Gipuzkoako Aldundiak 145 milioi itzuli dizkie lan mutualitateetan kotizatu zuten 46.000 pentsiodunei
Gipuzkoako Foru Aldundiak 145,4 milioi euro itzuli dizkie 1979 baino lehen lan mutualitateetan kotizatu zuten 46.000 pentsioduni 2023ko Errenta kanpainan. Orotara, 163.886 erreklamazio ebatzi ditu Gipuzkoako Ogasunak. Jasotako eskari guztien % 70 da hori.
Auzitegi Gorenaren epaiak aintzat hartuta, Zergabidea plataformaren bidez edota Ogasuneko bulegoetan aurkeztutako erreklamazioen emaitza itzultzea izan bada, eskatzaileek dagokien dirua jaso dute dagoeneko. Aldiz, jasotako eskarietan zuzenketaren bat aplikatu bada, datozen egunotan jakinaraziko zaie kaltetuei informazioa, egindako kalkuluen emaitzarekin.
Jokin Perona Ogasun eta Finantzetako diputatua eta Irune Berasaluze Foru Gobernuko bozeramailea hedabideen aurrean agertu dira, Gobernu Kontseiluaren ostean. Peronak publikoki eskertu du "Ogasun eta Finantzetako eta IZFEko profesionalek egin duten eta egiten ari diren lana, bi astetan eskabideen % 70 erantzuteko gai izan baitira".
Gainerako eskaerei dagokienez —20.000 inguru—, Ogasun eta Finantzetako diputatuak adierazi du "Aldundiak lanean jarraitzen duela eskaera guztiei erantzun ahal izateko". Ildo horretan, azaldu du "kasu horiek banan-banan" berrikusiko direla, "kasuistika ezberdinak baitaude". Lasaitasunerako deia egin dio kolektibo horri, "gure helburua baita dena ebatzita edukitzea urtea amaitu baino lehen".
Zure interesekoa izan daiteke
KPIa % 4,5eraino igo da abuztuan Euskadin eta % 4,2raino Nafarroan
Espainiar Estatuan azken 3 urteetako mailarik altuenean dago urte arteko indizea: % 4,3an. Batez ere erragaien igoerak eragin du KPI-aren gorakada. Elikagaiak eta energia kontuan hartzen ez dituen azpiko inflazioa zertxobait apaldu da, %2,9an dago, aurreko hilean baino hamarren bat apalagoa da.
Petrolioaren prezioak gora egiten jarraitzen du, eta Brenta 107 dolarretik gora iritsi da
Saudi Arabiako oliobide garrantzitsu bat itxi ostean, egoerak okerrera egin du, eta erregaiek ere garestitzen jarraitzen dute, litroko 1,9 euro inguruko batez besteko prezioarekin.
Oiartzunen izandako istripuan hildako gizona lanean ari zen ezbeharra gertatu zenean
Biktima 61 urteko azpeitiar bat da. Antza, gasolindegiko zutoin baten kontra talka egin zuen laneko furgonetarekin.
Ondarroako itsas zabaleko flotak berehalako irtenbideak eskatu dizkio Espainiako Arrantza Ministerioari
"Gasolioaren prezioaren igoerak blokeatuta uzten gaitu, gaur egun itsasora ateratzeak dirua galtzea baitakar", esan du Ondarroako itsas zabaleko flotaren gerente Mikel Ortizek, eta zehaztu du, batez beste, astean 20.000 euro inguru ari direla galtzen arrantzara ateratzen diren itsasontziak.
ELAk zerbitzu publikoak hobetzeko premiazko neurriak eskatu dizkio Pradalesi, eta gutxieneko soldataren aldeko urratsak galdegin ditu
Mikel Lakuntzak politika publikoetan "norabide aldaketa" eskatu dio lehendakariari, zerbitzu publikoen "gainbehera" lehengoratzeko eta patronalari presioa egiteko, Euskadin gutxieneko soldata ezar dadin.
LAB: Pradalesen Gobernuak "suspentso atera du" langileen aldeko politiketan
Garbiñe Aranburuk zalantzan jarri du lehendakariarekin egindako bilera-sortaren sinesgarritasuna, eta elkarrizketa soziala instituzionalizatzeko legea bertan behera uzteko eskatu dio Imanol Pradalesi.
EHUren intersindikalak salatu du Unibertsitate Lege berriak unibertsitate publikoari beharrean, pribatuari egiten diola mesede
Sindikatuok "kezka handia" agertu dute Unibertsitate Lege berriarekin, eta salatu unibertsitate pribatuei diru publikoa jasotzeko bidea errazten diela, publikoaren kaltetan. Hain justu, EHUren "arazo larriena azpifinantzaketa" dela nabarmendu dute.
Greba deitu dute Bizkaiko metal merkataritzan urriaren 7rako, lan hitzarmen berri baten alde
ELA, UGT, CCOO eta LAB sindikatuek soldatak KPIaren arabera eguneratzea eta lanaldia Bizkaiko merkataritzako beste hitzarmen batzuetan ezarritako urteko 1.725 orduetara murriztea.
Gipuzkoako gasolindegietako langileak kalera atera dira lan-hitzarmen berriaren alde
Gipuzkoako gasolindegietako langileek elkarretaratzea egin dute Lan Harremanen Kontseiluaren egoitzaren aurrean, hitzarmen berriaren negoziazioen blokeoa salatzeko. Ia bi urteko prozesuaren ostean, langileak kexu dira patronalak ez duelako erakusten elkarrizketarako borondaterik. Akordiorik lortu ezean, iragarri dute datozen asteetan mobilizazioak areagotu ditzaketela.
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.