Langabeziak % 2 egin du behera maiatzean Euskadin, eta % 1,8, Nafarroan
Euskal Autonomia Erkidegoan 104.659 langabe zenbatu zituzten maiatzean, apirilean baino 2.152 gutxiago; hau da, % 2,01eko jaitsiera izan da. 2024ko maiatzarekin alderatuta, 1.763 langabe gutxiago daude (% 1,66ko jaitsiera), Espainiako Lan Ministerioak eta Eusko Jaurlaritzak argitaratutako datuen arabera.
Gizarte Segurantzan 4.309 afiliatu gehiago izan ziren Euskadin maiatzean; guztira, 1.029.149 pertsona daude izena emanda, hau da, % 0,42 gehiago apirilarekin alderatuta, eta % 0,97 gehiago, iazko maiatzarekin alderatuta. Gainera, hiru lurraldeetan lan-merkatuan langile gehiago izan ziren.
Generoaren arabera, urte arteko datuak, termino absolutuetan, antzekoak dira gizonezkoei (-% 1,95) zein emakumezkoei (-% 1,44) erreparatuta. Hala ere, hileko konparatibaren portzentajezko balioetan, langabezia gehiago jaitsi da gizonen artean (-% 2,16) emakumeen artean baino (-% 1,91).
Arantza Martinez Tobalina Eusko Jaurlaritzako Lan eta Enplegu Saileko Enplegu zuzendariak adierazi duenez, "langabeziaren bilakaera positiboa da" eta langabeen kopurua "sektore guztietan jaitsi da, inoiz lanik egin gabeko taldekoei dagokienez izan ezik".
Nafarroan, berriz, 532 langabe gutxiago zenbatu dituzte maiatzean, hau da, aurreko hilabetearekin alderatuta, langabeziak %1,80 egin du behera, eta, guztira, 28.959 langabe zenbatu dituzte. Aurreko urteko hilabete berarekin alderatuta, % 2,75 egin du bera (820 langabe gutxiago), Lan eta Gizarte Ekonomiako Ministerioaren datuen arabera.
Generoaren arabera, langabe gisa erregistratutako gizonen kopurua % 2,2 murriztu da hilabetean (245 langabe gutxiago), eta emakume langabeen kopurua, berriz, % 1,6 murriztu da (287 langabe gutxiago). Urtebeteko datuei erreparatuta, gizonezkoen kasuan jaitsiera % 5,2koa da (603 langabe gutxiago), eta emakumezkoetan, % 1,2koa (217 langabe gutxiago). Maiatzaren amaieran, langabe gisa erregistratutakoen % 61,9 emakumeak ziren (17.931), eta % 38,1 (11.028), gizonak.
Gizarte Segurantzako afiliazio-datuek agerian jartzen dute Foru Erkidegoak enplegua sortzen jarraitzen duela, eta, ildo horretan, Nafarroako Gobernuak nabarmendu du 2.945 afiliazio-kopuru handiagoa dagoela apirilarekin alderatuta (% 0,94 gehiago); urtebeteko hazkundeari erreparatuta, berriz, 4.874 afiliazio gehiago erregistratu dira, hau da, % 1,57ko igoera izan da.
Carmen Maeztu Gizarte Eskubideetako, Gizarte Ekonomiako eta Enpleguko kontseilariak balorazio "oso positiboa" egin du maiatzeko datuen inguruan, eta, bere iritziz, Foru Erkidegoaren "dinamismo handia, egonkortasuna eta enplegua sortzeko gaitasuna egiaztatzen dute".
EAEn eta Nafarroan beherako joera izan da hilabete honetan, eta zortzigarren hilabetez jarraian etorri da. Hortaz, datuek argi islatzen dute merkatua supertzen ari dela.
Espainiako Estatuan, langabezia % 2,30 jaitsi da apirilarekin konparatuta, eta % 5,87 iazko maiatzarekin konparatuz. Guztira, 2,5 milioi pertsona daude lanik gabe, 2008ko uztailaz geroztik izandako kopururik txikiena.
Albiste gehiago ekonomia
Bruselak espedientea ireki dio Espainiari, BBVAk Sabadellen akzioak eskuratzeko operazioan erabilitako legeengatik
Europako Batzordearen ustez, kapitalen zirkulazio askearen aurkakoak dira Espainiako Gobernuak operazio hau baldintzatzeko erabili dituen legeak. Eta 2 hilabeteko epea eman diote Espainiako Gobernuari azalpenak emateko.
Portugalete eta Leioa lotuko dituen ibai azpiko errepideak 2026ko lehen seihilekoan hasiko dira, 543 milioiko aurrekontuarekin
Elixabete Etxanobe Bizkaiko diputatu nagusiak defendatu duenez, itsasadarraren azpiko tunela "ez da ez kapritxo bat, ezta burutazio bat ere", eta bai, ordea, lurraldearentzako "behar bat".
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.
Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.
Jaurlaritzak eta Espainiako Gobernuak SEPIren parte-hartzea bideratu dute, Talgoren operazioa gauzatu ahal izateko
Joan den astean, SEPIk Talgo erosteko operazioan "atzera egin" zuela salatu zuen Eusko Jaurlaritzak.
Euskadik babes ofizialeko 1.000 etxebizitza berreskuratuko ditu irailetik aurrera
Erabaki "estrategikoa" da, Euskadiko etxebizitza-parke babestua indartzeko eta, aldi berean, 20 milioi euro inguru sartzeko aukera emango duena. Diru hori alokairu-erregimeneko etxebizitza publiko berriak eraikitzeko erabiliko da oso-osorik.
Ertzainak urriko nominan hasiko dira soldata-igoerak kobratzen
Gobernu Kontseiluak Ertzaintzaren lan-baldintzak (2028ra arte) arautzen dituen akordioa baliozkotzen duen dekretua onartu du. Agenteek urtean 4.200 euro gordineko gutxieneko igoera jasoko dute, eta urriko nominan hasiko dira jasotzen.
Ekainean, urtearteko KPIa % 2,8raino igo da EAEn, eta % 2,4an kokatu da Nafarroan
Espainiako Estatistikako Institutuak argitaratutako datuen arabera, Euskal Autonomia Erkidegoak du erkidegoetan tasarik altuena, Balearrekin batera; izan ere, % 2,8ko indizea dute biek ala biek.