Mendizale bilbotar bat larri zauritu da Pirinioetan, eroriko bat izanda

29 urteko gizonezko bilbotar bat larri zauritu da ostiral honetan Pirinioetako Petrechema mendian. Mendizaleak erorikoa izan du Aragoiko Pirinioetako mendi horretan eta hogei metroko maldan behera erori da.

Guardia Zibilak berri eman duenez, istripua atzo 12:10 aldera jazo zen eta zauritutako gizonezkoarekin zihoan mendizaleak eman zuen abisua Linzako aterpetxetik.

Erorikoaren ondorioz, mendizaleak kolpeak ditu buruan, bularraldean, bizkarraldean, aldaka batean eta orkatiletan. Gainera, hainbat haustura eta ebaki ditu, eta barne lesio bat ere izan dezake.

Guardia Zibilaren mendiko taldeak erreskatatu zuen mendizalea, eta helikopteroz eraman zuten Huescako San Jorge ospitalera.