Kontsumok espedientea ireki dio Airbnb enpresari, legez kontrako pisu turistikoen iragarkiak ez kentzeagatik
Kontsumoko Zuzendaritza Nagusiak zehapen-espedientea ireki dio Airbnb enpresari, pisu turistikoen "legez kontrako" publizitatea zuten milaka iragarki "berehala" kentzeko eskaerari muzin egin dio eta.
Mota horretako praktikak arau-hauste larritzat jo daitezke, eta 100.000 eurorainoko isunak izan ditzakete. Hala ere, zenbateko hori igo egin daiteke, legez kontra eskuratutako irabazia halako lau eta sei artekoa izateraino.
Gizarte Eskubide eta Kontsumo Ministerioak (Zuzendaritza Nagusia haren mende dago) ohar baten bidez jakinarazi duenez, joan den ekainean informazioa eskatu zien hainbat plataformari, jakiteko zeintzutan etxebizitzatan har daitekeen ostatu haien aplikazioen bidez, eta horren ondotik ireki du espedientea.
Ondoren, beste errekerimendu bat bidali zion Airbnb enpresari, eskatzeko "berehala" kendu zitzala bere plataforman agertzen ziren baina lizentzia-zenbakirik ez zuten etxebizitza turistikoen milaka iragarki.
Plataformak ez zituen kendu, eta Kontsumok espedientea irekitzea erabaki du.
Pisu turistikoei buruzko hirugarren ikerketa
Kontsumo Sailak pisu turistikoekin lotuta ireki duen hirugarren ikerketa da. Izan ere, joan den urrian higiezinen agentzietan irregulartasun batzuk antzeman zituen, aldi baterako alokairuetan abusuzko praktikak egiteagatik. Ondoren, duela astebete, ikerketa bat hasi zuen etxebizitza turistikoen enpresa handien aurka, "praktika engainagarriak" izan zitzaketelako, norbanako errentatzaileenak diruditen iragarkien atzean "ezkutatzen" direlako eta betebeharrak saihesten dituztelako, hala nola bezeroarentzako arreta-zerbitzu bat izatea, enpresek bermatu beharrekoa.
Zure interesekoa izan daiteke
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.
Euskotreneko langileek Bilboko tranbian zezenketen publizitatea jarri izana salatu dute
Arriaga plazan gaur goizean egindako elkarretaratzean, Euskotreneko langileek balio publikoekin koherentea den eta animalien ongizatea errespetatzen duen publizitatea exijitu dio enpresari.
Mingain urdin kasu bat atzeman dute Barrundiako artalde batean
Gaitzaren aurka txertatutako 200 ardi baino gehiagoko artalde bateko animaliak eman du positibo mingain urdinaren 3. serotipoan.
Eusko Jaurlaritzak Administrazio Orokorreko 461 lanpostu betetzeko EPEan izena emateko epea ireki du
Izen-emate telematikoa irailaren 16an amaituko da, eta lehen azterketak 2027ko urtarrilean egitea aurreikusi da.
Milioi bat euroko zigorra ezarri diote AVIS enpresari, trafiko isunengatik bezeroei kudeaketa gastuak kobratzeagatik
Autoak alokatzen dituen enpresak 33,88 eta 45 euro arteko errekargua aplikatzen du isunaren ordainketa kudeatzeagatik eta administrazioari arau-hauslearen nortasuna jakinarazteagatik.
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.