Langabezia tasa % 8,32koa izan da EAEn hirugarren hiruhilekoan, eta % 9,29koa Nafarroan
Hego Euskal Herrian, 15.500 pertsona gehiago daude lanik gabe aurreko hiruhilekoarekin alderatuta: 13.400 Euskal Autonomia Erkidegoan (EAE) eta 2.100 Nafarroan, Espainiako Estatistika Institutuak gaur kaleratutako Biztanleria Aktiboaren Inkestaren (EPA) arabera. Langabezia tasa % 8,32koa izan da EAEn, eta hortik gorakoa, % 9,29koa, Foru Erkidegoan, hurrenez hurren, 1,19 puntu eta 0,5 puntu gora eginda.
Iraila amaitzerako, 119.100 pertsona zeuden langabezian Hego Euskal Herrian —88.500 EAEn eta 30.600 Nafarroan—, hots, hurrenez hurren, aurreko hilabetean baino % 17,88 eta % 7,24 gehiago.
2022ko hirugarren hiruhilekoaren datuekin alderatuta ere, langabeen kopuruak gora egin du. Izan ere, EAEn 1.700 pertsona gehiago zenbatu baitituzte lanik gabe (% 2,01) eta beste 1.700 gehiago Nafarroan (% 5,91).
Datuak lurraldez lurralde aztertuta, Bizkaiak du tasa baxuena (% 7,87); Gipuzkoa dago bigarren (% 8,67), eta Araba hirugarren (% 9,15).
Era berean, behera egin du okupatutako pertsonen kopuruak bai EAEn (2.800 gutxiago) eta baita Nafarroan ere (2.800 gutxiago). Guztira, okupatutako pertsona kopurua honakoa da: 974.800 EAEn eta 299.000 Nafarroan.
Espainiako Estatuan ere, gora egin du langabeen kopuruak (92.700 gehiago), baina hiru milioi langabeen langatik behera eutsi dio (2.850.000). Era berean, okupatutako pertsonen kopuruak marka berria ezarri du eta 21.260.000 pertsonara iritsi da. Estatuko langabezia tasa % 11,84koa da.
Zure interesekoa izan daiteke
Inbertsioak eskatu dituzte Bilbon eta Gasteizen, osasun publikoa desegin ez dadin
Osasun publikoaren aldeko 68 erakundek manifestazioak egin dituzte Bilbon eta Gasteizen, EH Bildu, Podemos eta Sumar alderdien eta hainbat sindikaturen babesarekin. Protesta horietan, Alberto Martinez Osasun sailburuaren dimisioa ere eskatu dute.
ELA, LAB eta ESK sindikatuek Tubos Reunidosen enplegu-erregulazioko espedientea inpugnatuko dute
Beste ostiral batean, Tubos Reunidoseko langileek manifestazioa egin dute Amurrion, eta enpresa-batzordeko kideek azaldu dute etsituta hartu dutela Lan Ikuskaritzaren ebazpena. Hiru sindikatuk, ELAk, LABek eta ESK-k, dagoeneko iragarri dute enplegu-erregulazioko espedientea inpugnatuko dutela datorren astean.
Euskadiko BPGk urteko % 2,2ko hazkundea izan du lehen hiruhilekoan, eta % 0,5 igo da aurrekoaren aldean
Euskal ekonomiak hazkunde-erritmoari eutsi dio 2026an, eraikuntzak eta zerbitzuek bultzatuta.
Eusko Jaurlaritzak "nolabaiteko erosotasuna" ikusten du osasun arloko negoziazioan, eta asistentzian izan dezakeen ondorioen beldur da
Alberto Martínez Osasun sailburuak egoerak paziente eta herritarrentzat sortzen dituen zailtasunez ohartarazi du, eta erantzukizun handiagoa eskatu die inplikatutako aldeei. Onartu du ez duela informaziorik eta ez dela parte hartzen abian dagoen negoziazioan, eta, ohartarazi duenez, egoera hori ziurgabetasuna eta zailtasunak sortzen ari da pazienteentzat eta asistentzia-sistemarentzat. Martinezek kezka hori helarazi du Lurralde arteko Kontseiluan, eta inplikatutako alderdien erantzukizuna eskatu du.
Medikuek beste urrats bat eman dute beren aldarrikapenetan, eta aparteko orduak egiteari uzten hasi dira zenbait
Osakidetzako eta Osasunbideko medikuak beren nagusiei jakinarazten ari zaizkie ez dituztela egingo medikuek arratsaldez egiten dituzten eta itxaron-zerrendak murrizten laguntzen duten borondatezko aparteko orduak, "peonadak" izenekoak. Horrek, besteak beste, arratsaldean egiten diren kirurgiak murriztea ekarriko du.
Sindikatuek eta Jaurlaritzak talka egin dute Tubos Reunidosen etorkizunaren inguruan, argitasun faltagatik
LAB eta ESK sindikatuek Eusko Jaurlaritzaren zeregin aktiboagoa eskatu dute, eta enplegu industrialaren defentsan irmo jardutea eta abian dauden negoziazioen gardentasun handiagoa eskatu diote. Jaurlaritzak berretsi du pilatutako zor handia dela Tubos Reunidosen arazo nagusia.
Energia Agentziak ohartarazi du Europak hegazkinentzako erregai eskasia izan dezakeela sei astean
Ekialde Hurbiletik zetorren hornidura Europako hegazkinetarako erregai-inportazio garbien % 75 zen orain arte.
Babes zabala jaso du osasun publikoaren aldeko plataformek larunbaterako deitutako protestak
60 taldek baino gehiagok egin dute bat deialdiarekin. Manifestazioak 12:00etan abiatuko dira Bilbon (Jesusen Bihotza plazatik) eta Gasteizen (Bilbo plazatik), eta 17:00etan, Donostian (Boulevardetik).
Lan Ikuskaritzak ondorioztatu du Tubos Reunidoseko enplegu-erregulazioko espedienteak legea betetzen duela eta arrazoi ekonomikoak daudela
Espedienteak 240 langileri eragiten die: 177, Amurrioko lantegian, eta 63, Trapagaranen.
Etxeko hegaztien konfinamendua kendu dute, hegazti gripearen egoerak hobera egin baitu
Neurria 2025eko azarotik zegoen indarrean, eta bertan behera utzi da, kasurik ez dagoela egiaztatu baitute, eta tenperaturak gora egin duela ikusita.