Euskal Herria, Korrikaren zain
Hamaika egunez, Euskal Herriko bazter guztiak zeharkatuko ditu Korrikak martxoaren 19tik 29ra arte.
Aspaldi iragarri genuenez, Urepelen emango ditu lehendabiziko urratsak euskararen aldeko lasterketak. Hain justu, aipatu udalerriko plazatik aterako dira euskaltzaleak, 17:00etan.
Handik, Donibane Garazirako bidea hartuko dute, eta 20:00ak pasatxo direnean helduko dira bertara. Maulen, berriz, egun bat geroago sartuko dira, 00:30 aldera.
Besteak beste, Kanbo, Ainhoa eta Dantxarinea bisitatuko dituzte korrikalariek Hego Euskal Herrian sartu orduko.
Ostiralean (martxoaren 21ean), beraz, Nafarroan barrena ibiliko da 19. Korrika, eta herri garrantzitsuak zapalduko ditu Iruñera iritsi aurretik: Elizondo, Atarrabia eta Burlata, kasu.
Hori horrela, iruindarrek, martxoaren 20an, 21:00ak bueltan, jasoko dute lekukoa, eta behin Leitza utzita, gipuzkoarren harrera beroaz gozatuko dute lasterkariek. Horrenbestez, larunbatean Gipuzkoa barnealdeko parajeetatik igaroko dira, eta Nafarroan berriro sartu-irtena egin ondoren, Lapurdirako bidea hartuko dute. Hala, larunbat gauean helduko da Korrika Baionara (23:30ean).
Gainerako hiriburuak hurrengo egunetan bisitatuko ditu; Donostia, adibidez, martxoaren 22an, 21:00etan. Kostaldetik bidea eginez, Goierrira iritsiko da egun berean, eta hilaren 23an Debagoieneko txoko gehienetatik pasatuko da, Bizkaian barneratu arte. Lehenik eta behin, barnealdekoei egokituko zaie euskararen aldeko aldarria bideratzea. Geroago, Bizkaiko kostaldeak eutsiko dio "Euskahaldun" leloari.
Arabarren txanda martxoaren 25ean helduko da. Laudio, Amurrio, Trebiñu, Eltziego eta Lapuebla de Labarca zeharkatuta, nafarren artean izango da berriro lekukoa. Orduantxe estaliko ditu, oihuz eta aldarriz, hegoalderen dauden herriak. Behin martxa hartuta, Nafarroako lurrak utzi eta Arabako lautadetan entzungo dira pauso-hotsak martxoaren 28tik aurrera. Egun horretan bertan, Gasteizko lurretatik egingo du ibilbidea, eta Arratiarantz abiatuko da.
Tipi-tapa, martxoaren 29an iritsiko da helmugara 19. Korrika. Oraingoan, Bilbon jasoko du merezitako gorazarrea. Arangoiti auzotik sartu, eta bost orduko bidea eginda, Arriagan bukatuko da lasterketa, 12:30ean.
Ikusi hemen IBILBIDEA
Zure interesekoa izan daiteke
Bi gizonezko atxilotu dituzte Getxon kalez jantzitako bi ertzaini erasotzeagatik, borroka baten abisura joan direnean
Udaltzaingoaren agenteek erasotzaileetako bat atxilotzen lagundu dute, ukabilekin jo eta kristalezko botila batekin mehatxu egin baitiete ertzainei.
Pazienteek Euskal Osasun Sisteman Parte Hartzeko Legeari buruzko aurreproiektuaren kontsulta publikoa abiatu du Osasun sailak
Osasun Sailak herritarren iritziak bilduko ditu, pazienteek eta pazienteen elkarteek osasun-politikak diseinatzeko eta erabakiak hartzeko modu egituratuan eta eragiteko gaitasunarekin parte hartzeko helburuz.
Aste Nagusiko zezenketen kartel batean Marijaiaren irudia erabili izana salatu dute Bilboko Konpartsek
"Bilboko jai herrikoien ikur nagusiaren irudia animalien sufrimenduari eta heriotzari lotutako jarduera pribatu baten publizitatea egiteko erabiltzea" kritikatu dute Bilboko Konpartsek.
A63 autobidea ireki dute berriro, Girondako sutea egonkortzea lortu ondoren
Girondako sutea egonkortu izanak ahalbidetuko du Euskal Herria eta Bordele lotzen dituen A63 autobidea zabaltzea. Hala ere, SNCF tren konpainiaren abiadura handiko trenen trafikoak etenda jarraitzen du Hendaia eta Bordele artean.
Beroa eta haizea suak itzaltzea zailtzen ari dira Zamora, Madril, Avila eta Castellon
Gauean zehar bilakaera positiboa izan den arren, suak itzaltzeko lanak oztopatzen ari da beroaldia, batez ere Zamoran. Madrilgo, Avilako eta Castelloko suteek aktibo jarraitzen dute, baina dagoeneko perimetratuta daude. Suteengatik ezarritako larrialdi nazionala bertan behera gelditu dela iragarri du Espainiako gobernuburuak.
Espainiako sute handien bilakaera ona da, baina beste foku batzuk ari dira pizten Zamoran eta Leonen
Madrilgo sutea egonkortzea lortu dute, eta Avilako ebakuazioak eta konfinamenduak altxatu dituzte. Zamoran, 12 udalerri ebakuatu dituzte, eta bi konfinatu.
Afari solidarioak kriminalizatu izana deitoratu dute ekimenaren antolatzaileek
Kaleko Afari Solidarioak (KAS) plataformak, Donostian kaleko egoeran dauden pertsonentzako afari solidarioak antolatzen dituenak, Udalaren "jarrera kriminalizatzailea" salatu du asteazken honetan. Izan ere, Jon Insausti alkateak (EAJ) jarduera hori debekatu egin du, "bizikidetza arazoak" sortzen dituela eta "delinkuentzia areagotzen" duela argudiatuta.
5 urteko zigorra ezarri diote gizon bati, emazteari modu jarraituan tratu txarrak eman eta sexu-erasoak egiteagatik
Epaiaren arabera, biktimak 2017an erasotzailearengandik banantzea erabaki zuenetik, hark etengabe egin zizkion mehatxuak eta sexu-erasoak.
HIES kasu berrien kopurua 125etik 95era jaitsi da aurten; hala ere, adituek zuhur jokatzeko eskatu dute
HIES kasu berrien kopuruak behera egin du aurten, 125etik 95era. Harribeltza elkartearen esanetan, zuhur hartu behar da datua, lehen aldia delako eta beheranzko joera finkatzeko urteak pasa behar direlako. Bereziki kezkagarritzat jo dute gainontzeko sexu-bidezko infekzioek izan duten "izugarrizko" gorakada.
Busturialdeko eta Lea-Artibaiko 21 udalerritako ur-kontsumoa mugatzea gomendatu dute
Ajangiz, Arratzu, Bermeo, Busturia, Ea, Elantxobe, Gernika-Lumo, Forua, Gautegiz-Arteaga, Ibarrangelu, Kortezubi, Mendata, Mundaka, Murueta, Muxika, Sukarrieta, Ispaster, Berriatua, Etxebarria, Markina-Xemein eta Ondarroa dira ur-eskasiak kaltetutako herriak.