Astelehenean errepideetara itzuliko dira traktoreak, eta Biriatu moztuko dute 24 orduz
Nekazariek protestei ekingo diete atzera astelehen honetan. Oraingoan, Estatu mailan koordinatutako ekintza egingo dute, urte hasierako traktore-martxetatik sortutako plataforma independenteek deituta eta Europar Batasunetik datozen politiketan jomuga jarrita. Arabako, Gipuzkoako eta Nafarroako Ataca, Bagea eta 6F nekazari taldeak ere protestara batu dira.
Deitzaileek trafikoa moztuko dute Espainiako Estatuaren eta Frantziakoaren arteko zortzi puntutan. Euskal Herrian, Biriatu izango da protestaren epizentroa, eta inguru horretan trafiko-arazo ugari sortzea aurreikusten dute.
Protesta asteleheneko 10:00etan hasiko da, mugako zortzi puntuetan aldi berean, eta 24 ordu iraungo du, astearteko 10:00ak arte, baina ez da baztertzen mobilizazioak mugagabe bihurtzea.
Eusko Jaurlaritzako Trafiko zuzendari Estibaliz Olabarriren hitzetan, "egun korapilatsua izango da Gipuzkoako errepideetan, muga inguruan". Horregatik, protestan dabiltzan bitartean, Biriatu aldean joan-etorriak saihesteko gomendatu du.
Bidegi eta Ertzaintzaren Gipuzkoako Trafiko Unitateak zirkulazioa zaintzen eta neurriak hartzen arituko dira, ahalik eta arazo gutxien sor dadin.
Bestalde, Eusko Jaurlaritzak trafikoaren gaineko informazioa emango du errepideetako panelen, www.trafikoa.euskadi.eus webgunearen, X sare sozialaren eta 011 telefonoaren (24 orduko arreta) bidez.
Traktoreak gaurtik hasi dira Biriatura hurbiltzen, baina "gaurkoan trafikoa oztopatzeko asmorik gabe".
Deitzaileen arabera, nahita antolatu dituzte protesta hauek Europako Parlamenturako hauteskundeak egingo diren asterako; izan ere, Europako arauak moldatzea dute helburu nekazariek. Besteak beste, inportazioko produktuen gaineko kontrol handiagoa izatea, bertako produkzioei lehentasuna ematea eta elikagaiak ekoizteko zergak murriztea lortu nahi dute mobilizazio hauekin.
"Europan sartzen diren elikagaien gaineko kontrol handiagoa" ere eskatzen dute, eta horiek behar bezala arautzea. Elikagai-katearen araudia berrituta, tokiko produktuak lehenesten dituen lege europarra aplikatzea ere nahi dute.
Zure interesekoa izan daiteke
Osakidetzako inoizko lan eskaintzarik handiena egingo dute gaurtik igandera: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.
Cl Group taldeak Papresa erosteko eskaintza onartu du epaitegi batek
Cristian Layri lotutako Extremadurako taldeak 39,3 milioi euroko eskaintza egin zuen, baina azkenean erosketaren zenbatekoa handiagoa izango da Donostiako Merkataritza Arloko Epaitegiaren arabera.
Bizkaiak “etorkizuna eraikitzeko lekua” dela aldarrikatu du Madrilen, inbertitzaileak erakartzeko
Aldundiak bere erreforma fiskala aurkeztu du Madrilen, ehun bat enpresatako eta erakundetako ordezkarien aurrean.