Alokairuaren garestitzeak Etxebiden izena emanda daudenen kopurua % 46 igoarazi du urte eta erdian
Urtebete eta erdiko epean, 2023ko urtarriletik 2024ko ekainera bitartean, 26.000 pertsonak eman dute izena Etxebide Etxebizitzaren Euskal Zerbitzuan alokairu publikoko etxebizitza bat eskuratzeko, Etxebizitzaren Euskal Behatokiak egin berri duen txosten baten arabera. % 46ko hazkundea da hori, "ezohikoa", Jaurlaritzak aitortu duenez. Igoerak ondo islatzen du Euskal Autonomia Erkidegoko (EAE) etxebizitza merkatuaren tenkatzea.
Are gehiago, Etxebizitza eta Hiri Agenda Sailak uste du Etxebideren erregistroa "pixkanaka handitzen" jarraituko dutela, egoeraren ondorioz.
Azterlanak EAEn etxebizitza eskuratzeko dagoen arazoaren diagnostikoa egin du eta eskatzaile berrien errealitateak jasotzen ditu. Miguel de los Toyos Etxebizitza eta Hiri Agendako sailburuordeak gaur aurkeztu ditu txostenaren nondik norakoak.
Horren arabera, eskatzaileen gehiengo zabal bat (% 85) emantzipatuta dago, baina zailtasunak ditu alokairu libreko hileko errenta ordaintzeko. Batez beste, alokairua ordaintzeko (690 eurokoa da batezbestekoa) diru-sarreren % 45 bideratzen dute eskatzaileek.
Gainera, izena eman dutenen erdiek baino gehiagok (% 53) ez dute inolako laguntza publikorik jasotzen, gehienbat ezjakintasunagatik. Horren aurrean, dirulaguntzen inguruko informazioa indartzeko beharra ikusi du Eusko Jaurlaritzak.
Txostenaren arabera, alokairu libreko merkatua "dinamikoa" da EAEn, eta egunero ia 11 kontratu sinatzen dira. Hala ere, gune tentsionatu gisa izendatzeko irizpideak (% 17ko garestitzea eta diru-sarreren % 30 baino gehiago etxebizitzara bideratzea) betetzen dituzten 43 udalerrietan dagoen egoerak "prezioen igoera handia ekarri du, eta batez ere klase ertainei eta kolektibo kalteberei eragiten die horrek".
Miguel de los Toyos arloko sailburuordearen hitzetan, "txostenak Jaurlaritzaren aurreikuspenak berresten ditu, eta baliagarria da, bai egoeraren erradiografia gisa, bai Etxebizitza eta Hiri Agenda Sailaren politika publikoak optimizatzeko eta zabaltzeko gida gisa".
Albiste gehiago ekonomia
Euskadik 3.074 langabe gutxiago zenbatu ditu iazko uztailarekin alderatuta, eta 78.743 kontratu berri sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude eta 21.865.503 kotizatzailera iritsi dira, maximo historiko berri bat.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".
Zuiako bizilagunek mila alegazio aurkeztu dituzte Solariaren proiektuen aurka
Aurkeztutako argudioen arabera, eraiki nahi diren parke fotovoltaikoak "mehatxu larria dira natura-ingurunearentzat, gizarte-ehunarentzat eta tokiko ekonomiarentzat".