Hezkuntzan grebara deitu dute ELA, LAB eta STEILASek martxoaren 22rako
ELA, LAB eta STEILAS sindikatuek ?gehiengo sindikala EAEn? grebara deitu dute martxoaren 22rako Euskal Autonomia Erkidegoko Hezkuntza Publikoan. Mobilizazio horren bidez, hezkuntzako beharginen lan baldintzak hobetzea eta euskal hezkuntza sistema berri baten eraikitzea aldarrikatu nahi dute.
Cristina Uriarte Eusko Jaurlaritzako Hezkuntza sailburuak PISA txostenaren emaitzak aztertzeko egindako agerraldiaren biharamunean agertu dira hiru sindikatuotako ordezkariak komunikabideen aurrera. Besteak beste, irakasle-ikasketak egiteko sarbide-proba bat ezartzea aztertzen ari direla esan zuen atzo Uriartek. Haserre, Hezkuntza arduradunaren jarrera gogor kritikatu dute.
Donostian eskainitako prentsaurrekoan, Xabier Irastorza ELAko arduradunak nabarmendu duenez, "onartezina" da Uriartek irakasleak egitea PISA txostenaren emaitza txarren erantzule. Sindikatuok Hezkuntzan "egindako murrizketekin" lotu dituzte PISA txostenaren emaitza txarrak, eta hori kontuan ez hartzeagatik kargu hartu diote sailburuari: "Egin diren murrizketak, behin-behinekotasuna, ratioak... horri ez erreparatzea, existituko ez balitz bezala jokatzea eta irakasleriaren kontra jotzea guretzat oso larria da".
Horregatik, bide horretatik ?pausorik ez? ematea eskatu dio Uriarteri, ?irakasleak desorientatzen edota tiroa desbideratzen saiatzea zentzugabekeria delako?. Halaber, martxoaren 22rako EAEko irakaskuntza-zentroetan greba egingo dutela iragarri du. Nafarroan, mobilizazioak negoziatzen ari dira sindikatuak, Irastorzak azaldu duenez.
LAB, ELA eta STEILAS sindikatuek, besteak beste, neurri hauek eskatu dituzte: euskal hezkuntza publikoko langileen kopurua handitzea, ?gutxienez 2.000 pertsona gehiago EAEn eta 900 gehiago Nafarroan?, eta batez besteko behin-behinekotasuna ?ia % 40tik % 6ra? jaistea. Halaber, gelako ikasleen kopurua ?% 10 jaitsi?, ordezkoak ?lehen egunetik? jarri eta bajak ?bere osotasunean ordaindu? behar direla nabarmen dute.
?Guztion erantzukizuna? da datuak hobetzea, Uriarteren ustez
Bestalde, Cristina Uriarte Hezkuntza sailburuak esan duenez, Eusko Jaurlaritzak irakasle-ikasketak egiteko sarbide-proba bat jartzeko egin duen proposamenak bertara sartzen diren ikasleek prestakuntzan ?arrakasta? izatea du helburu; munduko ?beste zenbait lekutan? egiten da, gaineratu du.
Ikerbasquen 2016ko jarduera-balantzearen berri emateko izan den prentsaurrekoan, Uriarteri proposamen horri buruz galdetu diotenean, irakasleek ?etengabeko prestakuntza? eskatzen dutela esan du, ?metodologiak eta prozesuak aldatzen joan ohi direlako?. ?Bakoitzari sortu dakizkiokeen beharrei erantzuteko prestakuntza egokia, Administrazioak baimendutakoa?, eskatzen dutela adierazi du.
Sailburuaren hizetan, ?guztion? erantzukizuna da euskal ikasleen emaitzak hobetzeko lan egitea, ez irakasleena soilik. ?Hezkuntzaren munduan eragiten duten guztian gutako bakoitzak egin behar dun lan, erantzukizuna guztiona delako?, esan du.
Zure interesekoa izan daiteke
Animalia basatiak erabiltzen dituen zirku batek polemika piztu du Urruñako herritarren artean
Zirkua abuztuaren 16an jarri zen Udalaren baimenik gabe, eta larunbat honetara arte ikuskizunak eskainiko ditu arratsaldero.
EITB, Prix Europa sari ospetsuetan izendatua eguzki eklipse osoaren inguruko plataforma anitzeko proiektuagatik
EITBren Eguzki Eklipse Osoa ekimena Digital Media kategorian lehiatuko da, Europako ikus-entzunezko sari ospetsuenetako batean.
Tentsio uneak Bilboko Pergolan, greban dauden teknikarien eta bilbainadetako ikusleen artean
Greban zeuden teknikarien piketeak Bilboko Pergolaraino hurbildu dira, grebarako eskubidea aldarrikatzeko, eta horrek ikusleak haserretu ditu, ez baitiete abestiak entzuten utzi. Tentsio uneak izan dira grebalarien eta ikusle zeuden hainbat pertsonaren artean.
Hiru pertsona ospitalera eraman dituzte, Noaingo txupinazoan hainbat suziri lehertu baitira
Horietako bik pronostiko erreserbatua dute, eta guztira 47 lagun artatu behar izan dituzte. Zauritu guztiak arriskutik kanpo daude. Nafarroako udalerri horretako jaiek aurrera jarraitzen dute.
Deskargako autobidea itxita egongo da asteazken honetan, 21:00etatik aurrera
AP-636 errepideko tunel batean egin beharreko lanak direla eta, 19. eta 21. irteerak erabili beharko dituzte erabiltzaileek, martxaren noranzkoaren arabera, Bergara GI-627 errepidearen bidez zeharkatzeko.
Lurrak gorriz tindatuko du Ilargia ostiral honetako eklipse partzialean
Une gorena abuztuaren 28ko 06:12:53an izango da, Lurraren itzalak ilargi-diskoaren % 93 estaliko duenean.
Bizkaibus batek su hartu du, goizaldean, Santurtziko kale erdian
Sua Bizkaiko herriko Las Viñas kalean piztu da, matxura batek eraginda, eta ke handia sortu du. Ez da inor zauritu.
14 lagun atxilotu dituzte, bi ukituengatik, eta bi udaltzain zauritu, Bilboko Aste Nagusiaren laugarren egunean
Udaltzaingoak 10 atxiloketa egin zituen jai-esparruan eta lau eremu horretatik kanpo. Guztira, 64 salaketa aurkeztu dira, horietatik 50 ebasketengatik izan dira. Bi agente zauritu dira, eta batek zerbitzua utzi behar izan du.
CCOO: "Estatuko Administrazio Orokorrari Euskadiko herritarrei euskaraz hitz egiteko eskatu dion lehen sindikatua gara"
Santi Martinez Euskadiko CCOOren idazkari nagusiak Radio Euskadin adierazi duenez, sindikatuak Enplegu Publikoaren Legearen eztabaidara eraman ditu euskara sustatzeko hainbat neurri, langabeen % 90ek hizkuntza hori ezagutzen ez dutela egiaztatu baita. Eskaera horien artean daude, besteak beste, Estatuko Administrazio Orokorra Euskadiko herritarrei euskaraz zuzentzea eta euskara ikasteko doakotasuna C1 mailara arte izatea.
ETSk milaka zale kantuan eta dantzan jarri ditu Bilboko Europa parkean
Iñigo Etxezarretaren bandak milaka lagun bildu ditu Bilboko Europa parkean astearte honetan, Aste Nagusian. Bere abesti ezagunez gain, taldea Bilboko jaien kanta abestera animatu da, eta han zaleak zapiekin dantzatzen hasi dira. Hasiera batean, kontzertua asteazken honetan egin behar zen, baina taldeak kontzertua egun bat aurreratzea erabaki zuen, ikuskizunetako teknikariek asteazken honetarako deitutako grebaren ondorioz.