Hezkuntzako sindikatuen arabera, grebak % 75eko jarraipena izan du, eta negoziatzea eskatu diote Jaurlaritzari
Steilas, LAB, ELA, CCOO sindikatuek —EAEko unibertsitatez besteko Hezkuntza publikoko irakasleen % 90en ordezkaritza— irakasleak greba egitera deitu dituzte, aste honetan bigarrenez, eta balorazioa egiterakoan arrakastaz mintzatu dira. Hori dela eta, pauso bat aurrera emateko eta negoziatzeko dei bat egiteko eskatu diote Hezkuntza Sailari.
Asteko bigarren greba egunean, EAEko hezkuntza publikoko 27.000 irakasle zeuden greba egitera deituta, eta gaur-gaurkoz ez dirudi akordioa gertu dagoenik. Izan ere, oraingoz ez da aurreikusi Hezkuntza Sailaren eta sindikatuen arteko bilerarik.
Sindikatu deitzaileen arabera, irakasleen % 75ek egin dute bat gaurko deitutako grebarekin. Atzo ere grebaren jarraipen datu bera eman zuten sindikatuek. Eusko Jaurlaritzako Hezkuntza Sailaren arabera, aldiz, jarraipena % 45ekoa izan da gaur.
Atzo Bilbon egin bezala, gaur EAEko hiru hiriburuetan egin dituzte manifestazioak eta 10.000 pertsona inguru elkartu dira, sindikatuek emandako datuen arabera.
"Indartsu" daudela eta irakasleen "babes zabala" dutela adierazi du Haizea Arbide Steilasen bozeramaileak Bilboko mobilizazioaren hasieran, eta negoziatzeko "aurrerapausoa" emateko eskatu dio Hezkuntza Sailari. Ohar bidez sindikatuak azaldu duenez, edukiak "zehazteko" eskatu zaionean negoziazioa "haustea" erabaki du Jaurlaritzak, eta gaineratu du jakin badakiela zer jarri behar duen mahai gainean gatazka bideratzeko.
ELAren ordezkari den Miren Zubizarretak Hezkuntza Saila kritikatu du, esan baitu grebek egiten diotela "kalte" hezkuntza sistemari. Ildo horretan, Sailari eskatu dio ahaleginak egin ditzala arazoaren muinari heltzeko.
Ezustekorik ezean, irakasleek hiru greba egun gehiago egingo dituzte martxoaren 27an eta apirilaren 1ean eta 2an.
Zure interesekoa izan daiteke
Gipuzkoarrek bizkaitarrek baino merkeago dute Bilbo-Donostia autobus zerbitzua; Facuak berdintasuna eskatu du
Zerbitzua ematen duten Avanza enpresak Mugi txartela onartzen du eta deskontuak aplikatzen ditu, baina ez du Barik txartela onartzen. Gipuzkoako Foru Aldundiak du linea horren gaineko eskumena.
Euskal Y-aren eta Nafarroaren arteko lotura urtea amaitu aurretik erabakiko dela esan du Santanok
Espainiako Gobernua lotura Gasteiztik edo Ezkiotik egitea aztertzen ari da. Dena den, eztabaida irabazle eta galtzaile terminoetan egitea baztertu du Jose Antonio Santano Espainiako Gobernuko Garraio eta Mugikortasun Jasangarriko estatu idazkariak Radio Euskadin gaur egin dioten elkarrizketan.
Eusko Jaurlaritza kezkatuta agertu da medikuen grebarekin, Osasun Ministerioak eta greba batzordeak astelehenean bilera egin atarian
Sindikatuek mobilizazio egutegiari eutsi diote, eta akordiorik lortu ezean, apirilaren 27tik 30era greba egingo dute berriro.
Berako Arcelorreko beharginek salatu dute lantegiko mediku-arreta kaskartzen ari dela
ELA sindikatuak salatu du, besteak beste, istripua izan duten langileak —baita lesio larriak dituztenak ere— birkokatu egiten dituztela, dagokien baja medikoa eman beharrean. Hori dela eta, ostegunero lanuzteak egingo dituzte, osasasun arreta kaskartu egin dela salatzeko.
ELAk eta LABek lanuzteak deitu dituzte udal guztietan, apirilaren 23tik aurrera, lan baldintzen gaineko akordioa berritzeko
Sindikatuek lanuzteak eta grebak iragarri dituzte apirilean, maiatzean eta ekainean, lan hobekuntzak aldarrikatzeko eta 28.000 udal langileren baldintzak arautzen dituen akordioaren negoziazioa desblokeatzeko.
Berretsi egin dute Aceros Olarra enpresari ezarritako zigorra, amiantoaren ondorioz hildako behargin baten heriotza ikertzeko auzian
EAEko Justizia Auzitegi Nagusiak berretsi egin du Bilboko epaitegi baten ebazpena. Horren arabera, Cofivacasa sozietate publikoa eta Aceros Inoxidables Olarra enpresa zigortu zituen, eta langilearen familiari 153.000 euro baino gehiago ordaindu behar dizkiote, bien artean, amiantoak biriketako kartzinoma eragin ziola ebatzita.
ESK sindikatuak bi greba egun deitu ditu Gasteizko Mercedes Benz lantegian
Protesta apirilaren 25ean eta 27an izango da, eta salatu nahi dute zuzendaritza “eten barik” urratzen ari dela hartutako akordioak.
Zumaiako Estaños Matienako langileak grebara joango dira apirilaren 13tik 17ra, lan segurtasunean hobekuntzak aldarrikatzeko
Langileek "euren osasuna eta segurtasuna bermatzea" eskatu dute, hainbat istripu izan baitira lantegian, besteak beste, urtarrilaren 31n langile gazte bat hil zen, lan-istripuz.
Ekialde Hurbileko su-eten hauskorrak urduri ditu parketak
Petrolioaren prezioa % 2 inguru igo da lehen orduko enkanteetan. Asiako burtsek galerekin zabaldu dute, eta Europako eta Estatu Batuetako burtsetan ere beherakadak aurreikusi dira.
Euskalduna Jauregiko garbitzaileek bost greba-egun deitu dituzte, soldatak parekatzea aldarrikatzeko
Apirilaren 14tik 18ra egingo dute greba. ISS Facility zerbitzuaren enpresa esleipenduneko langileek salatu dutenez, urtean 18.000 euro inguru kobratzen dituzte, eta Bizkaiko Foru Aldundiko beste eraikin batzuetako garbiketako beste langile batzuek, berriz, 27.000 euro.