Oregik dio AHTa estrategikoa dela eta prezio erakargarria izango duela
Ana Oregi Ingurugiro eta Lurralde Politika sailburuak "estrategiko"tzat jo du Abiadura Handiko Trena (AHT), eta bidaia-txartelaren prezioa "herritar guztientzat erakargarria" izango dela hitzeman du.
Oregik Dani Maeztu EH Bilduko legebiltzarkidearen galderari erantzun dio, azpiegituraren kostuaz eta etekinez galdetu baitio Jaurlaritzari.
Maeztuk esan du "sakrifizio ekonomikoa, soziala eta naturala" agerikoa dela, baina oraindik ez dutela esan zein izango den gizarteak jasoko duen "onura".
Sailburuak trenbide sarearen onuretako bat azpimarratu nahi izan du, EAEko hiriburuen arteko loturan denbora "nabarmen murriztuko" dela. Gogorarazi duenez, gaur egun trenez Donostiatik Bilbora joateko 2 ordu eta 35 minutu behar dira, ordu bat eta 45 minutu Donostiatik Gasteiza joateko; eta Bilbotik Gasteiza trenez joaten "saiatu ere ez egiteko" esan dio Maezturi.
Ana Pastor Sustapen ministro espainiarrak aurreko asteazkenean aurreratu zuen Gasteiz eta Bilbo 28 minutuan lotuko zituela tren berriak, 40 minutuan Donostia eta Gasteiz, eta 45 minutuan Bilbo eta Donostia.
Oregik esan du bidaiak egiteko denborak "auto pribatua baino azkarragoak" izan beharko direla, baina, era berean, trenak erabiltzaileei "fidagarritasuna, segurtasuna eta erosotasuna" emango diela.
Gainera, euskal herritarrak gero eta zaharragoak direla eta zahar horiek izango direla onura handiena jasoko dutenak azpimarratu du Oregik, "mugikortasuna aldatzeko giltzarri" izango delako AHTa.
Bidaia-txartelaren prezioari dagokionez, sailburuak esan du "herritarrentzat erakargarria" izango dela.
EH Bildu
EH Bilduk, hala ere, AHTaren inguruko "zalantza nagusiak argitu gabe" daudela leporatu dio Eusko Jaurlaritzari.
Koalizioak prentsa agiri batean azaldu duenez, sailburuak oraindik ez du aurkeztu proiektuaren "beharra eta onurak berresten dituen ikerketarik".
Dani Maeztu legebiltzarkideak azpimarratu du AHTak euskal herritarren bizitza kalitateari "zein onura ekarriko dion jakiteko eskubidea" dutela.
"Ez da nahikoa AHTa propagandarako soilik erabiltzea, azpiegitura estrategikoa dela izatea argudio bakarra", gaineratu du.
Zure interesekoa izan daiteke
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbat lagun espedientatu dituzte Gasteizko bi diskoteketan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatako segurtasun-dispositibo banatan egindako prebentzio-operatiboetan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan erreskatatu dituzte, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.