KPIa % 3,9ra igo da maiatzean EAEn, eta % 3,5era Nafarroan
Kontsumoko Prezioen Indizeak (KPI) hiru hamarren egin du gora maiatzean, urte arteko % 3,9ra arte, Euskal Autonomia Erkidegoan (EAE). Nafarroan, bestalde, igoera nabarmenagoa izan da, sei hamarrenekoa, eta % 3,5ean kokatu da, Estatistikako Institutu Nazionalak (INE) ostegun honetan emandako datuen arabera.
2023a hasi zenetik, prezioak % 2,7 igo dira EAEn eta % 1,9 Nafarroan.
Lurralde historikoen arabera begiratuta, urte arteko KPIa % 4ra iritsi da Bizkaian eta Gipuzkoan, eta Araban, berriz, % 3,6an geratu da. Aurreko hilabetearen aldean, prezioak gehien igo diren lurraldea Araba izan da, % 0,8. Bizkaian % 0,5 igo dira eta Gipuzkoan % 0,4.
Estatu osokoa kontuan hartuta, urte arteko tasa % 3,6koa izan da, aurreko hilean baino hiru hamarren gehiago. Azpiko inflazioaren tasak (energia eta elikagai freskoak kontuan hartzen ez dituenak) ere gora egin du eta % 3,0an gelditu da.
Urte arteko inflazioaren goranzko bilakaera, elektrizitatearen eta erregaien prezioaren garestitzeak eragin du batik bat.
Elektrizitatea garestitu egin da hilabete honetan, iazko maiatzarekin alderatuta. Erregaien kasuan, prezioak jaitsi egin dira 2024ko maiatzean; hala ere, jaitsiera hori 2023ko hilabete berekoa baino txikiagoa izan da.
Elikagaiei eta alkoholik gabeko edariei dagokienez, urte arteko tasak gora egin du berriro maiatzean EAEn, eta % 5,6an kokatu da, apirileko % 5,4aren aldean. Nafarroan, aldiz, aurreko hilabeteetan bezala, % 4,5ean mantendu da. Estatuan, oro har, hiru hamarren jaitsi da, % 4,4ra arte.
Zure interesekoa izan daiteke
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.