Hegaldiak bertan behera geratuz gero 600 eurorainoko kalte-ordainak jaso daitezkeela gogorarazi du FACUAk
Iberiako UGT eta CCOO sindikatuek ez dute akordiorik lortu airelinearekin, eta, beraz, ostiral honetan hasi dituzte lanuzteak lurreko asistentzia ematen duten langileek, astelehenera arte. Testuinguru horretan, hegaldiren bat bertan behera geratzen bada, kaltetutako pertsonek kalte-ordainak eska ditzaketela gogorarazi du FACUA kontsumitzaileen elkarteak. Besteak beste, 600 eurorainoko konpentsazioak jasotzeko eskubidea dute, baita txartelaren zenbatekoa ere. Halaber, hegaldia bertan behera geratuz gero, konpainiak ordaindu behar ditu bidaiariek beren gain hartu behar izan dituzten gastuak.
Zehazki, Europako Parlamentuko eta Kontseiluko 261/2004 Araudiak zenbait konpentsazio aurreikusten ditu hegaldiak bertan behera geratzen direnerako. Hala, bidaiariek 250 euroko konpentsazioa jasoko dute 1.500 kilometrorainoko hegaldietan, 400 eurokoa Europar Batasunaren barruan 1.500 eta 3.500 kilometro bitarteko hegaldietan, eta 600 eurokoa gainerako hegaldietan.
Nolanahi ere, aire-konpainiek % 50 murriztu ahal izango dituzte konpentsazio horiek, baldin eta bidaiariari garraio alternatiboa eskaintzen badiote, kasuan kasu: hasierako hegaldian aurreikusitako iritsiera-orduarekin alderatuta, bi ordutik gorako aldea ez dagoenean 1.500 kilometroko edo hortik beherako hegaldi guztietan; hiru ordutik gorakoa ez denean 1.500 eta 3.500 kilometro arteko hegaldi guztietan, eta lau ordutik gorakoa ez denean gainerako hegaldietan.
Kontsumitzaileen elkarteak nabarmendu duenez, kaltetuek hegaldiaren zenbatekoa itzultzeko eskatu ahal dute zazpi eguneko epean, edo azken helmugara iristeko garraio alternatibo bat izateko, 261/2004 Araudiaren 8. artikuluan jasotakoaren arabera. Konpentsazio horiek, azken helmugara hiru ordutik gorako atzerapenarekin iristen diren hegaldietan ere eska daitezke.
Bidaiariek beste edozein motatako kalte-ordainak ere eskatu ahal izango dituzte, haien izaera edozein dela ere, hegaldia bertan behera uztearen ondorioz gastuak beren gain hartu behar izan badituzte: hotelak, bidaia antolatuak, konexio-hegaldiak, eta abar, baita kalte moralak ere, opor-egunak galdu badituzte, besteak beste.
Gainera, hegaldiaren irteera-ordua hurbiltzen denean bertan behera uzten bada, aire-konpainiek behar adina janari eta freskagarri eskaini behar dizkiete kaltetutako bidaiariei, ostatu eman behar diete gaua hotel batean igaro behar izanez gero, eta garraioa aireportutik hotelera joateko.
Konpainiek ez dituzte konpentsazio horiek eman behar, baldin eta aurreikusitako irteera-ordua baino gutxienez bi aste lehenago jakinarazten badiete erabiltzaileei hegaldia bertan behera utzi dutela, edo horren berri aurretik eman eta garraio alternatibo bat eskaintzen bazaie azken helmugara lau ordu baino gutxiagoko atzerapenarekin iritsi ahal izateko.
Zure interesekoa izan daiteke
Euskal Y-aren eta Nafarroaren arteko lotura urtea amaitu aurretik erabakiko dela esan du Santanok
Espainiako Gobernua lotura Gasteiztik edo Ezkiotik egitea aztertzen ari da. Dena den, eztabaida irabazle eta galtzaile terminoetan egitea baztertu du Jose Antonio Santano Espainiako Gobernuko Garraio eta Mugikortasun Jasangarriko estatu idazkariak Radio Euskadin gaur egin dioten elkarrizketan.
Eusko Jaurlaritza kezkatuta agertu da medikuen grebarekin, Osasun Ministerioak eta greba batzordeak astelehenean bilera egin atarian
Sindikatuek mobilizazio egutegiari eutsi diote, eta akordiorik lortu ezean, apirilaren 27tik 30era greba egingo dute berriro.
Berako Arcelorreko beharginek salatu dute lantegiko mediku-arreta kaskartzen ari dela
ELA sindikatuak salatu du, besteak beste, istripua izan duten langileak —baita lesio larriak dituztenak ere— birkokatu egiten dituztela, dagokien baja medikoa eman beharrean. Hori dela eta, ostegunero lanuzteak egingo dituzte, osasasun arreta kaskartu egin dela salatzeko.
ELAk eta LABek lanuzteak deitu dituzte udal guztietan, apirilaren 23tik aurrera, lan baldintzen gaineko akordioa berritzeko
Sindikatuek lanuzteak eta grebak iragarri dituzte apirilean, maiatzean eta ekainean, lan hobekuntzak aldarrikatzeko eta 28.000 udal langileren baldintzak arautzen dituen akordioaren negoziazioa desblokeatzeko.
Berretsi egin dute Aceros Olarra enpresari ezarritako zigorra, amiantoaren ondorioz hildako behargin baten heriotza ikertzeko auzian
EAEko Justizia Auzitegi Nagusiak berretsi egin du Bilboko epaitegi baten ebazpena. Horren arabera, Cofivacasa sozietate publikoa eta Aceros Inoxidables Olarra enpresa zigortu zituen, eta langilearen familiari 153.000 euro baino gehiago ordaindu behar dizkiote, bien artean, amiantoak biriketako kartzinoma eragin ziola ebatzita.
ESK sindikatuak bi greba egun deitu ditu Gasteizko Mercedes Benz lantegian
Protesta apirilaren 25ean eta 27an izango da, eta salatu nahi dute zuzendaritza “eten barik” urratzen ari dela hartutako akordioak.
Zumaiako Estaños Matienako langileak grebara joango dira apirilaren 13tik 17ra, lan segurtasunean hobekuntzak aldarrikatzeko
Langileek "euren osasuna eta segurtasuna bermatzea" eskatu dute, hainbat istripu izan baitira lantegian, besteak beste, urtarrilaren 31n langile gazte bat hil zen, lan-istripuz.
Ekialde Hurbileko su-eten hauskorrak urduri ditu parketak
Petrolioaren prezioa % 2 inguru igo da lehen orduko enkanteetan. Asiako burtsek galerekin zabaldu dute, eta Europako eta Estatu Batuetako burtsetan ere beherakadak aurreikusi dira.
Euskalduna Jauregiko garbitzaileek bost greba-egun deitu dituzte, soldatak parekatzea aldarrikatzeko
Apirilaren 14tik 18ra egingo dute greba. ISS Facility zerbitzuaren enpresa esleipenduneko langileek salatu dutenez, urtean 18.000 euro inguru kobratzen dituzte, eta Bizkaiko Foru Aldundiko beste eraikin batzuetako garbiketako beste langile batzuek, berriz, 27.000 euro.
Nafarroako Foru Ogasunaren autolikidazio-proposamenak, kontsultagai
Gaur abiatuko da kanpaina telematikoa, eta hilaren 20an aurrez aurrekoa, ekainaren 25era arte. Esperientzia pilotu gisa, aurten errenta bulego mugikor bat egongo da hiru puntutan (Zangoza, San Adrian eta Altsasu), Ogasunaren bulegorik ez duten eremuetako bizilagunei tramitea egiten laguntzeko.