Espainiako Gobernuak eta sektoreak arrantza-kontrola malgutzea adostu dute
EBren araudi berriaren kontrako `protesta-eguna izan du sektoreak gaur, hala, besteak beste, baxurako euskal ontziteria amarratuta egon da, eta Pasaiako (Gipuzkoa), eta Ondarroako eta Bermeoko (Bizkaia) lonjak itxi egin dituzte.
Espainiako Gobernuak eta arrantza-sektoreak akordioa sinatu dute gaur, arrantzaren kontrolerako Europako Erkidegoko araudia aplikatzeko modua malgutzeko. Akordio horrek baretu egin ditu astelehen honetan piztutako arrantzaleen protestak eta, ondorioz, lanuzteak bertan behera gelditu dira.
Arrantzako Idazkaritza Nagusiak, arrantzaleen kofradiek eta armadoreen Cepesca patronalak bilera egin dute gaur arratsaldean eta, horren ostean, agiri bateratua kaleratu dute, adostutako neurriak xehe azalduz.
Funtsezko puntuak
Akordioak polemika gehien sortu zuten puntuei eragiten die, besteak beste, harrapaketen oharpenari eta aldez aurreko jakinarazpenari lotutakoei.
Javier Garat Cepescako idazkari nagusiaren esanetan, sektoreak “funtsezko” aldarrikapenak lortu ditu, eta horien alde borrokatu da, esaterako, 50 kilotik beherako espezieen harrapaketen deklarazioei dagokienez.
Arrantzaleen kofradiak ere gustura agertu dira adostutakoarekin, eta jakinarazi dute Estatu osoan gaur egindako lanuzteak bertan behera uztea erabaki dutela.
Kofradien presidentearen arabera, araudia malgutzea albiste ona da sektorearentzat, aurreko egoerak zigor ekonomiko handiak ekar baitzitzakeen.
Hala, arrantza-ekimen bakoitzeko harrapaketen jakinarazpenari dagokionez, betetzat joko da gutxienez egunean behin egiten bada, portura sartu aurretik edo lehorreratzea egiten den lekuan.
Era berean, sektoreak lau orduko aldez aurreko jakinarazpena moldatzea ere lortu du, beharrezkoak ez diren itxaronaldiak saihesteko.
Protestak
Ehunka arrantzale bildu dira gaur Madrilen, Arrantzako Idazkaritza Nagusiaren egoitzaren aurrean, kontrol-arauaren aurka protesta egiteko.
Mobilizazioak Atlantikotik eta Kantauritik Mediterraneoraino zabaldu dira. Euskadin, baxurako euskal flota amarratuta egon da, eta Pasaiako (Gipuzkoa) eta Ondarroako eta Bermeoko lonjak (Bizkaia) itxita egon dira.
Zure interesekoa izan daiteke
Greba eguna dute astearte honetan itunpeko hezkuntzan, 2024ko akordioa betetzea eskatzeko
ELA sindikatuak 120.000 irakasle deitu ditu grabara. CCOO, Steilas, LAB eta UGT sindikatuek ez dute grebarekin bat egin, baina mobilizazioak deitu dituzte. Asteartean egingo da eskola-orduak murriztearen inguruan jarritako salaketaren epaiketa-saioa EAEko Auzitegi Nagusian.
Euskal gehiengo sindikalak martxoaren 17ko greba orokorra erregistratuko du gaur
ELAk, LABek, Steilasek, ESK-k, Etxaldek eta Hiruk lanbidearteko gutxieneko soldata 2026an 1.500 eurokoa izatea proposatu dute. Dena den, EAEko eta Nafarroako parlamentuek onartu behar dute.
ELA, LAB, Steilas, Hiru eta Etxalde sindikatuek martxoaren 17ko greba erregistratu dute, Euskadi eta Nafarroarako LGS propioaren alde
Eusko Jaurlaritzaren egoitzan ofizialki erregistratu ondoren, sindikatuek lanuztearekin bat egiteko eskatu dute, "lan baldintzek okerrera egiten dutenean eta bizitzaren kostua etengabe handitzen denean erantzun kolektiboa emateko".
Euskal ekonomia % 1,9 haziko da 2026an; 2027an % 1,6 haziko da eta langabezia % 6tik jaitsiko da
Mikel Torres sailburuak ziurtatu duenez, industria da, gaur egun, "kezkarik handiena", 2025ean "% 0,3 baino ez baita hazi". Hala ere, 2026rako "baikor" agertu da, "industriaren sektorea pixkanaka suspertzea" espero baitu: "Seinaleak ikusten hasi gara".
Arrantzaleen kofradiek jarduna eten dute, EBren araudi berriaren aurka protestan
Kofradiek ez dituzte kontrol neurri berriak begi onez ikusi, besteak beste, betebehar polemikoak inposatzen dizkietelako, hala nola porturatzeko abisua lau ordu lehenago eman behar izatea eta harrapaketen erregistroa "zero kilotik" egin behar izatea. Eskakizun horiek, sektorearen ustez, ez datoz bat baxurako arrantzaren eguneroko errealitatearekin.
Ordena berriaren urtea: euskal ekonomia, Trumpen muga-zergek baldintzatuta
Bilboko Portuan, AEBrekiko merkataritza-jarduera bikoiztu egin da, gas inportazioei esker. Hala ere, EAEtik AEBra egindako esportazioak % 11 murriztu dira, eta inportazioak % 4,5. Adituek premiazkotzat jo dute Europako araudia egokitzea.
EBk eta Mercosurrek merkataritza akordio historikoa sinatu dute, Lula faltan zela
Bi eskualdeek ia 26 urteko negoziazio aldia amaitu dute, akordioa adostu eta harremanetarako esparru berri bat ezarrita. Europako nekazariak eta EBko dozena erdi bat estatu akordioaren kontra daudenez, ituna berresteko prozesua gogorra izango da, aurreikuspenen arabera.
Getariako Txakolinak uzta berriaren 3,3 milioi botila merkaturatuko ditu
Jatorri Deituraren arabera, 2025eko uzta "kalitate onekoa" da, eta, kantitatez, 2024koaren "parekoa ia". 31 upategi daude deituraren baitan, eta guztira 479 hektarea dituzte landatuta, aurreko urtean baino 21 gehiago.
Enbalatze lerroa saltzea eta paperaren sektorean enplegu erregulazioko espediente bat ezartzea aztertzen ari da Papresa
Balizko erosleak, CL Grupo Industrial talde extremadurarrak, kartoizko plantan soilik du interesa, "paper salmentak izugarri jaitsi direlako". Enbalatzeek, ostera, online salmentei esker, errentagarritasun handia dutela argudiatu dute.