Beste greba egun bat deitu dute EAEko sektore publikoan martxoaren 12rako
"Sektore publikoko lan-baldintzak eta zerbitzua benetan hobetzeko", ELA, LAB, CCOO, Steilas eta ESK sindikatuek mobilizazioei berrekingo diete EAEn, eta beste greba egun batera deitu dituzte langileak martxoaren 12an. Iaz egindako bi greba egin zirenetik (urriaren 25ean eta abenduaren 19an), bi hilabete baino gutxiago igaro direnean iritsi da deialdi berria.
Sindikatuotako ordezkariek esan dute "erakundeek eta ordezkari politikoek elkarrizketarako eta akordiorako borondatea adierazi duten arren", sektore publikoko egoera ez dela hobetu, kontrakoa, "lan-baldintzek okerrera egiten jarraitzen" dutela. Egoera horren aurrean, "mobilizazioekin jarraitzea beste aukerarik" ez dagoela esan dute Irati Tobar eta Igor Eizagirre LABeko eta ELAko ordezkariek, hurrenez hurren, lanuztearen berri emateko gainerako ordezkariekin batera Bilbon, gaur goizean, egin duten agerraldian.
Erantsi dutenez, "aldundiek eta Eusko Jaurlaritzak diru-bilketetan errekorra eta aurrekontuetan superabita dutenean, langileen behin-behinekotasunak muga historikoa gainditu du ( % 44) eta erosahalmenaren galera % 8tik gorakoa izan da azken bi urteotan".
Era berean, nabarmendu dute "EAJren eta PSOEren arteko inbestidura akordioak, soldatak eta enplegua hemen erabakitzeko ate bat ireki zezakeen arren", ez dela benetako pausorik eman helburu hori lortzeko eta "Madrilgo betoak baliogabetzeko".
Hori guztia salatzeko, sindikatuek dei egin diete langile publikoei "grebarekin eta mobilizazioekin masiboki bat egin" dezaten. Zehazki, hauek dira sindikatuen aldarrikapenak:
- % 10eko soldata igoera eta aurretik hartutako zorra berreskuratzeko konpromisoa
- Pribatizazioei atea ixtea eta publifikazio planak adostea
- Enplegu publikoa sortzea eta kontsolidatzea, behin-behinekotasuna %8n kokatuz
- Lan kargak arintzea, plantillen osasuna bermatuz
- Politika feministak, berdintasunerako plan erreal eta eraginkorrak adostea
- Administrazioak eta langileak euskalduntzeko planak adostea
- Jardunaldiaren murrizketa 32 orduko lan-astearen norabidean ipintzea
Bere aldetik, Eusko Jaurlaritzak esan du ez dagoela "greba deitzeko arrazoirik". Gobernu Bileraren osteko agerraldian, Olatz Garamendi Gobernantza Publiko eta Autogobernuko sailburuak adierazi du negoziaziorako "ateak zabalik" dituztela.
Zure interesekoa izan daiteke
Oiartzunen atzo izandako istripuan hildako gizona lanean ari zen ezbeharra gertatu zenean
Biktima 61 urteko azpeitiar bat da. Antza, gasolindegiko zutoin baten kontra talka egin zuen laneko furgonetarekin.
Ondarroako itsas zabaleko flotak berehalako irtenbideak eskatu dizkio Espainiako Arrantza Ministerioari
"Gasolioaren prezioaren igoerak blokeatuta uzten gaitu, gaur egun itsasora ateratzeak dirua galtzea baitakar", esan du Ondarroako itsas zabaleko flotaren gerente Mikel Ortizek, eta zehaztu du, batez beste, astean 20.000 euro inguru ari direla galtzen arrantzara ateratzen diren itsasontziak.
ELAk zerbitzu publikoak hobetzeko premiazko neurriak eskatu dizkio Pradalesi, eta gutxieneko soldataren aldeko urratsak galdegin ditu
Mikel Lakuntzak politika publikoetan "norabide aldaketa" eskatu dio lehendakariari, zerbitzu publikoen "gainbehera" lehengoratzeko eta patronalari presioa egiteko, Euskadin gutxieneko soldata ezar dadin.
LAB: Pradalesen Gobernuak "suspentso atera du" langileen aldeko politiketan
Garbiñe Aranburuk zalantzan jarri du lehendakariarekin egindako bilera-sortaren sinesgarritasuna, eta elkarrizketa soziala instituzionalizatzeko legea bertan behera uzteko eskatu dio Imanol Pradalesi.
EHUren intersindikalak salatu du Unibertsitate Lege berriak unibertsitate publikoari beharrean, pribatuari egiten diola mesede
Sindikatuok "kezka handia" agertu dute Unibertsitate Lege berriarekin, eta salatu unibertsitate pribatuei diru publikoa jasotzeko bidea errazten diela, publikoaren kaltetan. Hain justu, EHUren "arazo larriena azpifinantzaketa" dela nabarmendu dute.
Greba deitu dute Bizkaiko metal merkataritzan urriaren 7rako, lan hitzarmen berri baten alde
ELA, UGT, CCOO eta LAB sindikatuek soldatak KPIaren arabera eguneratzea eta lanaldia Bizkaiko merkataritzako beste hitzarmen batzuetan ezarritako urteko 1.725 orduetara murriztea.
Gipuzkoako gasolindegietako langileak kalera atera dira lan-hitzarmen berriaren alde
Gipuzkoako gasolindegietako langileek elkarretaratzea egin dute Lan Harremanen Kontseiluaren egoitzaren aurrean, hitzarmen berriaren negoziazioen blokeoa salatzeko. Ia bi urteko prozesuaren ostean, langileak kexu dira patronalak ez duelako erakusten elkarrizketarako borondaterik. Akordiorik lortu ezean, iragarri dute datozen asteetan mobilizazioak areagotu ditzaketela.
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".