A63ak itxita jarraitzen du Baionako tartean nekazarien protestengatik baina auto-ilarak desegiten doaz
Pirinio Atlantikoko Prefeturak jakinarazi duenez, 02:00etan 80 nekazari asindikalek, 60 traktore erabilita, A63 autobidea blokeatu dute Baiona iparraldeko lotunearen parean eta goizetik arazo handiak izan dira inguruetan. Gainera, Prefeturak Biriatuko muga itxi du 7.500 kilotik gorako kamioientzat bi noranzkoetan. Jaurlaritzak EAEko errepideetatik igarotzeko debekatu die 7.500 kilotik gorako kamioiei Frantzia aldera.
Frantziako Estatu osoan nekazariak egiten ari diren mobilizazioak Ipar Euskal Herrian ere eragina izaten ari dira; izan ere, nekazari horiek Baiona ingurua blokeatu dute gaur goizaldean.
Pirinio Atlantikoko Prefeturak jakinarazi duenez, 02:00etan 80 nekazari asindikalek 60 traktore erabilita A63 autobidea blokeatu dute Baiona iparraldeko lotunearen parean, jakinarazi gabeko manifestazio batean.
Egunsentian, ohiko trafikoa hastearekin bat, Baiona erabat kolapsatuta geratu da.
Bat-bateko protestei erantzuteko, A63 errepidea itxi du Prefeturak bi noranzkoetan, Baiona Iparraldearen (6. irteera) eta Baiona Hegoaldearen (5. irteera) artean, eta horrek nabarmen eragin du inguruko errepideetan.
10:30ean, auto-ilarak Ondres/ Tarnos bidesarira arterainokoak ziren iparraldean, hegoaldean, berriz, Biarritzeko bidesariraino. 12:00etan Biarritzera biderako ilarak amaituta zeuden, eta 12:45erako iparraldera aldekoak ere deseginak ziren. A-63a eta Angelu artean auto-ilarek gehiago iraun dute. Hala ere Baionako tarte horrek itxita jarraitzen du.
A64 autobidea ez dago blokeatuta. Baiona Iparraldeko trukagailuak A63 eta A64 errepideen artean zirkulatzeko aukera ematen die gidariei.
Horretaz gain, Prefekturak ibilgailu astunen (7.500 kg-tik gora) zirkulazioa debekatu du Biriatuko pasabidean, bi noranzkoetan, 06:30etik aurrera, amaiera ordurik zehaztu gabe.
Luzaro geratzeko prest
Gaur goizean errepidea moztu duten dozenaka nekazari zubi baten azpian jarri dira A-63 errepidean, eta hotz eta eguraldi txarretik babesten dira han; egoera ez da xamurra, Goretti denboralearen ondorioz. Hala ere, adierazi dute prest daudelabertan luzaro geratzeko, ezinegona sakona delako eta sektorearen etorkizunaren gaineko kezka eta haserrea oso handia direlako. Larunbatean Gobernuak Iparraldeko ordezkariarekin bilduko dira.
Jaurlaritzaren debekua 7.500 kilotik gorako kamioiei
Eusko Jaurlaritzako Segurtasun Sailak ebazpen baten bidez debekatu du 7.500 kilo baino gehiagoko mugaz gaindiko ibilgailu guztiek Euskal Autonomia Erkidegoko bide publikoetan Frantziarako noranzkoan zirkulatzea.
Neurria ostiral honetan, urtarrilaren 9an, sartu da indarrean, eta bere horretan jarraituko du Frantziako Gobernuak nekazarien protestek eragindako arazoak konpondu direla eta normaltasuna berrezarri dela jakinarazi arte. Kategoria honetan sartzen ez diren gainerako ibilgailuek normaltasunez zirkulatu ahal izango dute Euskadiko errepideetan.
Jakinarazi dutenez, Biriatuko ordainlekuan, Frantziarako noranzkoan, Jendarmeria 1. irteeratik (Hendaia-Biriatou) desbideratzen ari da ibilgailuak, horrela, ibilgailu astunak hegoalderantz itzuli daitezen puntu horretatik edo Behobiako nazioarteko zubitik. Frantziako agintariek adierazi dute, oraingoz, itxiera horren iraupena mugagabea dela.
Hegoaldean ere protestak gaur
Hegoaldean ere protestan dira nekazariak. Gasteizen, esaterako 50 bat traktore bildu dira protestan, Lehen Sektoreko Elkarteen Batasun Nazionalak (Unaspi) Mercosurrekiko akordioaren aurka deitutako mobilizazioekin bat eginez.
Protesta
Nekazariek eta abeltzainek ohartarazi dute mobilizazioak "areagotuko" dituztela
Hala iragarri du Raul Beitia Atacako presidenteak (Trebiñuko eta Arabako nekazarien eta abeltzainen elkarte independentea), Nekazaritza Politika Komun berriaren aurkako bigarren protesta egunean. 50 bat traktorek elkarretaratzea egin dute Eusko Jaurlaritzaren aurrean, Gasteizen, Gobernuaren Ordezkariordetzara eramango dituen beste martxa bat egin aurretik.
Zure interesekoa izan daiteke
Gipuzkoako erresidentzietako langileen itxialdia Donostiako Emakumeen Etxean
ELAk deituta, Gipuzkoako adinekoen egoitzetako ehun bat langile Donostiako Emakumeen Etxean itxialdia egiten ari dira atzotik, babes soziala lortzeko eta lan-gatazkan Gipuzkoako Foru Aldundiak "berehala esku-hartzea" eskatzeko.
Lanera ez joatea erabaki dute Petronorreko hainbat langilek bentzenoaren eraginpean ez egoteko
ELAko iturriek adierazi dutenez, nahiz eta Eusko Jaurlaritzak inguruko herritarrei prebentzio-neurriak hartzea gomendatu, enpresak ez die beharginei inolako segurtasun jarraibiderik eman. LABek, bestalde, Petronorri eskatu dio geldi dezala lantegiaren jarduna, intzidentzia konpondu bitartean.
Tubacexek % 30 murriztu ditu irabaziak 2025ean, 15,9 milioi euro irabazi baititu
Salmentak % 6,3 jaitsi dira, 719,3 milioiraino. Hala ere, enpresak esan du eutsi egin diola "merkatuaren ahultasun orokorraren inguruneak" asko markatu duen urtean, "eredu integratuan, dibertsifikazio geografikoan eta balio erantsi handiko hainbat sektore eta nitxotan duen presentzian oinarritutako estrategiari esker", horrek "muga-zergen ziurgabetasunaren inpaktua arintzen" lagundu baitu.
Tubos Reunidoseko langileak Bilbon mobilizatu dira, lan-erregulazioko espedientearen bileran batzordeari laguntzeko
Zuzendaritzak eskaintza berria aurkeztu du, langileek borondatezko bajak onar ditzaten, eta batzordeak bere jarrera berretsi du, enpresak enplegu-erregulazioko espedientea atzera bota dezan. 300 langilek baino gehiagok parte hartu dute protestan.
Bilboko Portuak 77 milioiko fakturazioa izan zuen 2025ean, % 0,3 gehiago
Ivan Jimenez Bilboko Portu Agintaritzako presidenteak jardueraren balantzea aurkeztu du ostegun honetan, eta egoera ekonomikoa onbideratutzat jo du. Horri esker, portu-tasak izoztuta mantenduko dira.
Hauek dira 'babes sozialerako' dekretua indargabetu ondoren bertan behera geratu diren neurriak
Dekretua bigarren aldiz indargabetu izanak bertan behera utzi du familia zaurgarrien etxegabetzeak etetea, baita zerga eta enpresa arloko beste neurri batzuk ere. Hauek dira babes sozialerako dekretuak jasotzen zituen neurri nagusiak.
Danobatek 500 lanpostu sortuko ditu Euskadin, eta 50 milioi inbertituko ditu "robot industrialen belaunaldi berri bat" egiteko
Helburua da Euskadin robot industrial aurreratuen belaunaldi berri bat diseinatzea eta fabrikatzea, eta teknologia estrategiko horren ildoko tokiko balio-kate sendo bat finkatzea.
Stellum Capitalek ia hirukoiztu egingo ditu aktiboak bi urtean, 700 milioi euroraino
Artizarra Fundazioak sortutako eta Hego Euskal Herriko enpresaburuek sustatutako kapital pribatuko funts kudeatzaile bat da Stellum Capital. Inbertitzeko hiru tresna berri abiaraziko dituzte, egungo aktiboak hirukoizteko helburuarekin.
"Anbizioa dugu, eta erabakimena gure lurraldean geratzea bilatzen dugu"
Atzo zabaldu zenez, euskal inbertsore talde batek Azpeitiko Elmubas Petfood Group enpresa erosteko interesa omen du. Euskadi Irratiari egindako adierazpenetan Eider Mendoza Gipuzkoako ahaldun nagusiak esan duenez, berri ona da, eta operazioa "gertutik" jarraituko dute.
Euskal inbertsore talde batek interesa izan lezake Azpeitiko Elmubas Petfood Group erosteko
EITBk jakin duenez, negoziazioak oso aurreratuta daude, eta baliteke, epe laburrean, enpresaren jabeak Euskadikoak izatea berriro. 300-400 milioi euro inguruko operazioa litzateke.