Metro Bilbaok marka historiko berria hautsi du 2023an 92,3 milioi bidaiarekin
Metro Bilbaok errekor berria hautsi du 2023an, 92,3 milioi bidaiarekin. Horrek esan nahi du ia % 1eko igoera izan dela aurten, 2019an, covid-19 pandemiaren aurretik izandako marka historikoarekin alderatuta. Horrela, pandemiak eragindako "ondorioak" atzean utzi ditu metroak, Eneko Arruabarrena Metro Bilbaoko zuzendari kudeatzaileak asteazken honetan azaldu duenez.
2023an txartelen prezioan aplikatutako % 50eko deskontuen eraginari dagokionez, Arruabarrenak adierazi du % 6 eta % 7 artean igo dela bidaiarien kopurua. 6 milioi bidaia inguru izan dira beherapen horiek ekarri dituztenak. 2023ko datuen arabera, Bizkaian garraio publikoan bidaiatzen duten bi pertsonatik batek metroan egiten duela azpimarratu du Metro Bilbaoko zuzendariak.
Ordutegiei dagokienez, iazko gorakadarik handiena 14:00etatik 15:00etara izan zen. Zuzendariaren arabera, datu horrek aurten ordu-tarte horretan ezarritako maiztasuna handitu izana berresten du. Horrez gain, esan du "kezkatu" egiten dituela batzuetan gertatzen diren arazoek, erabiltzaileei metroa normaltasun osoz hartzea ekiditzen dioteenak, eta, beraz, halakoetan erabiltzaileengana iristen den informazioa hobetzeko neurriak hartzen ari direla adierazi du ere.
Gehien erabiltzen den txartela Creditrans izaten jarraitzen du (% 58), Gizatransetik oso urrun (% 12). Aldi baterako tiketen multzoa % 26koa da. Arruabarrenak adierazi duenez, 2023an % 50eko beherapenekin metroak 28 milioi euro bereganatzeari utzi zion, eta diru hori erakundeek jarri behar izan zuten.
Metroaren zuzendariak iaz jasangarritasunaren mesedetan egindako lana azpimarratu du, eta orduko 2,2 gigawatteko energia aurreztu dela ezarritako sistemei esker. Hau da, 747 etxebizitzaren urteko energia-kontsumoa. Bestalde, Metroaren erabiltzaileek baloratu dutenez, zerbitzuaren kalitatea "oso ona" da. Baita geltokien garbiketa, 8,5eko puntuazioarekin, hain zuzen ere.
Zure interesekoa izan daiteke
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.
Euskotreneko langileek Bilboko tranbian zezenketen publizitatea jarri izana salatu dute
Arriaga plazan gaur goizean egindako elkarretaratzean, Euskotreneko langileek balio publikoekin koherentea den eta animalien ongizatea errespetatzen duen publizitatea exijitu dio enpresari.
Mingain urdin kasu bat atzeman dute Barrundiako artalde batean
Gaitzaren aurka txertatutako 200 ardi baino gehiagoko artalde bateko animaliak eman du positibo mingain urdinaren 3. serotipoan.
Eusko Jaurlaritzak Administrazio Orokorreko 461 lanpostu betetzeko EPEan izena emateko epea ireki du
Izen-emate telematikoa irailaren 16an amaituko da, eta lehen azterketak 2027ko urtarrilean egitea aurreikusi da.
Milioi bat euroko zigorra ezarri diote AVIS enpresari, trafiko isunengatik bezeroei kudeaketa gastuak kobratzeagatik
Autoak alokatzen dituen enpresak 33,88 eta 45 euro arteko errekargua aplikatzen du isunaren ordainketa kudeatzeagatik eta administrazioari arau-hauslearen nortasuna jakinarazteagatik.
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.