Abiatu da Anberesetik Hodei Egiluzen aldeko bizikleta-martxa
Belgika eta Holanda Hodei Egiluz galdakaoztarraren alde (iazko urriaren 19an desagertu zen) zeharkatuko duen bizikleta martxan parte hartuko duten txirrindulariak Anbereseko Udaletxeko (Belgika) plazatik abiatu dira gaur, igandea, goizean.
Hiri belgiarrean desagertu zen eta hiri horretatik abiatu da Belgika eta Herbehereak zeharkatuko dituen bizikleta-martxa, eta Lovaina hirian bukatuko da. Helburua Hodei Egiluz desagertu zen eguneko lekukoak aurkitzea da, eta horretarako kartelak ipiniko dituzte, informazioa zabaldu eta polizia-etxeetan izango dira.
"Hodei ez zuten uretara bota hasiera batean pentsatu zen bezala", esan du Pake Garcia laguntzarako furgonetan doan kolaboratzaileetako batek. Gogorarazi duenez, zenbait lekukok ziurtatu dute Hodei ikusi izana, desagertu zen gauean, lagunek azkenekoz ikusi eta bi ordura.
"Kasua ezagutarazi nahi dugu, beste leku batera eramango gaituen zantzu berri baten itxaropenarekin", azaldu duenez.
"Taldea berez 12 pertsonek osatzen dute, baina beste zortzik bat egin dute gaur, adibidez, ibilbidearen zati bat egiteko" Garciaren esanetan. Besteak beste, Jan de Kezel Egiluzek Amberesen egindako egonaldian, lan egin zuen enpresako burua da horietako bat.
Bidai luzea
Ehun bat lagunek -Galdakaoko bizilagunak eta Egiluzen lagunak- Galdakaoko Udaletxeko (Bizkaia) plazan elkarretaratzea egin zuten aurreko ostiralean, Hodei Egiluzen irudia zuten kamiseta zuriekin jantzita, martxan parte hartuko duten txirrindulariak agurtzeko. Zenbait ibilgailutan hasi zuten Belgikarako bidea, horietako batean bizikletak zeramatzatela.
Galdakaotik bederatzi txirrindulari abiatu ziren, eta Belgikan eta Herbehereetan beste lau pertsona gehituko zaizkie, esaterako, Nafarroatik etorritakoak, antolakuntzatik informatu zutenez.
Elkarretaratzean, besteak beste, Jan de Kezel Egiluzen nagusia izandakoa (Amberesen zazpi hilabetez lan egin zuen enpresan) eta Ibon Uribe Galdakaoko alkatea izan ziren.
Martxak 500 kilometro inguruko ibilbidea izango du, zazpi etapatan banatuta. Besteak beste, Anberes, Breda, Rotterdam, Gante, Brusela eta Leuven hirietatik igaroko da, gaurtik eta 23ra bitartean.
302 egun
Hodei Egiluz (23 urtekoa desagertu zenean) 2013ko urriaren 19an desagertu zen, lagunekin egun ostean, etxerantz abiatu zenean.
Hiru pertsona atxilotu dituzte ordutik, eta bik espetxean jarraitzen dute, diru-zorroa eta telefonoa lapurtzea egotzita. Polizia belgiarrak bilatzen jarraitzen du.
Zure interesekoa izan daiteke
Bi gizonezko atxilotu dituzte Getxon kalez jantzitako bi ertzaini erasotzeagatik, borroka baten abisura joan direnean
Udaltzaingoaren agenteek erasotzaileetako bat atxilotzen lagundu dute, ukabilekin jo eta kristalezko botila batekin mehatxu egin baitiete ertzainei.
Pazienteek Euskal Osasun Sisteman Parte Hartzeko Legeari buruzko aurreproiektuaren kontsulta publikoa abiatu du Osasun Sailak
Osasun Sailak herritarren iritziak bilduko ditu, pazienteek eta pazienteen elkarteek osasun-politikak diseinatzeko eta erabakiak hartzeko modu egituratuan eta eragiteko gaitasunarekin parte hartzeko helburuz.
Aste Nagusiko zezenketen kartel batean Marijaiaren irudia erabili izana salatu dute Bilboko Konpartsek
"Bilboko jai herrikoien ikur nagusiaren irudia animalien sufrimenduari eta heriotzari lotutako jarduera pribatu baten publizitatea egiteko erabiltzea" kritikatu dute Bilboko Konpartsek.
A63 autobidea ireki dute berriro, Girondako sutea egonkortzea lortu ondoren
Girondako sutea egonkortu izanak ahalbidetuko du Euskal Herria eta Bordele lotzen dituen A63 autobidea zabaltzea. Hala ere, SNCF tren konpainiaren abiadura handiko trenen trafikoak etenda jarraitzen du Hendaia eta Bordele artean.
Beroa eta haizea suak itzaltzea zailtzen ari dira Zamora, Madril, Avila eta Castellon
Gauean zehar bilakaera positiboa izan den arren, suak itzaltzeko lanak oztopatzen ari da beroaldia, batez ere Zamoran. Madrilgo, Avilako eta Castelloko suteek aktibo jarraitzen dute, baina dagoeneko perimetratuta daude. Suteengatik ezarritako larrialdi nazionala bertan behera gelditu dela iragarri du Espainiako gobernuburuak.
Espainiako sute handien bilakaera ona da, baina beste foku batzuk ari dira pizten Zamoran eta Leonen
Madrilgo sutea egonkortzea lortu dute, eta Avilako ebakuazioak eta konfinamenduak altxatu dituzte. Zamoran, 12 udalerri ebakuatu dituzte, eta bi konfinatu.
Afari solidarioak kriminalizatu izana deitoratu dute ekimenaren antolatzaileek
Kaleko Afari Solidarioak (KAS) plataformak, Donostian kaleko egoeran dauden pertsonentzako afari solidarioak antolatzen dituenak, Udalaren "jarrera kriminalizatzailea" salatu du asteazken honetan. Izan ere, Jon Insausti alkateak (EAJ) jarduera hori debekatu egin du, "bizikidetza arazoak" sortzen dituela eta "delinkuentzia areagotzen" duela argudiatuta.
5 urteko zigorra ezarri diote gizon bati, emazteari modu jarraituan tratu txarrak eman eta sexu-erasoak egiteagatik
Epaiaren arabera, biktimak 2017an erasotzailearengandik banantzea erabaki zuenetik, hark etengabe egin zizkion mehatxuak eta sexu-erasoak.
HIES kasu berrien kopurua 125etik 95era jaitsi da aurten; hala ere, adituek zuhur jokatzeko eskatu dute
HIES kasu berrien kopuruak behera egin du aurten, 125etik 95era. Harribeltza elkartearen esanetan, zuhur hartu behar da datua, lehen aldia delako eta beheranzko joera finkatzeko urteak pasa behar direlako. Bereziki kezkagarritzat jo dute gainontzeko sexu-bidezko infekzioek izan duten "izugarrizko" gorakada.
Busturialdeko eta Lea-Artibaiko 21 udalerritako ur-kontsumoa mugatzea gomendatu dute
Ajangiz, Arratzu, Bermeo, Busturia, Ea, Elantxobe, Gernika-Lumo, Forua, Gautegiz-Arteaga, Ibarrangelu, Kortezubi, Mendata, Mundaka, Murueta, Muxika, Sukarrieta, Ispaster, Berriatua, Etxebarria, Markina-Xemein eta Ondarroa dira ur-eskasiak kaltetutako herriak.