Madrilgo Erkidegoak erantzukizunak argitzea nahi du
Madrilgo erkidegoko Ikuskizunen Legea urratu bada, erantzukizunak argitzea eskatu du Salvador Victoria Madrilgo Gobernuko Presidentetza eta Justizia kontseilari eta bozeramaileak, Madril Arenako festan gertatutako tragediaren ostean, izan ere, lau gazte hil dira jende-olde batek zapalduta.
Igancio Gomez Madrilgo presidenteak Gabonetan egingo diren festa handietako segurtasun neurri guztiak areagotzeko eskatu du dagoeneko eta asteazkenean Madril Arenan gertatutakoa argitzea espero du.
Zauritutako gaztea oso larri dago
Maria Teresa Alonso 20 urteko gazteak oso larri jarraitzen du Fundacion Jimenez Diaz ospitalean. Bertako iturriek adierazi dutenez, egonkor dago muturreko larritasunean.
Madril Arenako jende-oldeko bost biktimetatik bizirik dagoen bakarra da, atzo 17 urteko neska hil ostean.
Arratsaldean irekiko dute hil-kapera San Isidroko tanatorioan eta astelehenean egingo dute hileta-elizkizuna.
Adingabekoaren heriotzarekin lau dira hildakoak Madril Arenako tragedian. Katia Esteban Casielles, Rocio Oña Pineda eta Cristina Arce de la Fuente, hirurak 18 urteko gazteak, ostegunean bertan hil ziren.
'Madrid Arenak ez zuen martxan egoteko baimenik'
Poliziaren Sindikatu Bateratuak (SUP) salaketa aurkeztuko du astelehenean Madrileko 51 instrukzioko epaitegian. Sindikatuaren arabera, Madrid Arenak "ez zuen martxan egoteko baimenik", 2006 urteko polizia-txosten baten arabera.
Jose Manuel Sanchez Floret sindikatuko idazkari nagusiaren hitzetan, "esparru hori ezin daiteke zabalik egon egoera horietan, 1990ko Kirolaren Legea eta Madrilgo erkidegoko 1997ko Ikuskizunen Legea ez dituelako betetzen ebakuazio eta larrialdietako planei dagokienez.
"Gure ustez, ez diru zabalik egoteko baldintzak betetzen, eta ez ditu inoiz bete", gaineratu du Fornetek. Ondorioz, Madrileko Udalari "legea bidegabe" aplikatu izana leporatu dio. SUPren arabera, Udalak 2008ko Zoru Legean oinarritzen da udal-esparru horrek martxan egoteko baimenik ez duela behar esateko. "Bitxia litzateke 2001etik zabalik dagoen pabiloia 2008an legeztatzea", esaten dute sindikatuko arduradunek.
SUPen salaketaren oinarria 2006ko abenduan egindako txostena da. Txosten horretan ziotenez, Madrid Arenak "ez zuen funtzionatzeko baimenik".
Aktaren edukia
Idatzia Poliziako funtzionari batek sinatuta dago. Funtzionari horrek MMT Estudiantes taldeko segurtasunaren koordinaziorako arduraduna zen, ACB ligan, 2006-2007 denboraldian.
Aktaren arabera, Estudiantesek eta Akasvayuk 2006ko abenduan jokatu zuten partidaren harian, segurtasun koordinatzaileak segurtasun neurriak zeintzuk ziren jakin nahi zuen eta pabiloiaren martxan egoteko baimena eskatu zion "Madrid Espacios y Congresos" enpresari, Madrid Arena kudeatzen duen udal-enpresari, hain zuzen.
Aktan diotenez, arduradunak baimen hori "ezin ziola erakutsi" esan zion, "Madrid Telefonica Arena pabiloiak ez zuelako horrelako baimenik".
Zure interesekoa izan daiteke
Santutxuko Luis Briñas BHI ikastetxean pasilloetan eman dituzte gaur eskolak, ikasgeletan bero jasanezina zegoelako
EITBk jakin ahal izan duenez, 35 gradu zeuden ikasgeletan. Hori dela eta, ordutegi jarraitua aste honetara aurreratu behar izan dute.
Iruñeko herritarrek Erorien Monumentua eraberritzeko bi proposamen baloratu eta ekarpenak egin ahal izango dituzte
Epaimahaiak "Harriak Hitz" eta "Itzaletik Argira" proiektuak aukeratu ditu Erorien Monumentua eraldatzeko lehiaketara aurkeztu ziren 21 lanen artean, eta orain Iruñeko herritarren txanda izango da, ekainaren 10erako aurreikusitako parte-hartze prozesu baten bidez horiek baloratu eta ekarpenak eigteko.
Basauri izango da jantoki "osasungarriagoak eta jasangarriagoak" dituen Euskadiko lehen udalerria
Proiektuak aurreikusten du sukalde elektriko bertikalak ezartzea, Sofia Taramona, Arizen eta Basozelai Gaztelu ikastetxeetan; guztira 800 lagunentzat. Hain zuzen ere, azken zentro hori izango da sistema berria aplikatzen lehena, 2026an hasiko baitituzte horretarako obrak.
Tabakoarekin lotutako heriotza tasa % 98 hazi da emakumeen artean Euskadin, 2001 eta 2020 bitartean
Bereziki, 55 eta 74 urte bitarteko emakumeen taldeak sortzen du kezka, horien artean eguneroko kontsumoa % 3,8 tik % 15era igaro baita 2004tik eta 2023ra.
2028tik aurrera, Baxoako espezialitate bat eta ahozko probaren zati bat euskaraz egin ahalko dute Ipar Euskal Herriko ikasleek
Edouard Geffray Frantziako Hezkuntza ministroak egin du iragarpena, bart, hedabide bati eskaini dion elkarrizketan. Aldaketa horrekin hezkuntza elebidunak legezko markoa izango duela nabarmendu du.
Epaimahaiak Tuterako jaietako kartel irabazlea erretiratu du adimen artifizialaren bidez sortutakoa izateagatik
Erabakia aho batez hartu du epaimahaiak astelehen honetan egindako bileran. Halaber, Raul Lopezen "Timbaleros de Tudela" lanari eman dio lehen saria.
Zer dakigu ebolaren Bundibugyo aldaeraren aurka garatzen ari diren txertoez?
Osasun agintariak erlojuaren kontra ari dira lanean ebolaren Bundibugyo aldaeraren agerraldia geldiarazteko txertoak eta tratamenduak aurkitzeko. ‘Zaire’ izeneko aldaera izan da orain arte gehien agertu dena, eta aldaera berri horri aurre egiteko ez dago ez txertorik, ezta onartutako tratamendurik ere.
30 pertsona artatu eta horietako hiru ospitaleratu dituzte Euskadin, asteburuan, tenperatura altuengatik
2 eta 74 urte bitartekoak dira artatutako pertsona guztiak, eta zorabioengatik, nekeagatik eta desorientazioagatik artatu dituzte.
Boston, Kansas City edo Chicago: Munduko Txapelketa antolatzeak hirientzat dakartzan abantailak eta arriskuak
Kirol ekonomialariek adierazi dutenez, Munduko Txapelketa antolatzeak kostu handiak eta buruhauste ugari dakartza hirientzat, arrakasta kasuak dauden arren.
Surflariek erreskate taulak jarri dituzte Zarauzko hondartzan
Edozeinek erabil dezake ur ertzean jarritako erreskate taula horietako bat, erreskate lanetarako. Sorospen zerbitzua ez da datorren ekainaren 1era arte hasiko eta pasa den ostiralean Zarauzko surflariek dozenaka bainulari atera zituzten uretatik.