EAEn gutxieneko soldata negoziatzeko eta adosteko Confebask presionatzea eskatu diote ELAk eta LABek Pradalesi
Mitxel Lakuntza ELAren idazkari nagusia eta Garbiñe Aranburu LABen koordinatzaile nagusia Imanol Pradales lehendakariarekin bildu dira gaur. Euska Autonomia Erkidegoko (EAE) lanbidearteko gutxieneko soldata (LGS) negoziatzeko eta adosteko patronala presionatzea eskatu diote sindikatuetako bi buruzagiek lehendakariari.
Batzarra Ajuria Enea jauregian egin dute. Pradalesek Confebask patronala hartu zuen asteartean, eta ostegunean CCOOrekin bilduko da.
Duela hilabete bat lehendakariak patronalari eta sindikatuei mahai inguruan esertzea eta akordioetara iristea eskatu zien, gutxieneko soldata, absentismoa edo lan osasungintzari buruzko gaietan.
Bilera amaitu ondoren, ELAko eta LABeko buruzagiek gogorarazi dutenez, Confebaskek gutxieneko soldata adosteari uko egin ondoren, sindikatuek Pradales lehendakariari batzarra eskatu zioten gaiaz eztabaidatzeko.
ELAko eta LABeko buruzagiek 1.500 euroko gutxieneko soldata lortzeko proposamena planteatu diote lehendakariari. Neurriak 140.000 bat langileri mesede egingo diela uste dute sindikatu abertzaleek, batez ere ostalaritza, telemarketing eta adinekoen egoitzetako emakumezko beharginei.
Lakuntzaren esanetan, "1.184 euroko Espainiako gutxieneko soldatarekin Euskadin ezinezkoa da bizi-baldintza duinak izatea", eta patronalak ez negoziatzeko jarritako aitzakiek "ez dute batere funtsik. Benetako arrazoia negozio egiteko patronalaren estrategia da, eta soldata txikiekin hori egiten jarraitzea".
Horregatik, lehendakariari "inplikazio handiagoa" eskatu diote, "Confebask eserarazteko, eta ez bakarrik esertzeko, gutxieneko soldata adosteko baizik".
Gai hori dela eta distantziak mantentzeko aukerarik ez dagoela esan diote Pradalesi: "Alde egon ala ez, elkarrizketa eskatzea ez da nahikoa".
Herri-ekimen legegilea
Gainera, sindikatuek gutxieneko soldata herri-ekimen legegile baten bidez planteatuko dute, horretarako sinadurak biltzen ari dira, eta, ondoren, Eusko Legebiltzarrean aurkeztuko dute. Halaber, lehendakariari "bustitzeko" eskatu diote, eta ekimena aurkezten denean horren aldeko botoa emateko.
Garbiñe Aranbururen diskurtsoa antzekoa izan da, eta Pradalesi herri-ekimen legegilea babesteko eta negoziazioa modu proaktiboan bultzatzeko eskatu dio.
Absentismoa
Absentismoa negoziatzeko patronalak egindako eskaera ere aipatu du Aranburuk. LABeko buruzagiaren hitzetan, "ez da egokia gutxieneko soldataren eztabaida absentismoarekin lotzea. Eskubide batzuetan aurrera egiteko ez da besteetan atzera egin behar".
Aranbururen arabera, Euskadin ez dago absentismo arazoa, "Confebask puzten ari da eskubideak murrizten jarraitzea justifikatzeko".
Lehendakariak esandakoa dela eta, Lakuntzak onartu du ez dutela entzun nahiko luketena, eta berretsi du "ekidistantziaz" ari eta ez dutela ontzat emango.
Ildo beretik, Aranburuk esan du "borrokan jarraitzeko ideiarekin" atera direla batzarretik, eta Eusko Jaurlaritzari ausardia handiagoa eskatu dio.
Zure interesekoa izan daiteke
Autonomia-erkidegoek Ministerioaren aurka egin dute: "Gatazkaren konponbidea Estatuan dago"
Hamasei autonomia erkidegok, horien artean Euskadik eta Nafarroak, agiri bateratu bat sinatu dute, Osasun Ministerioari eskatzeko medikuekin berriro hitz egin dezala eta bere gain har dezala Estatutu Marko berriaren inguruan sortutako gatazka konpontzeko erantzukizuna.
Alberto Martinezek 16 erkidegok dokumentu bateratua sinatu dutela jakinarazi du, osasun-arloko tirabiren erdian
Eusko Jaurlaritzako Osasun sailburuak azaldu duenez, 16 autonomia erkidegok dokumentu komun bat sinatu dute, eta Lurraldearteko Osasun Bileran lehen puntu gisa jorratuko da. Osasun Ministerioari egindako kritikak azpimarratu ditu, profesionalekin eta autonomia erkidegoekin akordiorik lortu ez izana egotzita, eta azpimarratu du ministroa "inor barik" geratu dela gatazkaren kudeaketan.
700 funtzionariori aurre erretiroa hartzea ahalbidetuko dien Eusko Jaurlaritzaren plana, azken txanpan
EAEko administrazio orokorreko plantilla gaztetzeko eta berritzeko planaren arabera, 63 urtetik gorako 700 funtzionariok baino gehiagok erretiro aurreratua hartu ahal izango dute. Trukean, lanaldi murrizketak, egun libreak eta antzinatasunagatik opor gehigarriak izango dituzte. CCOOk eta UGTk babesa helarazi diote, baina oraingoz ez dute akordiorik sinatu.
Monica Garcia: "Espainiako Gobernuak bere esku zegoena egin du eta orain erkidegoek dute osasun arloko gatazka onbideratzeko giltza"
Monica Garcia Osasun ministroak adierazi duenez, Espainiako Gobernuak bete egin du jada estatutu markoaren erreforman zuen egiteko zatia, eta ziurtatu du orain autonomia erkidegoei dagokiela medikuen lan-baldintzak hobetzeko erantzukizuna beren gain hartzea. Garciak azpimarratu du autonomiek dutela "gatazkaren giltza", eskumena baitute guardien ordainsariak eta lanaldiak arautzeko eta profesionalekin elkarrizketa mahaiak antolatzeko.
Albiste izango dira: Lurraldearteko Osasun bilera, Araba eta Gipuzkoako zerga turistikoa eta Euskal Museoaren irekiera
Orain-ek gaur landuko dituen albiste nagusien laburpena.
Bilera erabakigarria erkidegoek eta Osasun Ministerioak, medikuen lan-gatazka bideratzeko
Erkidegoetako osasun arduradunek batzarra egin zuten atzo, denen artean adostutako dokumentu bat helarazteko Osasun ministroari, euren ezinegona azalduz. Alberto Martinez eta Fernando Domingez EAEko eta Nafarroako Osasun sailburu-kontseilariak bileran izango direla baieztatu dute.
Osasun publikoko gatazkaren gakoak: Estatutu Markoaren erreforma eta medikuen aldarrikapenak
Urtebete pasa daramate medikuek protestan, euren lanbidearen berezitasunak aintzat hartuko dituen estatutu propioa aldarrikatuz. Uste dute Espainiako Gobernuko Ministroen Kontseiluak onartu berri duen Estatutu Markoaren erreformak ez dituela aintzat hartzen medikuen eskakizunak. Lan-baldintza hobeak nahi dituzte.
Medikuen grebari amaiera emateko "giltza" erkidegoek dutela egin du Garciak
Osasun ministroak gogorarazi du 2000. urtetik erkidegoen esku daudela Osasun Sistemaren baitako hainbat eskumen, horien artean, kudeaketarekin, langileen planifikazioarekin, giza baliabideekin eta lan-baldintzen hobekuntzekin lotutakoak.
Sutea izan da CAFen, Miira lantegiko pintura-kabinan
CAF enpresan sutea piztu da astearte goizaldean, Miirako pintura‑kabinan. LABek jakinarazi duenez, sutearen inguruko nabeetako langileak atera dituzte, eta ez da zauriturik izan. LAB sindikatuak enpresari arduraz jokatzeko eta prebentzio sistemak berrikusteko eskatu dio.
Akordioa Papresan: langileen % 80 subrogatzea eta soldatak izoztea adostu dute
Langileen ordezkariek eta Grupo CL taldeak lortu duten akordioari esker, Errenteriako paper-fabrikaren salerosketa gauzatu ahal izango da. Subrogatuko diren langileen kopurua hasierako proposamenekoa (% 72) baino handiagoa izango da, eta, trukean, bi urtez soldatak izoztea eta lanaldia luzatzea onartu da.