Gripearen aurkako txertoak ematen hasi dira
Gripearen kontrako 380.000 txerto banatzen hasi da Osakidetza. Aurtengo kanpainak 1,2 milioi euroko kostua izango du, 3,15 eurokoa txerto bakoitzeko.
Kanpaina ostegunean aurkeztu zuen Jon Darpon Eusko Jaurlaritzako Osasun sailburuak, eta azaroaren 30era arte iraungo du. Estatuan gripearen kontrako txertaketa hasi duen lehen erkidegoa izan da EAE.
Gripearen birusa aurreko urteetakoaren oso antzekoa izango dela iragarri zuen Darponek iragan astean. Horrela, txertoak A motako bi andui eta B motako beste bat izango ditu.
Iaz 65 urtetik gorakoen % 60k eta emakume haurdunen % 22k jaso zuten txertoa, 2013an baino lau aldiz gehiago.
Txertaketa-kanpainaren aurkezpena. Argazkia: EFE
Osasun sailburuak mezu argia eman nahi izan zion euskal gizarteari kanpaina aurkezteko ekitaldian: "Oso garrantzitsua da gripearen kontrako txertoa hartzea. Txerto segurua eta eraginkorra da, eta gaixotasun larri horri aurre egiteko gaur egun dugun prebentzio tresna nagusia da".
Sailburuak iragarri zuenez, aurtengo kanpaina ere 65 urtetik gorako pertsonei, gaixotasun kronikoak dituztenei, haurdun dauden emakumeei eta osasun langileei dago zuzenduta.
Osasun sisteman arreta handia eskaini behar izaten zaio urtero gripeari, eta arazo larriak eragiten dizkie ahul dauden pertsonei; izan ere, kasu batzuetan hil ere egiten du.
Darponen arabera, iaz gripeak jota larri ospitaleratu zituzten hamar lagunetik lauk ez zuten txertoa hartuta, eta "ziurrenik, jarri izan balute, askok saihestu egingo zituzketen ospitaleratzea eragin zuten arazoak".
Aurreko gripe denboraldian, gaixotasunen batek eragindako arazoak zituzten 17 pertsona hil ziren ospitalean; horien % 35ek ez zuten txertoa jarri.
Datu horiek agerian uzten dute prebentzioaren garrantzia, eta, txertoa jartzearen garrantziaz gain, Osakidetzak azpimarratu du higiene ohiturak zaindu behar direla; besteak beste, eskuak askotan garbitzea eta behin bakarrik erabiltzen diren mukizapiak erabiltzea aholkatu du.
Gripearen kontrako txertoak gaixotasuna % 100ean saihesten ez badu ere, sintomak gutxitu egiten ditu, neurri handi batean. Hau da, txertoak infekzioa galarazten du kasu askotan, eta gaixotasunaren larritasuna murrizten du gainerakoetan.
Zure interesekoa izan daiteke
Sevilla abordatu eta gainezka egin du Realaren fan zoneak
Realak Errege Kopako finala jokatu du gaur gauean Atletico Madrilen aurka. Realzaleek pasioz bizi izan dute jardunaldia, Sevillan zein Gipuzkoan eta horren adierazle da han eta hemen altxatu den olatu txuriurdina.
Dozenaka pertsona elkartu dira Zizur Nagusian, irakasle batek emakumeei egindako grabazioen aurka
'Elkarrekin. Beldurrik ez' lelopean, manifestazioan zehar "Erasorik ez, erantzunik gabe" oihukatu dute. 180 urteko kartzela-zigorra ezarri diote irakasleari, eta gehienez 15 urte beteko ditu.
"Gernikako Arbola" abestu dute Urkiolan, kantu hori Euskal Herriko ereserki gisa proposatzeko
Besteak beste, Gontzal Mendibilek eta Jose Maria Esparza editoreak abestu dute, eta partaideak kezkatuta agertu dira Euskal Herriaren kohesio faltagatik. Ildo horretan, "Gernikako Arbola" euskal herritar guztien ereserkia izatea proposatu dute.
Euskal agintariak ere Sevillan dira, eta Pradales pronostikoa egitera ausartu da: "Realak 1-2 irabaz dezala"
Jarraitzaileen artean ez dira falta euskal erakundeetako ordezkariak ere, Imanol Pradales lehendakaria buru dela. Jon Insausti, Donostiako alkatea, eta Eider Mendoza, Gipuzkoako Ahaldun nagusia ere Sevillara joan direnen artean daude. Guztiak Realeko presidentearekin batera ibili dira goizean realzaleekin giroa partekatzen. Lehendakaria harro azaldu da ikusten ari den portaerarekin, herri baten izaera erakusten duen portaera dela azpimarratuz. Ziur da kopa etxera etorriko dela, eta bere pronostikoa egiten ausartu da.
Bi adingabe ikertzen ari dira Santurtziko jaietan 14 urteko mutiko bat sastatzeagatik
Biktima ospitaleratu egin dute, baina ez dago arriskuan; ustezko erasotzaileak adingabeentzako fiskaltzak deituko ditu.
Realeko eta Atleticoko 160 jarraitzaile identifikatu dituzte eta material arriskutsua konfiskatu diete
Arrisku handiko partida da bi taldeetako zaleen arteko liskarragatik, eta milaka polizia eta guardia zibil daude Sevillan.
Zer eragin izango dute trafikoan Donostiako Kopako finalaren inguruko ekitaldiek?
Donostiako Udalak segurtasun dispositibo berezi bat antolatu du larunbat honetarako aurreikusitako ekitaldien harira, bai finala dela eta, bai Realak kopa irabaziz gero egin litekeen harreragatik.
Uholde txuri-urdin batek Reala agurtu du Sevillarako bidaia ekin baino lehen
Realeko adin guztietako zaleek, mota guztietako jantzi txuri-urdinak jantzita, agur esan diote ostiral honetan talde donostiarrari, kantu, bandera, animo oihu eta bufanda artean, Sevillarako bidaiaren hasieran. Larunbat honetan jokatuko du Kopako finala Atletico Madrilen aurka.
Gipuzkoako 70 bat alkate Sevillara joan dira, ordezkari gisa, partidua ikustera
Realak berak gonbidatuta, alderdi politiko guztietako alkateak bildu ditu ekimenak. Helburua berbera da guztientzat: emaitza ona lortzea eta Kopa irabaztea.
Eusko Jaurlaritzak migratzaileen erregularizazioari buruzko gida argitaratu du
Tresna hori hainbat hizkuntzatan dago eskuragarri, eta Espainiako Gobernuak bultzatutako ezohiko erregularizazio-prozesurako sarbidea erraztea du helburu.