Nudismoa egiten duzu? Hona hemen euskal kostaldeko hondartza onenak
Euskal kostaldean, hiru hondartzetatik batek aukera ematen du nudismoa egiteko. Jende gutxiago izaten dute hondartza horiek, baita erabiltzaile leialak ere. Zuzenean naturarekin eguzkia hartzea defendatzen dute, eta eitb.eus-en zerrenda bat prestatu dugu, biluzik hondartzan egon nahi duten pertsonek gida moduan erabil dezaten.
BIZKAIA
- Barinatxe (Sopela)
Barinatxe hondartza ('Salvaje' izenaz ere ezaguna) Sopela eta Getxo udalerrien artean dago. Hondartza zabala eta irekia da, amildegiz inguratuta. Hondartza basatia da, duna sistema propioarekin. Nudistek ezkerreko zatia hartu dute, nahiz eta nudismoa hondartza osoan baimendua egon. Zerbitzu ugari eskaintzen ditu, tartean taberna bat, dutxak eta komunak. Parkinga ordaindu egin behar da (5 euro egunean)
- Muriola (Barrika)
Txikia den arren, erabiltzaile fidelak ditu Muriola hondartzak. Uretan sartzea konplikatua da, harkaitz ugari daudelako, baina urpean igeri egiteko aproposa da oso. Orain pare bat urte, sorosleak eta dutxak jarri zituzten.
‘Gorrondatxe’ da bere izen ofiziala. Barinatxen bezala, nudistek ezkerreko zatia hartzen dute normalean. Areaz gain, gune berdeetan egoteko aukera ematen du. Goian, taberna jendetsua du Azkorrik.
- Meñakoz (Barrika)
‘Hippy’entzat toki gomendatua. Bide aldapatsua duen arren, nudistentzat hondartza aproposa da. Ez da jende asko joaten, eta area eta harria ematen ditu aukeran. Orain bi urte goiko taberna kendu zuten, eta horrek erabiltzaile kopurua murriztea ekarri du.
- Lapatza (Ea)
Askorentzat, toki perfektua da nudismoa praktikatzeko eta deskonektatzeko. Haitzek osatutako kala harritsua da Lapatza. Laga eta Laida gertu daude, baina Lapatzan ez da jende asko egoten. Lasaitasunarekin eta naturarekin bat egitea bilatzen duten pertsonentzat da egokia. Hondartzara iristeko, bide aldapatsu bat jarraitu behar zaio.
- Antzora (Ea)
Bizkaiko kostaldeko altxorretako bat. Nudismoa lasai-lasai egiteko toki egokia, nahiz eta heltzea zaila izan.
Bide aldapatsua egin beharko dugu hemen ere, baina merezi du ahalegia egiteak. Arez eta harriz osatutako hondartza da, txikia, basatia eta lasaia. Udan, sorosleak egoten dira.
GIPUZKOA
- Zarautz
Bi kilometro eta erdiko hondartza polit honetan, golf zelaiaren aurreko zatian aurkituko duzu nudismoa egiteko tokia. Jendetsua da Zarauzko hondartza, itsasertzeko pasealekua du, eta urre-koloreko area izateagatik ezaguna da.
Gipuzkoako kostaldearen mendebaldeko muturrean dago Saturraran hondartza, Bizkaiarekin muga egiten duen ingurunean. Bi haitzen forma bitxia nabarmentzen da inguru horretan. Kondairak dioenez, Satur eta Aran maitaleen itxura dute. Hondartzak 300 metro ditu, eta urre koloreko harea. Ondoan, autoak uzteko toki zabala eta bazkariak eskaintzen dituen taberna daude. Inguruetan, gainera, kanpina eta nudistentzako gunea daude.
- Tximistarri (Donostia)
Ezezaguna da askorentzat, eta gogokoena Donostiako nudistentzat. Ondarretatik du sarrera eta nudismoa egiteaz gain, estresa eta arazoak atzean uzteko hondartza bikaina da.
Zurriola hondartza Gros auzoan dago. Batez beste, 800 metroko luzera du eta jendez gainezka egoten da. 2004ean, nudismoa egitea baimendu zuen Donostiako Udalak, Kursaaleko kubo txiki eta kai-muturraren artean egon ohi dira nudistak.
- Santa Klara Irla (Donostia)
Santa Klara irlako hondartzatxoa irlako untziralekuaren albo batean dago kokatuta, Kontxako badiaren erdi-erdian. Oso toki txikia da eta ordu batzuetan baino ez da ikusten, itsasbehera dagoenean, hain zuzen. Itsas maila pixka bat igotzen denean, berriz, hondartza urpean gelditzen da erabat. Hareazko substratua du. Txalupaz joan behar da irlara.
Zarauzko hondartza. Argazkia: Azucena Gomez.
ARABA
- Ullibarriko urtegia
Gasteiztarren hondartza da, eta nudismoa egiteko tarte zabala ere badu.
- Arranguako zelaia (Zadorra urtegian)
Zuatzako irlaren parean dago kokatuta. Herriko parkingetik du sarrera, eta ordu laurden oinez ibili beharko gara zelaira heltzeko.
IPARRALDE
- Deux Jumeaux (Hendaia)
- Loia (Hendaia)
- Erretegia (Bidart)
- Playa de L’Ocean (Angelu)
- L’Empereur Hoteleko hondartza (Miarritze)
Zure interesekoa izan daiteke
Elkanok munduari buelta eman eta jaioterrira itzuli zen unea antzeztu dute Getarian
Aurten, lehen aldiz, Mikel Larrañagak egin du Elkanoren papera, eta Saioa Etxeberria izan da tripulante modura irten den lehen emakumea. Lau urterik behin ospatzen du Getariak Elkanoren iritsiera, munduari bira eman ostean.
Alejandrak 2.000 euro galdu ditu Bilboko etxebizitza baten alokairuaren iruzurrean
Kaltetuak salatu duenez, 2.000 euroko iruzurra egin diote hainbat pertsonari aldi berean eskainitako etxebizitza bat alokatzeagatik. Iruzurrez galdutako dirua eta beste bizitoki bat alokatzeko erabili beharrekoa gehituta, galerak 4.000 eurokoak direla azaldu du.
Iraulitako kamioi batek 31 kilometroko auto-ilarak eragin ditu Baiona inguruan
22:00etatik aurrera, A-63 errepidea erabat itxita egongo da 3 orduz, gutxi gorabehera, ibilgailua erretiratzeko.
Gutxienez 12 salaketa aurkeztu dituzte Bilbon etxebizitza turistiko bat alokatuta iruzurra egin zuen gizonaren aurka
EITBk biktimetako biren testigantzak jaso ditu. Iruzurgileak Airbnb bidez alokatu zuen pisua, hiru egunez. Ordu gutxi batzuetan, benetako jabeak ezer jakin gabe, dozena bat pertsonari alokatu zien. Ertzaintzak ikerketa abiatu du, gizona harrapatu eta biktimek galdutako dirua berreskura dezaten.
Mila pertsona inguru etxetik atera dituzte Baionako erdigunean gas-isuri baten ondorioz
Baionako hiriguneko mila bizilagun etxetik irtenarazi dituzte bart, gas-ihes bat dela eta; ondorioz, segurtasun dispositibo handia aktibatu behar izan dute. Suhiltzaileek 100 metroko perimetroa itxi dute, eta goizaldeko ordu bata arte ezin izan dute etxera itzuli.
Espainiak eskatutakoari entzungor eginez, Schengen berrezartzeari ezetz esan dio Italiak
Ceutan piztutako krisiaren harira, Schengen akordioa eten eta mugetan kontrolak egiteari ekin zion abuztuaren 1ean Meloniren gobernuak. Espainiako Gobernuak igandera arteko epea eman dio Italiakoari neurria bertan behera uzteko, baina Meloniren gobernuak lehengo lepotik du burua: "Abuztuaren 15etik aurrera aztertuko dugu gaia".
Eguzki eklipseak tren gehiago eta mugikortasun zerbitzu indartua ekarriko ditu abuztuaren 12an
Abuztuaren 12an izango da ikusgai, iluntzean. Milaka pertsona erakartzea espero den fenomeno horren aurrean, administrazioek segurtasun dispositibo zabala prestatu dute, mugikortasun segurua eta antolatua bermatzeko helburuarekin.
'Atyla' itsasontzi historikoan sartuko gara, 'Game of Thrones'en unibertsoko targaryendarren ontzian
Ontzia 1980a eta 1984a bitartean egin zuten Lekeition (Bizkaia), artisau moduan, pinu, haritz eta iroko egurra erabiliz. Itsasontzia Donostiako portuko kaian bisitatu ahalko da asteburu honetan, 11:00etatik 14:00etara eta 17:00etatik 21:00etara.
EITBk zuzenean eskainiko du abuztuko eguzki eklipse historikoa, hainbat seinale eta bi globo estratosferiko baliatuz
Saio berezia 19:30etik aurrera izango da ikusgai ETBn, ETB ONen eta ORAINen. Horrez gain, EITBk Eklipse Gaua antolatu du Donostiako Saguesen: eklipsea zuzenean ikusteko pantailak, musika eta behaketa modu seguruan egiteko betaurrekoak izango dira bertan.
Luciaren amesgaiztoa Bilbon: pisu "perfektua" alokatu, eta hiru egunen buruan, maula baten biktima dela konturatu
Bi seme-alaba dituen venezuelar batek 2.000 euro ordaindu ditu Deustun alokairuko etxebizitza batengatik, baina etxea apartamentu turistiko bat da berez. Iruzurgileak gutxienez 10 pertsonari alokatu die, tartean Luciari berari. Biktima horrekin mintzatu da EITB.