LABek Elkarrizketa Sozialerako Mahaitik kanpo 1.600 euroko gutxieneko soldata adostea eskatu dio Jaurlaritzari
LABek negoziazio-mahai berezi bat eratzea eskatu dio Eusko Jaurlaritza berriari, Elkarrizketa Sozialerako Mahaitik kanpo, gutxieneko soldata bat adosteko. Sindikatu abertzaleak eguneratutako kalkuluen arabera, 1.600 eurokoa izan beharko luke.
Garbiñe Aranburu LABeko koordinatzaile nagusiak gaur Bilbon azaldu ditu sindikatuak Imanol Pradales lehendakari berriak eta Mikel Torres Enplegu sailburuak iragarritako bilera-sortetan egingo dituen eskakizunak.
Oraindik ofizialki deitu ez badituzte ere, LABek dagoeneko egin du planteatu beharreko eskarien zerrenda. Sindikatuaren esanetan, soldatak hobetzeko neurriak hartu behar dira, KPIaren gainetik eguneratuta; zerbitzu publikoak indartu behar dira, eta industria-birmoldaketa sustatu behar da, erronka ekosozialei aurre egiteko eta enpresak buru izan gabe.
"Aldaketaren irudia, baina norabide berdina"
LABek Eusko Jaurlaritza osatzeko EAJk eta PSE-EEk adostu duten programa aztertu du, eta, Aranbururen hitzetan, ondorioa da "ez datorrela bat Gobernu berriak eman nahi duen aldaketa-irudiarekin", "norabide berdina" ikusten baita. Sindikatuko koordinatzailearentzat, azken Eusko Jaurlaritzaren kudeaketa "goraipatzea" ez da "abiapuntu ona".
Gobernu berriaren aurrean, LABek enpresaburuek "gehiago ordaintzea" defendatuko du, eta Administrazioak "ereduarekin predikatzea" eskatuko du, langile publikoen soldatak eta azpikontratetako beharginen baldintzak hobetuz.
Gainera, Euskal Autonomia Erkidegoko (EAE) errealitate sozioekonomikoarekin bat datorren Lanbide arteko Gutxieneko Soldata (LGS) eskatuko du.
LABek 1.400 euroko gutxieneko soldata eskatu izan du, Europako Gutun Sozialaren gomendioari jarraiki, hau da, lurraldeko batez besteko soldataren % 60ren baliokidea izatea, baina aldarrikapena 1.600 euroraino igo du gaur; izan ere, bere kalkuluen arabera, hori da soldata-egiturari buruzko azken estatistika-datuetatik (2022koak) ateratzen den kopuru eguneratua.
Elkarrizketa Sozialerako Mahaitik at
EAJren eta PSE-EEren arteko gobernu akordioak "lurraldearen errealitatearekin bat datorren gutxieneko soldata baten beharra" jasotzen duela uste du Aranburuk, eta hori "langileen borrokaren emaitza" dela nabarmendu du, baina Eusko Jaurlaritzak, Confebask patronalak eta CCOO eta UGT sindikatuek partekatzen duten Elkarrizketa Sozialerako Mahaian gai hau aztertu ahal izatea baztertu du.
Gainera, Jaurlaritza berriarekin egingo den bilera-sortan, sindikatu abertzaleak, besteak beste, Osakidetzako politika "neoliberal eta klientelarrak" aldatzea eskatuko du, eta subiranotasun-maila handiagoa bermatuko duen esparru juridiko politiko berri baten alde egingo du.
Zure interesekoa izan daiteke
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintarentzat: esportazioek gora egin arren, gutxiago fakturatu dute
Txinaren "mehatxuaren" aurrean, automozioak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko enpresa-batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera geratu direla. Hemendik aurrera, konkurtso-administrazio batek hartuko ditu enpresaren erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).
Tubos Reunidosek hartzekodunen konkurtsoa aurkeztu du
Enpresak maiatzaren 6an bilera egingo du Trapagaran eta Amurrioko langile batzordeekin. Bestalde, Amurrioko greba mugagabearekin jarraitu ala ez erabakitzeko asanblada egin ahal izateko beharrezkoak ziren 235 sinadurak aurkeztu dituzte Lan Ikuskaritzaren aurrean.
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.
Gipuzkoan, hiru kontrataziotik bi goi-mailako ikasketak dutenek beteko dituzte
Unibertsitatera joan direnek zein graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostuak betetzeko.
Eusko Jaurlaritza, Gipuzkoako Foru Aldundia eta Papresako batzordea gaur arratsaldean bilduko dira, CL Groupen eskaintzaren ostean
Hitzordua arratsaldean izango da, Gipuzkoako Foru Jauregian, Extremadurako enpresak Errenteriako paper-fabrika 39 milioi euroren truke erostea planteatu baitu, plantillaren % 72ri eutsita. Langileek aurreratu dute ez dutela proposamena onartuko.
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".