Athleticek gabarra ateratzea eskatu dute herritarrek eta alderdiek
Bilboko herritarrek, erakundeek eta alderdi politikoek gabarra ateratzea eskatu diote Athletic Clubi, emakumeen taldeak irabazitako Liga txapelketa ospatzeko. Klubak inplizituki emandako ezezkoaren aurrean, gabarraren eta emakume txapeldunen aldeko ahotsak gero eta gehiago dira.
Hori horrela, kolore gehienetako alderdiak, Bilboko alkatea, Emakunde eta Espainiako Kiroletako Kontseilu Nagusia (CSD) gabarraren alde agertu dira.
Ontzi hori ikur bihurtu zen Athleticen gizonezkoen taldeak 1983ko eta 1984ko Liga eta Kopa txapelketak irabazi zituenean. Ospakizun jendetsuak izan ziren, milioi bat pertsona batu baitziren itsasadarraren ertzetan. Emakumeen taldearekin, baina, ez dute gabarra atera inoiz, Liga aurten bosgarrenez irabazi badute ere.
"Ez ditut ezagutzen zehaztasunak, baina gai garrantzitsua dela uste dut. Sakon aztertuko dut, baina oro har uste dut merituak eta ospakizunak berdinak izan behar direla gizonezkoen zein emakumezkoen garaipenen aurrean", adierazi du CSDko presidenteak, Miguel Cardenal bilbotarrak.
Klubak hainbat ospakizun iragarri ditu astearte honetarako, tartean udaletxera eta Aldundiaren egoitzara bisita egitea, baina gabarra ateratzea ez dago horien artean.
Horren ildotik, Juan Mari Aburto alkateak esan du emakumezkoen taldeak gizonen "ohore berdinak" merezi dituela, eta horregatik harrera egingo diola, udan Ernesto Valverderen mutilekin egin bezala.
EH Bilduk, PSEk, Udalberrik eta Ganemosek ere gabarra ateratzea eskatu dute.
"Ez dut ulertzen zergatik sortzen den galdera hau. Ez dut ulertzen. Gizonek irabazten dutenenean ez da galdera sortzen. Zergatik emakumeen kasuan, lehen mailako taldea izanda?", galdetu du, bere partez, Izaskun Landaida Emakundeko zuzendariak.
Herritarrei dagokienez, sinadurak biltzen ari dira change.org plataforman, emakumeek gabarran ospa dezaten garaipena. Astelehen honetako 20:00etan, dagoeneko 27.000 sinadura baino gehiago bilduta zuten.
Gabarraren sinbologia kontuan hartuta, eskari hau egin zuen Txema Olletak bertan: "Emakumeen eskubideak eta erabateko berdintasuna defendatu nahi badute benetan, aurten, edo beste edozein urtetan, Athleticeko neskek Liga irabazten badute, gabarra ateratzea exijitzen diogu klubari".
"Borrokalari hauen adorea ez da gizonezkoena baino txikiagoa, nahiz eta askoz ere gutxiago kobratu. Eman diezaiogun balioa emakumeen kirolari. Eska dezagun gure sinadurekin Athleticeko neskak gabarran ateratzea. Merezi dute!", idatzi zuen Josu Urrutia Athletic Clubeko presidenteari zuzendutako eskaeran.
Ospakizunak, asteartean
Athleticek, oraingoz, adierazpenik egin gabarraren inguruan. Talde zuri-gorriak honako ospakizun hauek antolatu dira ekainaren 7an, asteartean:
- 18:00etan Garaikurraren eskaintza Begoñako Basilikan.
- 18:30ean Bilboko Udaletxean harrera.
- 19:30ean Foru Jauregian harrera.
Zure interesekoa izan daiteke
Emakume bat bortxatu dutela salatu du Mondragon Unibertsitateak
Ertzaintzak, bien bitartean, baieztatu du ustezko egilea astelehenean atxilotu zutela. Sexu-erasoa otsailean izan zen, eta biktimak pasa den ostiralean jarri zuen salaketa ertzain-etxean. Elkarretaratzeak deitu dituzte gaur goizeko 12:00etarako HUEZI osatzen duten Eskoriatzako, Aretxabaletako eta Bilboko fakultateen aurrean.
Insaustiren ustez, etxebizitza tasatua da Donostiako "klase ertainarentzako irtenbidea"
Donostiako alkatearen iritziz, etxebizitzaren prezioa tasatzea da klase ertainak Donostian etxebizitza bat eskuratu ahal izateko irtenbidea; izan ere, "etxebizitza babestua eskuratzeko baremoen gainetik dago, baina merkatu libreko prezioen azpitik".
Bi-30 errepidea normal antzean, auto-istripu batek Leioako errepidean eta Txorierriko igarobidean hainbat kilometrotako auto-ilarak eragin ostean
Hainbat ibilgailuk talka egin dute Bi-30 errepidean, eta horren ondorioz 3 pertsona artatu behar izan dituzte.
Babes ofizialeko etxebizitzen salerosketan egiten diren iruzurrekin amaitu nahi du Eusko Jaurlaritzak
Denis Itxaso sailburuaren hitzetan, oso zabalduta dago babes ofizialeko etxebizitzak iruzurrez saltzea, eta ezkutuan erosleari gainbalioa eskatzea. Babes ofizialeko etxeak espekulazioaren aurka egiteko sortu zirela defendatu du, eta praktika horien aurka gogor egingo dutela jakinarazi du.
40 urteko gizon bat atxilotu dute, Gasteizen, bikotekideari eta taberna bateko arduradunari erasotzeagatik
Gertaera joan den larunbat gauean izan zen, Oto etorbideko ostalaritza-establezimendu batean.
Donejakue Bideak erromesen arretarako bulego bat ireki du Iruñean
Orreaga eta Donibane Garaziren ostean, Donejakue Bideko lehen hiria da Iruñea, eta bertako Kale Nagusiko 6. zenbakian erromesentzako arreta bulego bat zabaldu dute. Bakarra da Estatu osoan (Santiago de Compostelakoaz gain).
AAk emozioak interpretatzen ditu dagoeneko, baina legea ez da egokitu oraindik, EHUren ikerketa batek ohartarazi duenez
Sistema horiek modu jarraituan funtzionatzen dute egiten duguna etengabe aztertzen eta gure portaerari buruzko ondorioak ateratzen, eta horrek zaildu egiten du gaur egungo kategorien arabera sailkatzea. Datuak Babesteko Espainiako Agentziaren saria jaso du ikerketak, eta Leire Escajedo EHUko Konstituzio Zuzenbideko irakasle eta ikertzaileak "teknologiak aurrera egiten duen azkartasunaren eta Zuzenbideak horretara egokitzeko duen gaitasunaren arteko desfasea" daogela azpimarratu du.
Pertsona bat hil da Guardian, trafiko istripuz
Ezbeharra A-124 errepidean gertatu da. Oraindik argitzeke dauden arrazoien ondorioz, Gasteizerako noranzkoan zihoan furgoneta bat errepidetik irten eta irauli egin da.
Eusko Jaurlaritzak informazio-kanpaina bat jarri du abian Euskadiko Etxebizitza Plan Integralaren neurri nagusiak azaltzeko
Kanal anitzeko estrategia da, eta Eusko Jaurlaritzak bizitegi-larrialdiari aurre egiteko abian jarritako neurri nagusiak herritarrei azaltzera bideratuta dago. Aurkezpena bat dator bihar, maiatzak 12, indarrean sartuko den etxebizitzaren arloko Premiazko Neurriei buruzko Dekretua argitaratu izanarekin.
Lukas Aguirre kasuko fiskalak esan du "hiltzeko asmoarekin" labankatu zutela gazte hernaniarra
22na urteko kartzela-zigorra eskatu du labankaden ustezko egile materialarentzat eta labana eman zion gizonarentzat. Gogorarazi du biktimak ez zuela ebakirik eskuetan, ezta "defentsa-zauririk" ere.