Hezkuntza Sailak eta sindikatuek negoziatzen jarraitzen dute, akordio bila
Ordubete eta erdiko bilera egin dute goizean Eusko Jaurlaritzako Hezkuntza Saileko arduradunek eta EAEko hezkuntza publiko ez-unibertsitarioan ordezkaritza duten sindikatuek (Steilas, LAB, ELA, CCOO Euskadi, Interinoak eta UGT), eta arratsaldean zehar ere hainbat hartu-eman izan dituzte. Gauean berriro bilduko dira. Batzarron azken helburua maiatzaren 12tik 16ra deituta dauden greba egunak bertan behera utzi eta gatazkari irtenbidea ematea da.
Begoña Pedrosak zuzentzen duen sailak goizaldean helarazi die sindikatuei proposamen berria. Atzo aurkeztutakoa errefusatu egin zuten irakasleen ordezkariek.
Bilerara sartu aurretik, bestelako aldartea erakutsi dute Steilasek (lehen indarra kolektiboan) eta CCOOk. Haizea Arbide Steilaseko bozeramailearen hitzetan, "aurrerapen txiki batzuk" ikusi dituzte planteamendu berrian, eta "erantzukizunez" jokatuko dutela hitzeman du. Ildo beretik mintzatu da CCOO Irakaskuntzako Sonia Aldave ere. Aitortu duenez, bigarren proposamen hori "ezberdina" da.
Ifrentzuan, Aritz Villarrek (LAB) azpimarratu du Hezkuntza Sailaren proposamenak ez dituela "nahikoa berme eta eduki" euren sinadura jasotzeko. ELAko Miren Zubizarretak ere "gabezia ugari" eta "aldaketa gutxi" ikusi dizkio, aurreko proposamenekin alderatuta.
Horren ildotik, salatu dute Hezkuntza Sailak Lehen Hezkuntzarako bakarrik proposatu duela ratioen jaitsiera, eta langileen soldata igoeraren zati bat KPIaren bilakaeraren menpe utzi dela.
Sindikatuen aldarrikapenen artean daude lan-kargak murrizteko, erretiro-baldintzak hobetzeko eta plantillak gaztetzeko neurri zehatzak adostea, bai eta galdutako erosahalmena berreskuratzea, enplegu publikoa bermatzea eta lanpostuak egonkortzea ere, alde bakarrez erabakitzen ari diren zentro publikoen bat-egiteen eta itxieren aurrean.
Zure interesekoa izan daiteke
?fmt=webp-alpha&qlt=80)
Tubos Reunidoseko lan-egutegiak legezko prozedura jarraitu gabe aldatzen saiatzea salatu du ESK sindikatuak
Horren arabera, altzairutegian aritzen diren beharginek arratsaldez edota gauez bakarrik lan egin beharko lukete. ESK sindikatuak uste du neurri horrek eragin negatiboa izango lukeela kaltetutako langileen atsedenean zein osasunean.
Zarauzko eta Bergarako IAT zentroetako langileek greba mugagabea iragarri dute astelehenetik aurrera
Gipuzkoako gainerako IAT lantegietako lan-baldintzak eskatzen dituzte beharginek. Urtean 133 ordu gehiago egiten dituzte lan, eta 2.000 eta 8.000 euro artean gutxiago kobratzen dute.
Jaurlaritzak uko egin dio Osasun Kohesiorako Funtsari 51 milioi ordaintzeari, "neurriz kanpoko" kopurua dela iritzita
Alberto Martinez Osasun sailburuak egungo konpentsazio-sistema berrikustea eskatu du. "Arau argiak, babes nahikoa eta irizpide homogeneoak lurralde guztientzat", esan du.
Volkswagenek bere modelo sorta erdira murriztuko du "segmentu errentagarrienetan" kontzentratzeko
Konpainiak neurri sorta bat iragarri du, bere eskaintzaren konplexutasuna % 75 murriztea eta ibilgailuen urteko ekoizpena hamar milioitik bederatzira jaistea aurreikusten duena.
25 urteko langile bat larri zauritu da Azkoienen, eskailera batetik erorita
Baratze batean ari zen lanean, eta erorikoaren ondorioz, buruan kolpe larria hartu du. Helikoptero medikalizatuan eraman dute Nafarroako Unibertsitate Ospitalera.
ENBAk neurriak eskatu ditu Eusko Label haragiaren "sektorearen egoera kezkagarriaren aurrean"
Azken bost urteotan, Eusko Label behi-azienden ustiategien kopurua % 25 jaitsi da. Haragi ekoizleek ohartarazi dute kostuen igoerak eta errentagarritasunaren jaitsierak arriskuan jartzen dutela sektorearen etorkizuna. Izan ere, ekoizpenean gehitutako kostuen ondorioz, abeltzain askok Euskaditik kanpo saldu behar dute haragia.
Etxebizitza babestuen % 30 errenta ertainentzat gordeko du Eusko Jaurlaritzak
Urtean 20.000 eta 46 000 euro bitarteko diru sarrerak dituzten bizikidetza unitateek etxebizitza babesturako sarbidea izango dute.
Bajen inguruko polemikari datuak erantsi dizkio PPk: "Astelehenetan, 1.700.000 pertsona ez dira lanera joaten"
Juan Bravo PPko Ogasun, Etxebizitza eta Azpiegitura idazkariordeak azaldu duenez, bajan egonda soldata gutxiago kobratzearen aukera Feijook mahai gainean jarri zuenean, "iruzur kasuei" buruz ari zen.
Aranburuk (LAB) "indarrak batzea" eta "neurri sakonagoak" eskatu ditu, ELAk euskararen inguruan egindako proposamenaren aurrean
Garbiñe Aranburu LAB sindikatuko koordinatzaile nagusiak txalotu egin du ELAren proposamena, eta adierazi du hobetzera datozen ekimen guztiak "ongietorriak" izango direla. Hala ere, ohartarazi du egungo negoziazio kolektiboak "euskara gehiago" behar duela eta, oldarraldi judizial eta politikoaren aurrean, "neurri sakonagoak" behar direla.
Lan Harremanen Kontseiluak nabarmendu du negoziazioak euskaraz izateak "ez duela zertan eragozpen izan"
Emilia Malaga Pérez Lan Harremanen Kontseiluko (LHK) presidenteak nabarmendu duenez, "ez dugu inolako aukerarik jakiteko batzordeetan parte hartzen duten pertsonen hizkuntza gaitasuna zein den".