Bi istripuk ilara luzeak eragin dituzte AP-8an Bilbon eta Mendaron

Azken orduan izandako bi istripuk hainbat kilometroko auto-ilarak eragin dituzte AP-8ko bi puntutan. Horietako lehengoa Mendaron gertatu da, Bilborako noranzkoan, eta 7 kilometrorainoko auto-ilarak sortu ditu.

Trafiko Zuzendaritzak, alabaina, geroago zabaldu duenez, Mendaron itxitako erraila zabalik dago berriz eta normaltasunera itzultzen ari da zirkulazioa, puntu horretan.

Bilbon, Mirafloreseko zubiaren paretik igaro eta gero (Gasteizerako autobidea hartu baino lehentsuago) kamioi bat irauli egin da, 3 kilometro baino gehiagoko errenkadak eraginda, Irunerako noranzkoan.