Euskal pentsiodunek herri ekimen legegile bat sustatuko dute gutxieneko pentsioak osatzeko
Euskal Herriko Pentsiodunen Mugimenduak herri ekimen legegile bat (HEL) jarriko du martxan gutxieneko pentsioak gutxieneko soldataraino irits daitezen Eusko Legebiltzarrak araudi propioa eztabaida eta onar dezan.
Donostiako Alderdi Ederreko Pentsiodunen Elkarteak eman du ekimenaren berri udaletxearen aurrean egin duen elkarretaratzean. Udako mobilizazioen etenaldiari amaiera eman diote horrela.
Karlos Etxeberria eta Maria Serrano bozeramaileek azaldu dute HELa aurrera eramateko erabakia irailaren 3an hartu zutela Gasteizen tokian tokiko plataformekin egindako bileran, eta horren berri eman dute gainerako hiriburuetan egin dituzten elkarretaratzeetan ere.
Azaldu dutenez, pentsiodunek, "legelarien eta ekonomialarien" babesarekin, 17 orriko testu bat egin dute euren proposamena arrazoitzeko, eta irailaren 26an aurkeztuko dute Eusko Legebiltzarrean.
Tramitera onartuz gero, 10.000 sinadura biltzeari ekingo diote, horixe baita beharrezko kopurua HELari ekiteko.
Gutxieneko soldataren pareko pentsio bat ziurtatuko duen neurri bat eskatzen omen dute, "Europako gutun sozialak ezarritako nahikotasun irizpidean" oinarrituta. Irizpide horren arabera, batez besteko soldataren % 60 izan beharko litzateke gutxieneko pentsioa.
Testua babesteko arrazoi gisa aipatu dute, besteak beste, 150 udaletan onartu dituztela gutxieneko pentsioak 1.080 eurora igotzeko mozioak.
Alderdi Ederreko Pentsiodunen Elkarteak ekimenean parte hartzeko deia egin die herritar guztiei, eta parte har dezatela Eusko Legebiltzarraren atarian, irailaren 26an, egingo duten elkarretaratzean.
Zure interesekoa izan daiteke
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELA, LAB eta ESK sindikatuek, grebarekin jarraitzearen aldekoek, bozketa zilegi den zalantzan jarri dute.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).
Tubos Reunidosek hartzekodunen konkurtsoa aurkeztu du
Enpresak maiatzaren 6an bilera egingo du Trapagaran eta Amurrioko langile batzordeekin. Bestalde, Amurrioko greba mugagabearekin jarraitu ala ez erabakitzeko asanblada egin ahal izateko beharrezkoak ziren 235 sinadurak aurkeztu dituzte Lan Ikuskaritzaren aurrean.
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.
Gipuzkoan, hiru kontrataziotik bi goi-mailako ikasketak dutenek beteko dituzte
Unibertsitatera joan direnek zein graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostuak betetzeko.