Etxebizitza eta lurzoru publikoa betiko blindatzea proposatu du Espainiako Gobernuak
Etxebizitza eta lurzoru publikoa betiko blindatzea proposatu du Isabel Rodriguez Espainiako Gobernuko Etxebizitza eta Hiri Agenda ministroak, eta erkidegoei eskatu die neurria babesteko. Horrekin batera, erantsi du Etxebitza Legeak badituela "beste tresna batzuk", gaur mahai gainean jarritako ekimena bideratzeko.
Diputatuen Kongresuan egin du proposamena Rodriguezek, EH Bilduk, ERCk eta BNGk eskatuta, etxebizitza krisiari aurre egiteko hartuko dituen neurriak azaltzeko. Espainiako Gobernuaren kudeaketa defendatzeaz harago, baina, ez du neurri berririk aurkeztu. PSOEk zein herritar ordezkatzen duen ondo dakiela esan du, eta Etxebizitza Ministerioaren politikei bidean oztoporik ez jartzeko eskatu.
Erregulazioa da, ministroaren hitzetan, etxebizitzaren arloan azken urteotan egindako akatsak zuzentzeko bidea. Horregatik, etxebizitza parkea eta lurzoru publikoa blindatzea beharrezkotzat jo du. Higiezinen burbuila ekarri du gogora, "espekulazioa aregotu" zuela esateko, batetik, eta etxebizitza gehiago egiteak "prezio eskuragarrioak" ez zituela ahalbidetu nabarmentzeko, bestetik. Kredituak sustatzeko politiken ondorioz, familia asko hondoa jota eta dirurik gabe geratu zirela ere esan du.
Gaur xehetasunik eman ez badu ere, duela gutxi PSOEk ekimen bat erregistratu zuen Kongresuan, babestutako etxebizitzek kalifikazio hori betiko izatea ziurtatzeko, erkidegoek eragozteko aukerarik izan gabe. 2023ko Etxebizitza Legean sartu zuten neurria, baina Auzitegi Konstituzionalak baliogabe utzi zuen, erkidegoen eskumenak urratzen zituelakoan.
Bestalde, Etxebizitza Legearen defentsa ere egin du bere agerraldian Rodriguezek, urtetan eman den "anomalia" bat zuzentzea ekarri duela esanez. Azaldu duenez, erkidegoek euren estatutuetan arautu zuten Etxebizitza eskumena, aurretik Konstituzioak konpetentzia hori 47. artikuluan jasota zuen arren.
Horrekin batera, kritikatu du duela urte eta erdi inguru Etxebizitza Legea babestu zuten alderdiek orain araua aldatzeko eskatzea. "Bide luzea du aurretik legeak", erantsi du.
Agindu du, era berean, Espainiako Gobernuak lurzoru publiko gehiago jarriko duela, etxebizitzak eraikitzeko. Bide horretan, gogoratu du PSOEk eta EAJk Lurzoruaren Legea dutela erregistratuta Kongresuan. "Estatuak behar duen etxebizitza parkea eraikitzea ahalbidetuko du Legeak", erantsi du.
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.