Dozenaka pertsonak gaitzetsi dute Gasteizko hilketa matxista
Dozenaka pertsonak elkarretaratzea egin dute Gasteizen, gaur ezagutu den hilketa matxista gaitzesteko.
Hain zuzen ere, 43 urteko gizon batek 60 urteko emakume bat hil du, eta, ondoren, gorpua zatitu eta Zadorra ibaira jaurti du, hura desagerrarazten saiatzeko. Joan den astean jazo zen krimena, baina gaur zabaldu da. Hiltzaileak aitortu egin du krimena, eta atxilotuta eraman dute, epailearen esku uzteko.
Horren ildotik, Gasteizko mugimendu feministak elkarretaratzea egin du gaur, 20:00etan, Andre Maria Zuriaren Plazan, "Erasorik ez erantzunik gabe; emakumeen aurkako indarkeriari aurrea hartu; ni una más" zioen pankarta batekin.
Protestan, EH Bilduko eta Ezker Anitza-IUko ordezkariak izan dira. Bi alderdi horiek bertan behera utzi dituzte gaurko aurreikusita zituzten hauteskunde ekitaldi guztiak, hilketa gaitzesteko.
Koalizio abertzalearen partetik, Hasier Arraiz Sortuko presidentea eta Mikel Otero Arabako zerrendaburua izan dira, besteak beste. Ezker Anitza-IU ordezkatuz, aldiz, Damian Garcia batzarkidea eta Elena Arce Elkarrekin Ahal Duguren hautagaia egon dira bertan.
Udalak beste elkarretaratze bat deitu du asteazken eguerdirako, udaletxearen aurrean.
Gaitzespen adierazpenak
Emakundek "gaitzespen sendoa" adierazi du Gasteizko hilketa matxistaren aurrean, gizon batek emakume bat hil, gorpua zatitu eta gorpuzkiak Zadorra ibaira bota dituela aitortu ondoren Ertzaintzari.
Agiri batean, Emakundek babesa adierazi die biktimaren senide eta lagunei, eta emakumeen aurkako indarkeriaren kontra "jarrera aktiboa" izateko eskatu dio gizarteari.
Antza denez, hiltzaileak eta biktimak elkar ezagutzen zuten, baina ez ziren bikotekide.
Gasteizko Udalak gaitzetsi egin du hilketa, eta biktimaren senideei laguntzak emateko prest agertu da.
Adierazpen instituzional batean, Udalak adierazi du emakumeen aurkako indarkeria arazo "soziala, politikoa eta publikoa" dela, eta horren jatorria “desberdintasuna mantentzen duen sistema patriarkala" dela.
Gainera, neurri "eraginkorrak eta zuzenak" abiatzeko konpromisoa hartu du, eta "benetako berdintasuna" lortzeko "baliabideak" bideratzen jarraituko duela aurreratu du.
Zure interesekoa izan daiteke
Susana Miranda Osasunbideako Lehen Arretako gerenteak dimisioa eman du
Bi urte eman ditu karguan, eta bere denbora horretan, kritika ugari jaso ditu Osasunbideak, besteak beste, hitzordua eskatzeko egon diren arazoengatik eta izandako atzerapenengatik.
Iruñeko Udalak sexu-eraso bat gaitzesteko elkarretaratzea egin du
Erasoa ekainaren 5ean izan zen, ostegun goizaldean, Taconera parkean. Bertan, bi gizonek gizon gazte bati eraso egin zioten, eta sexu-abusuak egin zizkioten. Gizonetako bat espetxean dago, eta Polizia bigarrena identifikatzen saiatzen ari da.
Onik aurkitu dute Bilbon desagertutako 13 urteko neskatoa
Familiak salaketa bat aurkeztu zuen neskatoaren desagerpenagatik igandean, eta asteartean topatu dute.
Urriaren 7a jaieguna izango da 2027an, lehen Eusko Jaurlaritzaren 90. urteurrenaren omenez
Urteurrena oroitzeko 40 ekimen baino gehiagoko agenda antolatu du Jaurlaritzak eta, besteak beste, solasaldiak, erakusketak, kultur eta kirol ekitaldiak egingo dira urte osoan zehar. Horien bidez, Agirre lehendakariaren eta bere lantaldearen ondarea gogoraraziko da eta Gobernu haren sorreraren oinarri izan ziren demokrazia, askatasuna eta justizia sozialaren balioak etorkizunerantz proiektatuko dira.
Barrualde-Galdakaoko eta Gurutzetako Osakidetzako emaginek 9 eguneko greba deitu dute profesional falta salatzeko
SATSE sindikatuak ekainaren 17tik uztailaren 2ra bitarteko mobilizazioen egutegiaren berri eman du. Sindikatuaren arabera, arazoa "profesionalen kontratazio eta planifikazio falta" da. Ez da baztertzen beste ESI batzuek deialdiarekin bat egitea.
ETSk Bilboko Aste Nagusian joko du
Talde arabarra Europa parkeko oholtzara igoko da datorren abuztuaren 26an.
Euskal gazteen % 57k deskonexio digitalerako eskubidea aldarrikatzen dute
Nerabeei eta ongizate digitalari buruz Unicefek kaleratutako txosten batek ondorioztatu duenez, Euskadiko adingabe eta gazteen erdiak baino gehiago gogaituta daude hiperkonexioarekin. Azterlanaren datuek erakusten dute pantailak itzaltzeko beharra gero eta handiagoa dela, eta mugikorrei lotutako arrisku-jokabideak (sextinga, bikote-indarkeria digitala...) nabarmen gutxitu direla.
2026ko lehen hiruhilabetean Donostiako alokairuko etxebizitzen % 40 24 orduan baino gutxiagoan alokatu ziren
Astearte honetan argitaratutako ikerketa baten arabera, EAEko hiriburuak "alokairu espresa" gehien jasaten dutenen artean daude: Gasteizko tasa % 24koa da, eta Bilbokoa, % 23koa.
Emakume bat atxilotu dute, Artaxoan 41 edukiontzi eta ibilgailu bat erretzea leporatuta
2023 eta 2026 urteen artean 15 sute eragitea leporatzen diote. 17.000 eurotik gorako kalteak eragin zituzten suteek.
EAEko neskek mutilek baino ia bi aldiz arrisku handiagoa dute ondoeza pairatzeko eta beren buruaz beste egiteko
Neskek adierazle okerragoak dituzte antsietateari eta depresioari dagokienez (% 17,5; mutilek, % 9,8), baita suizidio-arriskuari dagokionez ere (% 7,8; mutilek, % 4,1), astearte honetan Bilbon Unicefek aurkeztu duen Haurrak, nerabeak eta ongizate digitala txostenaren arabera.