'Erasorik ez erantzunik gabe' esan du Bilbok ozen eta irmo
Ehunka lagunek bat egin dute 18:00etan Bilboko Arriaga Antzokiaren plazan sexu erasoen kontra egiteko. Bilboko Konpartsek deituta, elkarretaratzeak asteburuan izandako eraso matxista salatu du.
Emakumeak Ertzaintzaren aurrean aurkeztutako salaketaren arabera, gizonezko batek ukituak egin zizkion igande goizaldean txosna-gunean, Arriaga Antzokiaren ondoan.
Protestan erakutsi duten pankartan "Erasorik ez erantzunik gabe" irakur zitekeen, eta, besteak beste, Itziar Urtasun Berdintasun, Lankidetza, Bizikidetza eta Jaiak Saileko zinegotzia, Itxaso Atutxa BBBko presidentea, Bilboko udalbatzako hainbat kide eta Aste Nagusiko txupineroa eta pregoilaria izan dira.
"Autodefentsa feminista" eta "Gutako bat ukituz gero, danak ukituko gaituzte" leloak ere entzun dira. Ondoren, Izaskun Madariaga eta Oihana Pascual Bilboko Konpartsetako bozeramaileek ohar bat irakurri dute. Emakume batek "sexu-erasoa eta eraso fisikoa" izan duela salatu dute, eta "bi herritarren laguntzari esker, erasoa ez zen larriagoa izan", horien esanetan.
Horren aurrean, "denon ardura da horren moduko indarkeria sexistari aurre egitea, norbera eta gizartea bera baita erantzule, eta edonolako indarkeria eta erasoren aurrean jarrera aktiboa agertu behar dugu", ohartarazi dute.
"Jai herrikoiak nahi ditugu, eta emakumeek jaiaz eta eremu publikoaz gozatzea nahi dugu. Jaiak, bai ala bai, feministak izango dira edo ez dira izango! Emakumeen parte-hartzea bermatzeaz harago, ezinbestekoa da bermatzea guk gure gorputzen eta gure askatasunaren jabe izatea", aldarrikatu dute.
"Kaleak, gauak eta jaiak ere gureak dira, eta horren moduko jarrerak onartezinak dira bai Aste Nagusian baita gainerako egunetan ere", nabarmendu dute. "Izan ohi diren eraso sexistak (batzuk ezkutatu egiten dira eta beste batzuek oihartzun handiagoa izaten dute) gu bizi garen gizarte matxistaren isla dira", kritikatu dute. Gainera, beste emakume batek Sopelan jasandako sexu-erasoa ere "erabat" gaitzetsi dute.
"Hemen bildu garen konpartsakideok, kolektibo feministek, udalbatzako ordezkariek eta gizarteak erantzun egingo dugu beti edozein eraso sexistaren aurrean", gaineratu dute.
_________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan). Doakoak dira, eta ez dute arrastorik uzten fakturan.
Albiste gehiago gizartea
Igandean salatutako sexu-erasoa gaitzesteko elkarretaratzea egin dute Donostian
Eider Mendoza Gipuzkoako ahaldun nagusiak eta Eneko Goia Donostiako alkateak iragan larunbatean Donostian gertatutako erasoa gaitzetsi dute. Alderdi guztietako ordezkariek eta beste kargu publiko batzuek ere hartu dute parte elkarretaratze isilean.
640 landareko marihuana-plantazio bat desegin dute Zallan, eta bi pertsona atxilotu dituzte
Desegindako instalazioetan hazkuntza-sistema aurreratuak eta material espezializatua zeuden. Agenteek aireztatzeko gailu sofistikatuak, argiztapen automatizatua eta landareen hazkundea bizkortzeko tresnak aurkitu zituzten. Polizia operazioak zabalik jarraitzen du, tartean pertsona gehiago dauden ikertzen ari baitira.
Kontxako ura 24,3 ºC-tan dago, uztailaren lehenean inoz izan den tenperatura altuena
Duela 78 urtetik hona, Donostiako Aquariumak egunero neurtzen du, 10:00etan, uraren tenperatura. Gaurko tenperaturak maximo historikoa markatu du. 1947tik, estreinakoz neurtu da uztailaren lehen egunean hain tenperatura altua uretan.
Euskadin, sexu bidezko infekzioen kopurua bikoiztu egin da azken urtean, eta GIB kasuen kopurua mantendu da
Eusko Jaurlaritzak gaur ezagutarazi duen Hiesaren eta Sexu Transmisiozko Infekzioen Planaren 2024ko memoriaren arabera, iaz 5.305 klamidia, gonorrea eta sifilis kasu atzeman zituzten.
Ingurumen eta erreskate-larrialdi bikoitz baten aurrean jarduteko simulakroa egin dute Karraspion
Eusko Jaurlaritzak eta Foru Aldundiak arrakastaz testatu dute euren arteko koordinazioa Bizkaiko hondartzetako larrialdien urteko simulakroan. Karraspio hondartza (Mendexa) aukeratu dute itsasoko erreskateak eta isuri kutsatzaileak bezalako gertakariei aurre egiteko protokoloak probatzeko.
Emakume bat ikertzen ari dira apirilaren 1ean Bilbon gizon bat ustez indarkeriaz hiltzeagatik
Oraindik ez dute emakumea aurkitu epailearen aurrean deklaratu dezan. Auzitegiko medikuak asfixia zantzu argiak antzeman zituen gorpuan.
Osasun Saila EAEko osasun-zentroak ebaluatzen dabil, klimatizazio-arazoak konpontzeko
Eusko Jaurlaritzako Osasun Sailak osasun-zentro guztiak ebaluatzeari ekin dio, klimatizazio osoa egin ezin den lekuetan zer irtenbide ezar daitezkeen zehazteko.
Nagore Laffage oroitu dute Iruñean, hil zutenetik 17 urte pasa direnean
Duela 17 urte hil zuen Jose Diego Yllanesek Nagore Laffage, erizain gazteak 20 urte zituenean. Hura oroitzeko elkarretaratzean, dozenaka lagun bildu dira Astelehen Lilak elkarteak deituta, Asun Casasolari, Nagore Laffageren amari, babesa erakusteko. Musikaz jantzitako ekitaldian, besteak beste, Unai Hualde Nafarroako Parlamentuaren presidentea, Joseba Asiron Iruñeko alkatea eta UPN, PSN, EH Bildu, Geroa Bai, PPN eta Contigo-Zurekin alderdien ordezkariak ere izan dira.
Abian dira aldundiek eskaintzen dituzten udalekuak
Bizkaia, Araba eta Gipuzkoan 4.000 plaza baino gehiago eskaintzen dira 7 eta 13 urte bitarteko neska-mutilentzat. Horrez gain, 14 eta 17 urte bitarteko gazteentzat ere eskaintzen dira oporretako egonaldiak.
Giako Andre Mariaren eguna ospatu dute Portugaleten
Ohitura den legez, uztailaren 1ean milaka pertsona gerturatu dira Portugaletera Giako Andre Mariaren eguna ospatzera. Egun osoko egitarau oparoa antolatu dute: prozesioaz gainera, jaitsierak, musika, herri-kirolak eta jokoak izango dira giroa alaitzeko.