Pradales alderdi politikoekin elkartuko da, Trumpen muga-zergen aurrean batasuna bilatzeko
Imanol Pradales lehendakariak bilera-sorta egingo du gaur Eusko Legebiltzarreko alderdi politiko guztiekin, Voxekin izan ezik, Donald Trump AEBko presidenteak iragarritako muga-zergen aurrean "batasuna" bilatzeko.
Batzarrak lehendakaritzan izango dira, 09:00etan hasita, ordezkari gutxien dituen alderdiarekin, hau da, Sumarreko Jon Hernandezekin.
10:15ean Javier de Andres EAEko PPren presidentea hartuko du Pradalesek, 11:30ean Eneko Andueza PSE-EEren idazkari nagusia, 12:45ean Pello Otxandiano EH Bilduren Legebiltzarreko ordezkari nagusia, eta 14:00etan Joseba Diez Antxustegi EAJren Parlamentuko bozeramailea.
Pasa den ostiralean, Eusko Legebiltzarreko kontrolerako saioan, lehendakariak "batuta eta ausardiaz" erantzuteko deia egin zuen, baina "lasaitasunez" eta "alarmismoan" erori gabe.
Imanol Pradalesek esan zuen Eusko Jaurlaritzak "azkar" erantzun duela, eta "eragile guztiekin lankidetzan" aritu dela "etengabe". Hala ere, onartu zuen egoera "apartekoa" dela.
Aurreko asteazkenean, Eusko Jaurlaritzak iragarri zuen 2.150 milioi euro bideratuko dituela AEBko Gobernuaren muga-zergei aurre egiteko.
EH Bildu
EH Bilduk aurreratu du Otxandianok proposamen bat helaraziko diola lehendakariari, "muga-zergen edo unean uneko arazoen erantzun hutsetik" harago, arreta "herrialdearen gaitasunak indartzeko lehentasun estrategikoetan" jarriz.
EH Bilduren ordezkariaren ustez, Donald Trump egiten ari dena "huts egin duen mundu mailako eredu ekonomikoaren sintoma argia" da, eta ezin zaio "azaleko irtenbideekin" aurre egin.
Horregatik, EH Bilduren esanetan, "elkarlanean, elkarrizketan eta eraldatzeko anbizioan oinarritutako politika da zalantzaz betetako garai honi aurre egiteko modu bakarra".
Zure interesekoa izan daiteke
Guardian eta Glavista enpresen itxiera saihesteko akordioa, gertu; VSF eta Gaviota konpainien bidez
Aiaraldeko bi enpresek, elkarren artean estuki lotuta, 170 eta 240 langile zituzten, hurrenez hurren.
Abian da errenta kanpaina Araban eta Gipuzkoan, eta gaurdanik autolikidazio proposamena onartu daiteke
Astearte honetatik, apirilak 7, Arabako eta Gipuzkoako ogasunek egindako autolikidazio proposamenak onartu edo aldatu ditzakete zergadunek. Ostegunean, apirilak 9, hasiko da errenta aitorpenaren kanpaina Nafarroan, eta apirilaren 15ean, berriz, Bizkaian.
Gaur hasiko da errentaren kanpaina Araban eta autolikidazio proposamenak onartu ahal izango dira
Arabako Foru Aldundiaren aurreikuspenen arabera, aurten 202.576 lagunek inguru egingo dute errenta aitorpena Araban, eta horietatik % 70 inguru herritarrei dirua itzultzeko izango dira. Kanpaina ekainaren 25ean amaituko da eta gehien erabiliko den modalitatea Rentafacil izango da.
Tubos Reunidoseko enpresa batzordeak "inplikazioa" eskatuko dio Jaurlaritzari, asteazkenean egingo duten bileran
Gorka Abascal ESK sindikatuko ordezkari eta enpresa batzordeko kideak adierazi duenez, bilerara jarrera positibo eta arduratsuarekin joango dira, Eusko Jaurlaritzaren eta Espainiako Gobernuaren arteko negoziazioak nola doazen ezagutzeko asmoz. Enpresak bere zorraren erdia Espainiako Gobernuarekin dauka, zehazki, SEPI Industria Partaidetzarako Espainiako Sozietatearekin.
1.033.410 kotizatzaile zeuden martxoan Euskadin, otsailean baino 5.003 gehiago eta 2025eko martxoan baino 10.971 gehiago
Langabeziari dagokionez, martxoan 107.173 pertsona zeuden Lanbiden erregistratuta, otsailean baino 179 gehiago eta duela urtebete baino 1.141 gutxiago. Nafarroan ere igo egin da afiliazioa, eta langabezia, berriz, jaitsi, eta 2008tik izandako daturik onenak izan dira Foru Erkidegoan.
"Handling" zerbitzuko langileek beste greba egun bat dute gaur, eta 175 hegaldi daude programatuta Loiun
Lanuzteak egingo dituzte txanda guztietan. Joan den astelehenean 90 minuturainoko atzerapenak izan ziren, eta hegaldiren bat bertan behera geratu zen.
Gasteizko Aireportuko aparkalekuak doakoa izateari utziko dio 2027tik aurrera
Aenaren arabera, aireportuaren jarduera "nabarmen" hazi da, eta horren ondorioa izan da erabakia. Ramiro Gonzalez Arabako diputatu nagusiak esan du hedabideen bidez izan duela erabakiaren berri.
Tubos Reunidoseko langileek enplegu-erregulazioko espedientea bertan behera uztea eta erakundeen inplikazioa eskatu dute
Amurrioko lantegiko Tubos Reunidoseko langileek manifestazioa egin dute asteazken honetan, 242 kaleratze proposatzen dituen enplegu-erregulazioko espedientearen aurka. Bilbon egindako mobilizazio batean, sindikatuen ordezkariek gutun bat aurkeztu dute enpresaren bulegoetan, espedientea bertan behera uzteko eskatuz.
Nafarroako Gobernuak Irango gerraren ondorio ekonomikoak arintzeko laguntzak iragarri ditu
Hasiera batean, harmonizazio-dekretu bat onartu dute, estatuko neurriak foru-araudira egokitzeko, baina aurreratu du neurri fiskal propioak lantzen ari dela, hala nola, PFEZren ordainketak atzeratzea.
Etxeko hegaztien ustiategietan ezarritako konfinamendua kendu dute, partzialki
Arrisku eta zaintza bereziko eremuetan mantendu egingo da neurria: Nafarroan, 12 udalerritan jarraituko dute etxaldeetako hegaztiek konfinatuta, eta EAEn, sei herritan.