Akusatuak auzokidea hiltzeko asmo argia zuela deklaratu dute lekukoek
2012ko maiatzean Bilboko Deustu auzoan izan zen hilketaren epaiketan, bigarren jardunaldia egin dute astelehen honetan, eta, lekuko guztiek bertan deklaratu dutenez, auzokidea hiltzeko "asmo argia" zuen akusatuak. Lekukoen arabera, "hil zaitez, hil zaitez", "hilko zara behingoz?", "hau al da nahi zenuena?" eta "hil egingo zaitut" esaten zuen akusatuak, biktimari etengabe labankadak ematen zizkion bitartean. Zauri horien ondorioz, hil egin zen 43 urteko emakumea.
Akusatuak ireki du gaurko saioan. Epaiketan deklaratu duenez, ez da geratutakoaz gogoratzen, Ertzaintzako polizia-etxera eraman zuten arte. Ondoren, lekukoen txanda izan da. Akusatuak auzokidea hiltzeko "asmoa argia" zuela azpimarratu dute, eta bere asmoa lortu arte erasotzen jarraitu zuela adierazi dute. Lekukoetako batek azaldu duenez, emakumea hil ondoren "harrokeriaz eta mehatxuzko jarreraz" altxatu zen akusatua.
Akusatuak tratamendua utzita zuen
Akusatuak bere deklarazioan esan du gertatutakoa kontatu ziotenean "berehala" pentsatu zuela berak hil zuela auzokidea, "arropa guztia odolez blai" zuelako.
Eskizofrenia paranoidea du gizona, baina tratamendua utzita zuen, "medikaziorik gabe ongi" egongo zela uste zuelako.
Emakumea hiltzeko erabili zuen aiztoa berea zela eta aurretik ere bizilagunekin arazoak izan zituela aitortu du epaile aurrean.
Zure interesekoa izan daiteke
Elon Musk bat dator Anthropic eta OpenAI lehiakideekin, adimen artifiziala moteldu behar dela
Anthropiceko Dario Amodeik adimen artifizialaren (AA) garapena moteltzeko eskatu zuen ostiralean, segurtasun arriskuengatik, eta eskaera horren alde egin dute lehiakideek, OpenAIko Sam Altmanek eta xAIren sortzaile Muskek. OpenAIko eta Anthropiceko liderrek iragarri dute ebaluatzaile independenteei beren sistemak ikuskatzea ahalbidetuko dietela, baina Muskek ez du hori argitu.
Ceutako 860 migratzaile baino gehiago aldi baterako instalazio egokitu berri batera eraman dituzte
Jaurlaritzak 4.300 plaza inguru izango ditu aldi baterako, eta datozen egunetan 6.000 plaza baino gehiago izango direla aurreikusi du.
AEBk Kuban ezarritako "setioa" salatu dute Bilbon, Silvio Rodriguezen kontzertuaren aurretik
Manifestariek Kubako eta hainbat herri zapalduren banderak eraman dituzte. "Nazio Batuetan urtero giza eskubideen urraketa masiboa gaitzesten den arren, gobernu gehienak geldi daude", salatu dute. "Argia eta Indarra Kubarentzat. Blokeoaren aurka, Energia Kubarentzat" kanpaina solidarioa babesteko ere balio izan du protestak.
Oihane Mateos Oria, duela gutxi hildako lankide eta laguna, gogoan izan du Dani Alvarezek Gasteizko FesTVal jaialdian
Aste gogorrak izan dira azken hauek Orain eta EITBko Albistegietako lantalde guztiarentzat. Dani Alvarez lankideak Gasteizko FesTVal jaialdian esan duen bezala, "bizitzako injustizia bategatik goizegi joan berri da Oihane Mateos Oria". Bere irribarrea, energia eta lanerako grina beti izango dira gure artean, ordea. Hemen Daniren hitzak gaur iluntzean, sari bat banatu aurretik.
Zarrakazteluko baso sutea eragindakoa ote den ikertzen ari dira
Garrak atzo piztu ziren Corral Nuevo inguruan, eta gaur arratsaldean egonkortu dituzte. Eremuan ez zegoen nekazaririk lanean, eta, hori dela eta, Foruzaingoak susmoa du nahita piztutakoa izan zela.
Bost gasolindegi Margaritan, 30 laguneko herrian, bizilagunen desesperaziorako
Gasteizko Margarita kontzejuan, bizilagunak kexu dira beste gasolindegi bat jarri nahi dietelako, bosgarrena bailitzateke. 30 bat biztanle diren herrixka honetarako sarbideak dagoeneko kolapsatuta daudela diote, eta gainera salatzen dute, kamioi gidariek ez dutela askotan oso gizalegez jokatzen.
Logroñon desagertutako 83 urteko gizon baten gorpua aurkitu dute Vianan
Hilotza Iruñeko Auzitegiko Institutu Anatomikora eraman dute, autopsia egin diezaioten.
54 urteko motorzale bat hil da Gasteizen izandako istripu batean
Istripua AP-1etik N-622ra doan zatian gertatu da, Arabako hiriburuan. Larrialdi-zerbitzuak biktima suspertzen saiatu dira, baina ez dute lortu.
Motozerra bat martxan zuela hainbat pertsonaren atzetik ibili den gizon bat atxilotu dute Getxon
Ustezko erasotzailea, polizia-aurrekariak dituena, arma zuri batekin zauritu dute atxilotu aurretik.
Hiru adingabe identifikatu dituzte Plentziako jaietan Ertzaintzari botilak jaurtitzeagatik
16 eta 17 urteko gazteek bi patruilari eraso zieten abuztuaren 29ko goizaldean, irain eta oihu artean.