiaren aurretik. Hurrengo frogak irailean, urrian eta azaroan egingo dira. Hain zuzen ere, azaroaren 25ean izango dira LEP honetako azken azterketak.
Horiek amaitutakoan, azken baremazioaren garaia iritsiko da. Bi bloketan egingo da azken baremazioa LEP honetan: lehiaketa eta lehiaketa-oposizioa. Emaitzak hurrengo urteko abendurako jakingo direla aurreikusten da.
Eusko Jaurlaritzaren Osasun Sailak adierazi duenez, Osakidetzako lanpostu publikoen egonkortze prozesu hau amaitzen denean, "11.000 langile egonkortuko dira, plantilla osoaren herena".
Uztailean zehar 2018-2019 LEP deialdietako behin-behineko emaitzak argitaratzen joan dira; batik bat, egonkortzeko LEP honetan parte hartu behar zuten kategorietako emaitzak.
Zure interesekoa izan daiteke
OPEP+ek ekainerako petrolio eskaintza erabakiko du Vienan, mundu mailako energia krisiaren erdian
Zazpi ekoizle handi baino ez dira bilduko (Saudi Arabia, Errusia, Irak, Kuwait, Kazakhstan, Aljeria eta Oman) batzarrean, Arabiar Emirerri Batuek erakundea uztea erabaki ondoren.
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.