Lasarte, Pasaia, Hernani, Andoain eta Arrasate "tentsio handiko eremu" izendatzea aztertzen ari dira
Etxebizitza arazoari aurre egiteko neurri gisa, Gipuzkoako hainbat udaletan mozioak aurkeztu ditu azken hilabeteotan Kaleratzeak STOP plataformak, herri horiek "tentsio handiko eremu" izendatzeko. Besteak beste, Donostian, Errenterian, Eibarren eta Irunen onartu dira mozioak, eta datozen hilabeteotan Lasarten, Pasaian, Hernanin, Andoainen eta Arrasaten onartzea espero du etxegabetzeen aurkako plataformak. Orain arteko bideaz, "balantze positiboa" egin du.
Kaleratzeak STOP taldearen iritzian, "etxebizitza larrialdi kroniko" baten aurrean gaude, besteak beste, "etxebizitza hutsen", "alokairu sozialeko parke publiko eskasaren" eta "alokairuaren eta hipoteka kuoten prezioen igoeraren" ondorioz. Hori dela eta, neurriak hartzea eta gaia arautzea "ezinbestekoa" dela irizten dio plataformak.
Donostiako Udalean maiatzaren 4an onartu zuten mozioa. PPk izan ezik, gainerako talde guztiek alde bozkatu zuten. Ondoren, uztailaren 16an, Errenterian egin zuen aurrera mozioak. Kasu horretan, EAJ abstenitu egin zen eta PPk kontra bozkatu zuen. Eibarren joan den asteazkenean onartu zuten aho batez mozioa, eta handik bi egunera, Irunen, onartu zuten, EAJren abstentzioarekin eta PPren kontrako botoarekin.
Lasarteko, Pasaiako, Hernaniko, Andoaingo eta Arrasateko udalek irailean dute aurreikusita mozioak aurkeztu eta onartzea.
Aste honetan bertan, Eusko Jaurlaritzak iragarri du Etxebizitza Legea errekurrituko duela EAEren eskumenak urratzen dituelakoan. Erabaki hori gogor kritikatu du Kaleratzeak STOP plataformak eta esan du mozio gehiago aurkeztea eragingo duela horrek.
Zure interesekoa izan daiteke
Gipuzkoan, hiru kontrataziotik bi goi-mailako ikasketak dutenek beteko dituzte
Unibertsitatera joan direnek zein graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostuak betetzeko.
Eusko Jaurlaritza, Gipuzkoako Foru Aldundia eta Papresako batzordea gaur arratsaldean bilduko dira, CL Groupen eskaintzaren ostean
Hitzordua arratsaldean izango da, Gipuzkoako Foru Jauregian, Extremadurako enpresak Errenteriako paper-fabrika 39 milioi euroren truke erostea planteatu baitu, plantillaren % 72ri eutsita. Langileek aurreratu dute ez dutela proposamena onartuko.
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.