Alokairuen prezioa gehienez % 2,20 igo ahalko da, erreferentziazko indize berriaren arabera
2025etik aurrera eguneratzen diren alokairuak % 2,20 garestitu ahalko dira gehienez ere, Espainiako Estatistika Institutuak (INE, gazteleraz) gaur lehen aldiz kaleratu duen erreferentziazko indize berriaren arabera. Neurria Etxebizitza Legea indarrean sartu ostean (2023ko maiatzaren 25a) izenpetutako kontratuei eragingo die, eta "gehiegizko igoerak" saihestea du helburu.
Aurrerantzean ere INEri egokituko zaio alokairuak gehienez zenbat garestitu daitezkeen zehaztea, eta indizea hilero kalkulatuko du KPIren aldakuntza tasak kontuan hartuta (urteko KPIrena, azpiko inflazioarena eta bien arteko batez bestekoa aintzat hartuta). 2025eko urtarrilari dagokion indizea 2024ko azaroko datuak baliatuta kalkulatu du INEk.
Gogora ekarri behar da erreferentziazko indize berri hori Etxebizitza legepean sinatutako kontratuei eragingo diela bakarrik, hau da, 2023ko maiatzaren 25etik aurrera sinatutako horiei. Aurretik izenpetutakoetan, balizko igoera KPIren arabera kalkulatuko da.
Hori horrela, etxebizitzaren jabeak igoera aplikatu nahi izanez gero, % 2,20ko tasa hori izango du muga. Ohi bezala, prezio aldaketak idatziz eta kontratuan jasotako epe eta baldintzak beteta jakinarazi beharko dizkio maizterrari.
Espainiako Gobernuak hainbat urtez ezarri du muga
Etxebizitza Legea onartu aurretik, alokairuen prezioaren balizko igoerak KPIren arabera kalkulatzen ziren. Ukrainako gerra zela eta inflazioa asko igotzen hasi zela ikusita, 2022ko apirilean alokairuen igoerei muga ezartzea ebatzi zuen Espainiako Gobernuak: % 2koa finkatu zuen orduan; 2024an, % 3koa izan da muga.
Aurrerantzean, bada, indize berri horren arabera eguneratu beharko da balizko igoera.
Zure interesekoa izan daiteke
Sindikatuek eta Jaurlaritzak talka egin dute Tubos Reunidosen etorkizunaren inguruan, argitasun faltagatik
LAB eta ESK sindikatuek Eusko Jaurlaritzaren zeregin aktiboagoa eskatu dute, eta enplegu industrialaren defentsan irmo jardutea eta abian dauden negoziazioen gardentasun handiagoa eskatu diote. Jaurlaritzak berretsi du pilatutako zor handia dela Tubos Reunidosen arazo nagusia.
Energia Agentziak ohartarazi du Europak hegazkinentzako erregai eskasia izan dezakeela sei astean
Ekialde Hurbiletik zetorren hornidura Europako hegazkinetarako erregai-inportazio garbien % 75 zen orain arte.
Babes zabala jaso du osasun publikoaren aldeko plataformek larunbaterako deitutako protestak
60 taldek baino gehiagok egin dute bat deialdiarekin. Manifestazioak 12:00etan abiatuko dira Bilbon (Jesusen Bihotza plazatik) eta Gasteizen (Bilbo plazatik), eta 17:00etan, Donostian (Boulevardetik).
Lan Ikuskaritzak ondorioztatu du Tubos Reunidoseko enplegu-erregulazioko espedienteak legea betetzen duela eta arrazoi ekonomikoak daudela
Espedienteak 240 langileri eragiten die: 177, Amurrioko lantegian, eta 63, Trapagaranen.
Etxeko hegaztien konfinamendua kendu dute, hegazti gripearen egoerak hobera egin baitu
Neurria 2025eko azarotik zegoen indarrean, eta bertan behera utzi da, kasurik ez dagoela egiaztatu baitute, eta tenperaturak gora egin duela ikusita.
Metroko bi zaintzailek salatu dute eraso "bortitza" jasan zutela Urdulizen
CCOO sindikatuak Metro Bilbaori eta enpresa esleipendunari eskatu die langileei baliabide egokiak emateko, "muturreko indarkeria" egoerei aurre egin ahal izateko.
Justiziak ez du onartu mediku gazatar bat Sidenorren aurkako akusazio partikular gisa aurkeztea, eta ez ditu kontuan hartuko Basauriko erregistroak
Akusazio partikularra erretiratu ostean, ezin izango dira Jose Antonio Jainaga eta beste bi zuzendari ikertu genozidio eta gizateriaren aurkako delituen konplize gisa. Siderurgia-enpresaren aurkako ikerketa zabalik dago Auzitegi Nazionalean, altzairua Israelgo enpresa batera esportatzeagatik, eta hori, ustez, armamentua fabrikatzeko erabiltzeagatik.
Voloteak txartelen prezioa erregaiaren kostuaren arabera igo eta jaitsi ahal izango du, 14 eurorainoko tartearekin, hegaldia baino astebete lehenago
Fair Travel Promise sistema berri eta aldakorraren bidez gehigarri finko tradizionalak ekidin nahi ditu konpainiak. Hala, airelineak txartelaren behin betiko salneurria erregaiaren prezioaren arabera doitzeko aukera izango du.
Hithiumen inbertsioa Nafarroan gauzatzeko akordioa sinatu dute Chivitek eta Txinako enpresak, Pekinen
Proiektuari esker 405 milioi euro inbertitu eta 700 lanpostu inguru sortuko dira, lehen fasean, Nafarroan, eta bigarren fasean mila lanpostu ere izan daitezke.
Tasa turistikoa Donostian: Hurtadok uste du ezinezkoa dela uda baino lehen ezartzea, eta Mendoza elkarrizketarako prest agertu da
Jon Insausti alkateak Donostiako tasa turistikoa uda aurretik ezartzea mahai gainean jarri ondotik, gaia pil-pilean dago: Javier Hurtado Turismo sailburuak Radio Euskadin adierazi du ez duela uste bideragarria denik 2027a baino lehen ezartzea, epe teknikoak direla eta. Bien bitartean, Eider Mendoza Gipuzkoako ahaldun nagusiak Euskadi Irratian esan du Gipuzkoako Batzar Nagusietan eztabaidatuko dutela, akordio batera iristeko.