Cadagua ibaiak gainezka egin du Alonsotegin eta Gueñesen
Cadagaua ibaia harrotu egin da eguerdian eta gainezka egin du zenbait puntutan Alonsotegi (Bizkaia) parean, zehatz-mehatz Pertxeta auzogunean, baita Gueñes udalerrian ere.
Carlos Lastra Babes Zibileko buruak Europa Press albiste agentziari azaldu dionez, ibaiaren ertzean aparkatuta zeuden zenbait karabana mugitu behar izan dituzte, urak hartzeko arriskua baitzegoen.
Babes Zibilak, gainera, azaldu du gau osoa eman dutela Cadaguaren ur-maila kontrolatzen, prezipitazio handiak izan direlako, eta eguerdira arte ez da arriskurik egon. Alabaina, une horretan, gainezka egiten hasi da Alonsotegin eta Gueñesen.
Gainera, Herrerias ibaia ere ibilgutik atera da eta errepidearen zati bat hartu du, Gordexola parean.
Alerta bertan behera
Bestalde, Segurtasun Sailak bertan behera utzi du euri-jasa handiengatik ezarritako alerta, eguraldiak hobera egingo duelako eta, gainera, haizeguneetan indarrean zegoen abisu horia ere desaktibatu du.
Ohar baten bidez jakinarazi duenez, gaur soilik izan da indarrean, 15:00ak arte, elurragatik ezarritako abisua barnealdean, eta olatu handiengatik aktibatutakoa, 19:00ak arte.
Elurraren kasuan, aurreikusi dute kota 1.000 metroraino igotzea, goizean zirkulazioa etenda egon eta gero Arabako bigarren mailako mendateetan, alegia, Bernedon eta Herreran.
Opakuan, Zaldiaranen eta Azazetan beharrezkoa izan da kateak erabiltzea eta beste hogei bat mendateetan, Arabakoak, Gipuzkoakoak eta Bizkaikoak, Ertzaintzak arretaz gidatzea eskatu du, euria, elurra eta errepideen egoeragatik.
Datozen egunetarako Euskalmetek egindako aurreikuspenaren arabera, asteburua xamurragoa izango da, euriei, haizeari eta elurrari dagokienez.
Halere, abisu horiak indarrean jarraituko du kostaldeko arriskuagatik, gutxienez larunbatera arte, bai itsasontzientzat, baita gertu direnentzat ere.
Zure interesekoa izan daiteke
Bi gizonezko atxilotu dituzte Getxon kalez jantzitako bi ertzaini erasotzeagatik, borroka baten abisura joan direnean
Udaltzaingoaren agenteek erasotzaileetako bat atxilotzen lagundu dute, ukabilekin jo eta kristalezko botila batekin mehatxu egin baitiete ertzainei.
Pazienteek Euskal Osasun Sisteman Parte Hartzeko Legeari buruzko aurreproiektuaren kontsulta publikoa abiatu du Osasun Sailak
Osasun Sailak herritarren iritziak bilduko ditu, pazienteek eta pazienteen elkarteek osasun-politikak diseinatzeko eta erabakiak hartzeko modu egituratuan eta eragiteko gaitasunarekin parte hartzeko helburuz.
Aste Nagusiko zezenketen kartel batean Marijaiaren irudia erabili izana salatu dute Bilboko Konpartsek
"Bilboko jai herrikoien ikur nagusiaren irudia animalien sufrimenduari eta heriotzari lotutako jarduera pribatu baten publizitatea egiteko erabiltzea" kritikatu dute Bilboko Konpartsek.
A63 autobidea ireki dute berriro, Girondako sutea egonkortzea lortu ondoren
Girondako sutea egonkortu izanak ahalbidetuko du Euskal Herria eta Bordele lotzen dituen A63 autobidea zabaltzea. Hala ere, SNCF tren konpainiaren abiadura handiko trenen trafikoak etenda jarraitzen du Hendaia eta Bordele artean.
Beroa eta haizea suak itzaltzea zailtzen ari dira Zamora, Madril, Avila eta Castellon
Gauean zehar bilakaera positiboa izan den arren, suak itzaltzeko lanak oztopatzen ari da beroaldia, batez ere Zamoran. Madrilgo, Avilako eta Castelloko suteek aktibo jarraitzen dute, baina dagoeneko perimetratuta daude. Suteengatik ezarritako larrialdi nazionala bertan behera gelditu dela iragarri du Espainiako gobernuburuak.
Espainiako sute handien bilakaera ona da, baina beste foku batzuk ari dira pizten Zamoran eta Leonen
Madrilgo sutea egonkortzea lortu dute, eta Avilako ebakuazioak eta konfinamenduak altxatu dituzte. Zamoran, 12 udalerri ebakuatu dituzte, eta bi konfinatu.
Afari solidarioak kriminalizatu izana deitoratu dute ekimenaren antolatzaileek
Kaleko Afari Solidarioak (KAS) plataformak, Donostian kaleko egoeran dauden pertsonentzako afari solidarioak antolatzen dituenak, Udalaren "jarrera kriminalizatzailea" salatu du asteazken honetan. Izan ere, Jon Insausti alkateak (EAJ) jarduera hori debekatu egin du, "bizikidetza arazoak" sortzen dituela eta "delinkuentzia areagotzen" duela argudiatuta.
5 urteko zigorra ezarri diote gizon bati, emazteari modu jarraituan tratu txarrak eman eta sexu-erasoak egiteagatik
Epaiaren arabera, biktimak 2017an erasotzailearengandik banantzea erabaki zuenetik, hark etengabe egin zizkion mehatxuak eta sexu-erasoak.
HIES kasu berrien kopurua 125etik 95era jaitsi da aurten; hala ere, adituek zuhur jokatzeko eskatu dute
HIES kasu berrien kopuruak behera egin du aurten, 125etik 95era. Harribeltza elkartearen esanetan, zuhur hartu behar da datua, lehen aldia delako eta beheranzko joera finkatzeko urteak pasa behar direlako. Bereziki kezkagarritzat jo dute gainontzeko sexu-bidezko infekzioek izan duten "izugarrizko" gorakada.
Busturialdeko eta Lea-Artibaiko 21 udalerritako ur-kontsumoa mugatzea gomendatu dute
Ajangiz, Arratzu, Bermeo, Busturia, Ea, Elantxobe, Gernika-Lumo, Forua, Gautegiz-Arteaga, Ibarrangelu, Kortezubi, Mendata, Mundaka, Murueta, Muxika, Sukarrieta, Ispaster, Berriatua, Etxebarria, Markina-Xemein eta Ondarroa dira ur-eskasiak kaltetutako herriak.