Stock Euskadi azokaren 10. edizioak ateak zabaldu ditu
Stock Euskadi Azokaren hamargarren edizioa egiten ari dira Barakaldoko Bilbao Exhibition Centre (BEC) erakustazokan, eta igandera arte egongo da zabalik.
11:00etan hasi eta 21:00ak arte izango ditu ateak zabalik, eta askotariko erakusketariak bildu dira topaleku horretan beren produktuak salgai jartzeko. Besteak beste, alor hauetako produktuak daude bertan: moda, kirola, osasuna eta edertasuna, haurrak, oinetakoak, optika, aisia, informatika, argiztapena, etxeko gauzak, altzariak, etxetresna elektrikoak, artisautza, larrugintza, dekorazioa eta ikus-entzunezkoak.
Aipatutakoez gain, martxoko hitzorduak, berritasun gisa, gune berezia eskaini die artisau-garagardoei eta foodtruck izenaz ezagutzen direnei, hau da, janaria saltzen duten eta oso era deigarrian dekoratuta egoten diren furgoneta ibiltariei.
Bisitariek bi euro ordaindu behar dituzte bertara sartzeko, 14 urtetik beherakoek izan ezik, horiek doan sartzen baitira. Antolatzaileek 6.000 euro banatuko dituzte bertara joaten direnen artean; 400 euro, bi orduan behin.
Azokak 45.000 bisita izatea espero dute. Euskadiko outlet handiena da, eta urtean bitan egiten da: martxoan eta azaroan. BECen webgunean ikus daitekeenez, 2016ko bigarrena azaroaren 4, 5 eta 6an egingo da.
Dirua Cáritas Bizkaia elkartearentzat
Stock Euskadi egitasmoak elkartasunari ere ireki zizkion ateak iaz, Euskadin lan nabarmena egin duen gobernuz kanpoko erakunde bati laguntzeko edizio bakoitzean. Martxoko edizioan, Minbiziaren Kontrako Espainiako Elkartearen Bizkaiko ordezkaritzari lagundu zioten, eta bestean, berriz, Euskadiko Unicef elkarteari.
Oraingo honetan, Cáritas Bizkaia aukeratu dute. Hori dela eta, elkarteak 3.000 euroko dohaintza jasoko du, eta stand bat izango du BECeko atarian, bertaratzen diren guztiei bere jardueraren berri emateko aukera izan dezan.
Diru-laguntza emateko ekitaldia BECen bertan egingo dute, larunbat goizean.
Zure interesekoa izan daiteke
Abuztuaren 15ean Maroko eta Ceuta arteko muga berriro zeharkatzeko deia egiten ari dira sare sozialetan
Ceutako Gobernuaren bozeramaileak ziurtatu duenez, Espainiako Gobernuak deialdi horren berri du, eta iragan asteko krisia ez errepikatzeko baliabide nahikoak jartzea espero du.
Uharteko bizilagunak haserre, herriko apaizak Ceutako migrazio-krisiari buruz egindako adierazpenengatik
Uharteko (Nafarroa) biztanleak haserre daude Javier Aizpun herriko parrokoarekin, X sare sozialean (lehengo Twitter) migratzaileak Ceutara iristeari buruz zabaldu zituen mezuengatik. Kritiken ostean, apaizak barkamena eskatu du eta bere kontua ezabatu du. Argitalpenetako batean, apaizak zioen "Rabat bonbardatu" egin behar dela, Marokoren aurkako neurri gogorrak ezartzearen aldeko hainbat mezurekin batera. Aizpunek adierazi zuen, halaber, suarekin erantzun beharko litzaiekeela Ceutan sartzen saiatzen diren migratzaileei, eta Maroko "errekonkistatzea" proposatu zuen, haren hitzetan, "jatorrizko Espainia" berreskuratzeko, Erromatar Inperio garaiko Hispaniari erreferentzia eginez.
Nola ikusiko da eguzki-eklipsea zure herritik? Kontsultatu hemen fenomeno historikoari behatzeko mapak
Ilargiak erabat ezkutatuko du Eguzkia 2026ko abuztuaren 12an: Euskal Herrian 2183. urtera arte ez da berriro ikusiko horrelako fenomenorik. Eguzki-eklipse osoa ilunabarrean hasiko da, eta egunak "bi ilunabar" izango ditu. Eklipsea Orain.eus-en bidez zuzenean jarraitu ahal izango da.
Perez-Iglesias: "Eklipsea ikusiko den lekuetan milioi bat bisitari izango dira"
Eklipsea etxetik gertu eta urrun joan gabe ikusteko gomendioa egin du sailburuak. Milaka betaurreko banatu dituzte iada mugarritzat jo duen fenomenoa ikusteko. Pozik agertu da eklipseak zientzia plazara eramateko balio izan duelako.
Kolon eta ondesteko minbiziaren baheketak erdira murriztu du hilkortasuna Euskadin
Biogipuzkoako eta EHUko ikertzaileak buru ditu ikerketak eta JAMA Network Openen argitaratu dute. Horren arabera, kolon eta ondesteko minbiziaren baheketaren programak % 50 murriztu du hilkortasuna 50 eta 69 urtekoen artean, bi hamarkadatan.
2.200 bat emakumeri eraso die gizon bikotekideak edo bikotekide ohiak, Euskadin, 2026ko lehen seihilekoan
Emakunderen arabera, % 7 igo da 2025aren aldean. Familia barruko indarkeriaren biktimen kopurua % 20 hazi da Araban, eta erasoa jasan duten biktimen kopurua % 10 igo da Gipuzkoan.
Bi pertsona zauritu dira A-8an, trafiko-istripu batean, Muskiz parean, Kantabriarako noranzkoan
Istripua bi kilometroko auto-ilarak eragin ditu. Kantabriarako zirkulazioa 236. irteeratik bideratzen ari da.
Guardia zibil batek bikotekide ohia hil du Llanesen, hura ere agentea
Hilketaren ondoren, ihes egiten saiatu da erasotzailea, eta ahalegin horretan, inguruan zeuden beste agente batzuk tiroka erantzun diote. Bertan zendu da.
Lizarran hildako gizonaren bikotekide ohiak azaldu du indarkeria fisikoa eta psikologikoa pairatu zituela hainbat urtez
Gizona balkoi batetik erorita hil zen, Poliziarengandik ihesi zihoala, azken horiek indarkeria matxistagatik abisua jaso ondoren.
Donostiako Udalak eraso sexisten aurkako Aste Nagusirako kanpaina aktibatu du: puntu morea Boulevardean egongo da
Ane Oyarbide Berdintasun zinegotziak adierazi duenez, "elkarbizitza, errespetu eta askatasun gunea izan behar du Aste Nagusiak, pertsona guztientzat".