Enrico Lettarekin bildu da lehendakaria, Europaren etorkizunari buruz hausnartzeko
Imanol Pradales lehendakariak Enrico Letta Italiako lehen ministro ohi eta IE School of Politics, Economics and Global Affairsen IE Universityko dekanoarekin bildu da Ajuria Enean, eta, arratsaldean, Europa. Última oportunidad (Europa. Azken aukera) liburuaren aurkezpenean parte hartuko dute bi-biek IE Universityk eta EITBk 17:30ean, EITBko multibox aretoan, antolatutako ekitaldian. Bertan, bi liderrek elkarrizketa irekia izango dute Europak agertoki global berrian dituen erronka handien inguruan.
Europa. Última oportunidad liburua Europako 65 hiritan bederatzi hilabetez egindako ibilbide luzearen emaitza da. Ibilbide horretan, Enrico Lettak 400 bilera baino gehiago egin zituen politika, enpresa, sindikatu eta gizarte munduko ordezkariekin, eta elkarrizketa horietatik abiatuta, Letta txostena idatzi zuen. Bertan, Europaren batasuna indartzeko eta merkatu bakarra modernizatzeko beharra planteatzen du, merkatu hori XXI. mendeko errealitate ekonomiko, sozial eta teknologikoetara egokitzeko.
Euskadi ere bisitatu zuen Lettak bere bidaian, "En Bilbao, ideas para simplificar la vida a las pequeñas y medianas empresas (PYME)" (Bilbon, enpresa txiki eta ertainen bizitza sinplifikatzeko ideiak) atalean agertzen denez, eta Pradales lehendakariarekin izandako elkarrizketa ageri da hor. Besteak beste, Europan gaur egun dauden herrialdetik herrialdera arau eta zerga aldeak jorratzen dira bertan.
Lehendakariak, hain zuzen ere, askotan aipatu izan du Letta txostena Europaren etorkizun ekonomiko eta industrialerako funtsezko dokumentuen artean. "Europako industriaren berpiztean Euskadi bezalako naziorik gabeko estatuen ahotsa ere kontuan izan behar da", esan izan du lehendakariak, eta "Europako proiektua sakoneko eraldaketekin indartu beharra" ere azpimarratu du, Letta, Draghi eta Niinistören txostenen ildotik.
Aurrez, martxoan, Madrilen aurkeztu zuen bere liburua Lettak, Carlos Cuerpo Espainiako Ekonomia ministroa eta Antonio Garamendi CEOEren presidentea ondoan zituela.
Zure interesekoa izan daiteke
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan Bilboko egoitzan. Erakundeetako eta enpresa munduko ordezkariak bildu dituen ekitaldi batean, konpainiaren historia gogoratu dute, eta "argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolako presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.