Diru publikoz eraikitako etxebizitzek "izaera publikoari eutsiko diote betiko", Sanchezek iragarri duenez
Pedro Sanchez Espainiako Gobernuko presidenteak etxebizitzaren alorrean dagoen egoera "kritikoari" aurre egiteko neurri sorta iragarri du gaur. Guztira, 12 neurri jarriko ditu exekutiboak, hiru arlo handitan: etxebizitza publiko gehiago eraikitzea; araudia zorroztuz, publikoa dena gehiago babestea, eta etxebizitza erosteko, alokatzeko edota zaharberritzeko laguntza gehiago ematea.
Gainera, aurreratu duenez, diru publikoz eraikitako etxebizitzek "izaera publikoari eutsiko diote betiko", eta iragarri du horrela izan dadin lege mekanismo bat jarriko duela. Era berean, neurrien artean, erabaki da Etxebizitzaren Estatu Enpresa Publikoak lehentasuna izan dezan lurzorua edo etxebizitzak erosteko.
"Etxebizitza: ongizate estatuaren bosgarren oinarria" foroa egin dute gaur Madrilen, eta horren itxiera ekitaldian egin ditu iragarpenak Sanchezek. Dena dela, ikusteke dago nola eragingo dien EAEri eta Nafarroari, erkidegoen esku baitago etxebizitzaren eskumena.
Zehaztu duenez, Espainiako Gobernuak Sarebeko (Banku Berregituratzearen ondoriozko Aktiboak Kudeatzeko Sozietatea) 3.300 etxebizitza eta bi milioi metro karratuko bizitegi-lurzorua transferitu dizkio enpresa publiko berriari, etxebizitza publikoak eraikitzeko.
Ildo beretik, urteko lehen seihilekoan 30.000 etxebizitza sartuko dira enpresa publiko horretan, eta horietatik 13.000 berehala egingo dute. Sanchezek berretsi du Espainiak etxebizitza publikoen parkea handitu behar duela (gaur egun, guztizkoaren % 2,5 da), eta Europaren azken muturrean dagoela (% 14 da Frantziako Estatuan eta % 34 Herbehereetan).
Era berean, alokairu soziala bultzatzeko hainbat neurri egongo dira. Berme publikoko sistema bat sortuko dute, jabeak eta maizterrak babesteko, lehenengoek "bermeekin eta arriskurik gabe" alokatu dezaten. Sanchezen arabera, sistema Frantzian "arrakasta handiarekin" probatutakoaren antzekoa da. Helburua da hutsik dauden lau milioi pisuak mugiaraztea, 400.000 inguru tentsionatuetan, alokairuaren merkatura itzul daitezen. Neurria aurten jarriko da martxan, eta 35 urtetik beherakoei alokatzen dieten jabeei aplikatuko zaie.
Era berean, alokairu eskuragarrirako etxebizitza hutsak birgaitzeko programa berri bat jarri ahal izango da martxan. Laguntzak emango zaizkie etxebizitza bat gutxienez 5 urtez modu onean alokairuan jartzeko berritzen duten pertsonei.
Bestalde, Espainiako Gobernuak % 100eko salbuespena proposatu du pertsona fisikoen errentaren gaineko zergan (PFEZ), etxebizitzak erreferentziako indizearen arabera alokairuan jartzen dituztenentzat.
"Airbnb ostatuak sobera daude, etxebizitzak falta dira"
Iragarritako beste neurrietako batek pisu turistikoen merkatuan esku hartzea izango du helburu, Sanchezen arabera, etxebizitzaren arazoaren parte baitira. "Airbnb etxeak sobera daude eta etxebizitzak falta dira", azpimarratu du.
Zentzu horretan, iragarri du Kongresura zerga erreforma bat eramango duela, etxebizitza turistikoak negoziotzat hartu eta jarduera ekonomiko gisa tributatzera pasa daitezen.
Gainera, Espainiako Estatuan bizi ez diren EBtik kanpoko atzerritarrek etxebizitza erostea mugatuko du Espainiako Exekutiboak, "erosiz gero ordaindu beharko duten karga fiskala higiezinaren balioaren %100era arte handituz".
Zure interesekoa izan daiteke
Espainiako Gobernuak eta sektoreak arrantza-kontrola malgutzea adostu dute
EBren araudi berriaren kontrako `protesta-eguna izan du sektoreak gaur, hala, besteak beste, baxurako euskal ontziteria amarratuta egon da, eta Pasaiako (Gipuzkoa), eta Ondarroako eta Bermeoko (Bizkaia) lonjak itxi egin dituzte.
Greba eguna dute astearte honetan itunpeko hezkuntzan, 2024ko akordioa betetzea eskatzeko
ELA sindikatuak 120.000 irakasle deitu ditu grabara. CCOO, Steilas, LAB eta UGT sindikatuek ez dute grebarekin bat egin, baina mobilizazioak deitu dituzte. Asteartean egingo da eskola-orduak murriztearen inguruan jarritako salaketaren epaiketa-saioa EAEko Auzitegi Nagusian.
Euskal gehiengo sindikalak martxoaren 17ko greba orokorra erregistratuko du gaur
ELAk, LABek, Steilasek, ESK-k, Etxaldek eta Hiruk lanbidearteko gutxieneko soldata 2026an 1.500 eurokoa izatea proposatu dute. Dena den, EAEko eta Nafarroako parlamentuek onartu behar dute.
ELA, LAB, Steilas, Hiru eta Etxalde sindikatuek martxoaren 17ko greba erregistratu dute, Euskadi eta Nafarroarako LGS propioaren alde
Eusko Jaurlaritzaren egoitzan ofizialki erregistratu ondoren, sindikatuek lanuztearekin bat egiteko eskatu dute, "lan baldintzek okerrera egiten dutenean eta bizitzaren kostua etengabe handitzen denean erantzun kolektiboa emateko".
Euskal ekonomia % 1,9 haziko da 2026an; 2027an % 1,6 haziko da eta langabezia % 6tik jaitsiko da
Mikel Torres sailburuak ziurtatu duenez, industria da, gaur egun, "kezkarik handiena", 2025ean "% 0,3 baino ez baita hazi". Hala ere, 2026rako "baikor" agertu da, "industriaren sektorea pixkanaka suspertzea" espero baitu: "Seinaleak ikusten hasi gara".
Arrantzaleen kofradiek jarduna eten dute, EBren araudi berriaren aurka protestan
Kofradiek ez dituzte kontrol neurri berriak begi onez ikusi, besteak beste, betebehar polemikoak inposatzen dizkietelako, hala nola porturatzeko abisua lau ordu lehenago eman behar izatea eta harrapaketen erregistroa "zero kilotik" egin behar izatea. Eskakizun horiek, sektorearen ustez, ez datoz bat baxurako arrantzaren eguneroko errealitatearekin.
Ordena berriaren urtea: euskal ekonomia, Trumpen muga-zergek baldintzatuta
Bilboko Portuan, AEBrekiko merkataritza-jarduera bikoiztu egin da, gas inportazioei esker. Hala ere, EAEtik AEBra egindako esportazioak % 11 murriztu dira, eta inportazioak % 4,5. Adituek premiazkotzat jo dute Europako araudia egokitzea.
EBk eta Mercosurrek merkataritza akordio historikoa sinatu dute, Lula faltan zela
Bi eskualdeek ia 26 urteko negoziazio aldia amaitu dute, akordioa adostu eta harremanetarako esparru berri bat ezarrita. Europako nekazariak eta EBko dozena erdi bat estatu akordioaren kontra daudenez, ituna berresteko prozesua gogorra izango da, aurreikuspenen arabera.
Getariako Txakolinak uzta berriaren 3,3 milioi botila merkaturatuko ditu
Jatorri Deituraren arabera, 2025eko uzta "kalitate onekoa" da, eta, kantitatez, 2024koaren "parekoa ia". 31 upategi daude deituraren baitan, eta guztira 479 hektarea dituzte landatuta, aurreko urtean baino 21 gehiago.
Enbalatze lerroa saltzea eta paperaren sektorean enplegu erregulazioko espediente bat ezartzea aztertzen ari da Papresa
Balizko erosleak, CL Grupo Industrial talde extremadurarrak, kartoizko plantan soilik du interesa, "paper salmentak izugarri jaitsi direlako". Enbalatzeek, ostera, online salmentei esker, errentagarritasun handia dutela argudiatu dute.