ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
Urriaren 15erako LAB, CCOO, Steilas, Solidari, Etxalde eta Hiru sindikatuek Hego Euskal Herrian deitutako lanuzte orokorrera batu da ELA, gobernuei eta enpresei Israelekin harreman guztiak etetea eskatzeko.
Horretarako, ELAk interpelazio “zuzena” egingo die Eusko Jaurlaritzari eta Nafarroako eta Espainiako gobernuei. “Palestinarren aurkako genozidioa gelditzeko tresna guztiak erabili behar dira, eta une honetan Euskal Herriko alderdiek erabaki behar dute bai Gasteizen eta Iruñean, bai Madrilen noraino eramango duten konpromiso hori”, esan du euskal sindikatuak. “Alegia: euskal alderdiek Israelen aurkako boikotaren baldintza jarri behar dute Sanchezen Gobernua babesteko bozketa guztietan”, gaineratu du.
Era berean, ELAk salatu du Trumpek eta Netanyahuk palestinarrei egindako “azken xantaia”, baita Sanchezen Gobernuak horri emandako “babesa”.
Sindikatuak uste du euskal langileek hemengo erakundeak eta enpresak estutu behar dituztela neurriak har ditzaten Palestinako genozidioa salatzeko. “Izan ere, Euskal Herriak erakutsi du Palestinaren alde mobilizazio bereiziak egiteko gaitasuna duela, bestelako mezu batekin: ezin zaio Israeli ezer ere ez erosi, ez saldu”.
Hasiera batean, Araba, Bizkaia, Gipuzkoa eta Nafarroako lanuzte orokorrak urriaren 13an egitea proposatu zuen ELAk, LABekin batera, Espainiako Estatuko eskaerak baino aldarrikapen “zehatz eta engaiatuagoekin”. Haren nahia zen Espainiako erregimen sindikalak Sanchezen Gobernua babesteko deitu dituen mobilizazioetatik kanpo lanuzteak deitzea. “Hala ere, LABek ez du nahi izan, eta lehenetsi du Espainiako sindikatuei jarraitzea”, deitoratu du ELAk.
Hori horrela, langileak deialdi ezberdinen artean hautatzeko “atakan” ez jartzeko, urriaren 15eko deialdiarekin bat egin du ELAk, “beti ere Madrileko deialdikoak baino eduki zehatz eta eraginkorragoak proposatuta”.
Albiste gehiago ekonomia
Donostian, 60 metro koadroko pisu baten alokairua 800 eurokoa izango da gehienez jota
Gipuzkoako erreferentziazko prezioen indizea Estatuko Aldizkari Ofizialean argitaratu ondoren, asteazken honetan indarrean sartuko da Gipuzkoako udalerri tentsionatuetan alokairuen prezioa mugatzeko aukera ematen duen araua. Irunen, 60 metro koadroko etxebizitza bat alokatzeko ezingo da 624 euro baino gehiago eskatu.
Jaurlaritzak hamarren bat igo ditu hazkunde-aurreikuspenak: % 2,2koa izango da aurten, eta % 1,9koa 2026an
Mikel Torres lehendakariorde eta Ekonomia, Lan eta Enplegu sailburuak adierazi duenez, Euskadik "ekonomia indartsua du, etorkizuneko erronkei aurre egiteko prest dago, eta nazioarteko edozein ziurgabetasunen aurrean egokitzeko gaitasuna du". Hazkunde horren gakoa barne-eskaria izango da.
Gipuzkoako erreferentziazko prezioen indizea argitaratu dute, asteazkenetik aurrera alokairuak mugatzeko
Donostian, Irunen, Errenterian, Lasarte-Orian eta Zumaian izango du eragina. Hileko errenta zehazteko, hainbat datu sartu beharko dira, hala nola katastroko erreferentzia eta higiezinaren helbidea, energia-ziurtagiria, planta eta kontserbazio-egoera. Horrela, higiezin horri aplikatu beharreko alokairu-prezioen tarte objektibo bat lortuko da.
BBVAk iragarri du azaroan akzio bakoitzeko 0,32 euroko dibidendua emango duela
Erakundearen "historiako dibidendu altuena" da, eta akzioen trukean parte hartuko duten Sabadell bankuko akziodunek ere jasoko dutela ziurtatu du bankuak.
Maderas de Llodioko langileek salatu dute erakundeek jarrera pasiboa dutela enplegu-erregulazioko espedientearen aurrean
Langileen batzordeak adierazi duenez, ekoizpenaren % 40 Laudiotik kanpo eramango lukete, eta horrek eskualdearen etorkizun ekonomikoa arriskuan jarriko luke.
Sentsore kuantikoak garatzeko eta ekoizteko laborategia jarri du martxan Tecnaliak Zamudion
Bost milioi euroko inbertsioa izan du eta aitzindaria izango da Europan, sentsore kuantiko horiek aurrerapen handiak ekarriko baitituzte industriarako material berriak sortzeko, mugikortasuna errazteko, eta, osasun arloan, minbiziak garaiz detektatzeko.
ELAk, LABek, Steilasek, ESKk, Etxaldek eta Hiruk Confebask demandatu egingo dute, gutxieneko soldata propioa negoziatu ezean
Kontziliazio eskaera bat erregistratu dute, "patronala negoziatzera behartzeko", EAErako gutxieneko soldataren inguruan, eta gatazkan bitartekari gisa aritzeko eskatu diote Eusko Jaurlaritzari.
Hego Euskal Herriko biztanleen erdiak baino gehiago etxebizitza-eremu tentsionatuetan bizi dira
EAEn, Gasteiz gehituta, ehunekoa % 47,7koa da, eta Nafarroan, berriz, % 70ekoa.
Euskal psikologo klinikoek salatu dute Osakidetzak espezialistak ez diren psikologoak kontratatzeak legea urratzen duela
Diotenez, Osakidetzan osasun mentaleko baliabideak zabaltzeko beharra "agerikoa da", baina "ezin da edozein modutan egin".