Osakidetzak luzatu egingo du astelehenetik aurrera LEPetarako dokumentazioa entregatzeko ordutegia
Osakidetzak luzatu egingo du Lan Eskaintza Publikoeterako (LEP) dokumentazioa entregatzeko ordutegia lau ospitale nagusietan, aste honetan izapide horrek eragindako ilaren ostean.
Osakidetzako LEPean izena emanda duten pertsonek baldintzak eta merituak egiaztatzeko dokumentazioa entregatu behar dute, bakoitzak dagokion plazarako, eta izapide horrek ilara luzeak eragin ditu aste honetan.
Hala, prozesuotan parte hartzen ari direnek titulazio akademikoa, euskarako ezagutza, Osakidetzako lan esperientzia eta bestelako lan merituak egiaztatzen duen dokumentazioa aurkeztu behar dute, bestelako egiaztagiriez eta gidabaimenaz gain, plaza bakoitzaren izen-emate prozesuan aurkeztutako curriculumarekin bat datorren erakusteko, nahiz eta 2018/19ko LEPean aurkeztu zuten. Osakidetzako langile diren eta beste lanpostu batera aurkeztu diren langileek ere aurkeztu beharko dute.
Izapide horrek hainbat ordutako ilarak eragin ditu erregistroaren bulegoan aste honetan. Arazoa arintzeko asmoz, Osakidetzak esan du gaur behar beste baliabide bideratzen ari dela, bai baliabide materialak, baita giza baliabideak ere.
Horren ildotik, dokumentazioa entregatzeko ordutegia luzatuko du lau ospitale nagusietan -Txagorritxu, Basurtu, Gurutzeta eta Donostialdea-, astelehenetik aurrea. Hala, ordutegi berria 08:00etatik 17:00etara izango da.
Osakidetzak, era berean, gogorarazi du dokumentazioa ohiko erregistro orokorretan ere entregatu ahal dela, esaterako, Correosen, administrazio publikoetan...
Halaber, erraztu egin dute dokumentazioa hartzeko prozesuam, eta, orain, hainbat kategoriatarako dokumentazioa entregatu behar duen pertsonak behin bakarrik egin ahal izango du. Hau da, dagokion txantiloia erregistratu ondoren, hainbat kategoriatarako erabili ahal izango du, zein LEP, kategoria eta erregistro zenbaki dagokion adierazita, eta dokumentazioa lehen aldiz eman zuen lehen erregistroaren data zehaztuta.
NANaren kopia baino ez entregatu behar dutenen kasuan, aurretik dokumentazioa emanda eta baliozkotuta izanagatik, Osakidetzak zuzenketa prozesua erabiltzea erabaki du, hala, aipatutako agiri horren derrigortasuna saihestu egiten da eta Osakidetzak berak eskatuko du NANa entregatzea, nortasuna (izen-abizenak), jaiotze data edota pertsonaren jatorria egiaztatzea beharrezkoa balitz.
Zure interesekoa izan daiteke
Metroko bi zaintzailek Urdulizen jasandako eraso "bortitza" salatu dute
CC. OO. sindikatuak Metro Bilbaori eta enpresa esleipendunari eskatu die plantillari baliabide egokiak emateko "muturreko indarkeria" egoerei aurre egin ahal izateko.
Justiziak errefusatu egin du mediku gazatar bat Sidenorren aurkako akusazio partikular gisa aurkeztea, eta ez ditu kontuan hartuko Basauriko erregistroak
Akusazio partikularra erretiratu ostean, ezin izango dira Jose Antonio Jainaga eta beste bi zuzendari ikertu genozidio eta gizateriaren aurkako delituen konplizitateagatik. Siderurgia-enpresaren aurkako ikerketa zabalik dago Auzitegi Nazionalean, altzairua Israelgo enpresa bati esportatzeagatik eta hori ustez armamentua fabrikatzeko erabiltzeagatik.
Voloteak txartelen prezioa erregaiaren kostuaren arabera igo eta jaitsi ahal izango du, 14 eurorainoko tartearekin, hegaldia baino astebete lehenago
Fair Travel Promise sistema berri eta aldakorraren bidez gehigarri finko tradizionalak ekidin nahi ditu konpainiak. Hala, airelineak txartelaren behin betiko salneurria erregaiaren prezioaren arabera doitzeko aukera izango du.
Hithiumen inbertsioa Nafarroan gauzatzeko akordioa sinatu dute Chivitek eta Txinako enpresak, Pekinen
Proiektuari esker 405 milioi euro inbertitu eta 700 lanpostu inguru sortuko dira, lehen fasean, Nafarroan, eta bigarren fasean mila lanpostu ere izan daitezke.
Tasa turistikoa Donostian: Hurtadok uste du ezinezkoa dela uda baino lehen ezartzea, eta Mendoza elkarrizketarako prest agertu da
Jon Insausti alkateak Donostiako tasa turistikoa uda aurretik ezartzea mahai gainean jarri ondotik, gaia pil-pilean dago: Javier Hurtado Turismo sailburuak Radio Euskadin adierazi du ez duela uste bideragarria denik 2027a baino lehen ezartzea, epe teknikoak direla eta. Bien bitartean, Eider Mendoza Gipuzkoako ahaldun nagusiak Euskadi Irratian esan du Gipuzkoako Batzar Nagusietan eztabaidatuko dutela, akordio batera iristeko.
Abian da errentaren kanpaina Bizkaian: % 70ek "itzultzeko" emaitza izango dute, zergadunen alde
Ekainaren 30era arte luzatuko da epea, eta Foru Ogasunak 683.000 errenta-aitorpen inguru aurkeztea aurreikusten du.
Osakidetzarako lan-eskaintzaren lehen probak ekainaren 19an, 20an eta 21ean egingo dira
Aurreko deialdiekin alderatua, badira zenbait berritasun: besteak beste, probaren nota gorde ahalko da, eta test motako azterketa bakarra egingo da. Guztira, 5.425 lanpostu eskainiko dira, eta 2.160 berriak izango dira.
Sindikatu eta abokatuek langileak "finko" egin ditzatela eskatu dute, Europar Batasuneko Justizia Auzitegiaren ebazpenaren ondoren
Auzitegi Gorenari dagokio orain mahai gainean dituen auziak ebaztea eta Europako ebazpena nola bete behar den zehaztea. Interinok Taldea sindikatuak eta auzia bultzatu duen abokatuak kontratu finkoak izatea ezinbestekotzat jotzen dute. ELAk Gobernuaren “borondate politiko eza” agerian gelditu dela salatu du.
Espainiako Gobernuak dio Europako Justiziaren epaiak ez duela behartzen langile interinoak zuzenean finko bihurtzera
Astearte honetan argitaratutako epai batean, Europar Batasuneko Justizia Auzitegiak adierazi du ez dela nahikoa Espainiak interinoak mugagabe ez-finko bihurtzea. Espainiako Gobernuak, bien bitartean, berretsi egin du langileen behin-behineko kontratuen kopurua murrizteko konpromisoa duela, eta nabarmendu du 419.756 plaza egonkortu dituela dagoeneko.
Inflazioa % 3,4koa izan da martxoan Euskadin, eta % 3,5ekoa Nafarroan, petrolioaren prezioaren ondorioz
Martxoko inflazioa Espainiako Estatuan uste baino hamarren bat altuagoa izan da, erregaien prezioen gorakadak eraginda.