Nahasmena, Termibusen behin-behineko geltokiaren lehen astelehenean
Hasiera guztiak latzak izan ohi dira, eta Bilboko Termibusen behin-behineko geltokiarenak ezin salbuespena izan. Zabalik dagoen lehen astegun buruzuria da gaurkoa ?larunbat goizaldean estreinatu zuten, aparteko arazorik gabe? eta aldaketak eragozpen txikiak, nahasmena eta presak sortu dizkie ia denei: zelan jokatu ez zekiten txoferrak, euren autobusaren bila zebiltzan erabiltzaileak, zirkulazio aldaketekin nahasita zeuden gidariak, eta kaos txikiari aurre egiteko gainezka dauden udaltzainak, besteak beste.
18 hilabetez egongo da zabalik geltokia, Termibus zaharretik metro gutxitara. Behin-behineko geltokiak 4.000 metro koadro ditu (zaharrak, 12.000) eta 20 nasa. Autobusak aparkatzeko sistema operatibo berria du, eta orain arte ez bezala, autobusei heldu ahala ematen zaie lekua.
Hori da, hain justu, nahasmen gehien sortzen ari den aldaketa. Lehen autobus bakoitzari nasa bat zegokion; orain, ordea, aldatu egiten da, eta erabiltzaileak informazio pantailei begiratu behar die edo zalantzak argitzeko dauden langileei galdetu.
Kontsignak nasetatik urrunago daude behin-behineko geltoki honetan, eta eragozpen horri aurre egin beharko diete erabiltzaileek. Horretan laguntzeko, leihatiletan ez dute txartelik saltzen autobusa irteteko bost minutu baino gutxiago geratzen badira. Hartara, bidaiari guztiak garaiz heldu ahalko dira.
Udaltzain ugari daude autoen eta oinezkoen joan-etorriak errazteko. Geltoki aldaketarekin, zirkulazioan hainbat moldaketa egin dituzte, eta anabasa dago oinezkoek geltokira sartzeko eta irteteko unean. Erabiltzaile batzuen arabera, zebra-bide gutxi jarri dituzte.
Aldaketak zirkulazioan
Behin-behineko geltokia martxan jartzeak inguruko kaleetako zirkulazio aldaketak ekarri ditu. Nasa egokitu bitartean autobusek zain egon behar dutenez, Gurtubai kaleko erdiko erreia eurentzat gorde dute (Basurtuko Kaputxinoen eta Perez Galdos kaleen artean).
Halaber, Perez Galdos kalean bi errei zabaldu dituzte (Garellano plazatik gertuen daudenak), Gurtubai eta Luis Briñas kaleen artean. Dena dela, soilik behin-behineko geltokiko langileek, Garellano plazan garajea dutenek eta bertako langileek erabili ahal dituzte errei horiek.
Era berean, Sabino Arana etorbidean (Zunzunegi etorbidearen eta Egia jeneralaren kalearen artean) zirkulazioa bi noranzkoetan egokitu dute.
Zure interesekoa izan daiteke
Eguraldi aldaketa gaurtik aurrera, eta euria asteazkenerako zein ostegunerako
Goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera. Euria egingo du bai asteazkenean baita ostegunean ere.
Itzali dute Derion, Loiuko aireportutik gertu, piztu zen sutea
20:30 aldera piztu zen sutea San Isidro auzoko pampa baso batean, Aiartza mendian; eta gauean lanean arituta, 05:30 alderako itzaltzea lortu dute suhiltzaileek. Suteak ez du eraginik izan aireportuaren funtzionamenduan, ezta etxebizitzetan ere.
Posible al da adimen artifizialaren garapena gelditzea?
Adimen artifiziala garatzen duten enpresa nagusietako buruek galga jartzeko eskaria egin dute azken aste hauetan, gizakion kontroletik ihes egiteko arriskua izan dezakeela eta. Baina posible al da? Eta zergatik adierazten dute orain beldur hori? Hainbat aditurekin zalantza hauek argitu ditugu.
Gizon bat hil da Laidatxu hondartzan (Mundaka)
Gizonezkoa uretatik atera behar izan dute sorosleek, eta suspertzen saiatu diren arren, bertan hil da. Ez dakite zerk eragin duen heriotza.
Zaldibiatik Ordiziarainoko bidea oinez egin dute dozenaka ikaslek eta gurasok, eskola garraioa ez kentzea eskatzeko
Iazko ekainean, Hezkuntza Sailak Zaldibiako ikasleen gurasoei jakinarazi zien 2026-27 ikasturtetik aurrera DBH3 eta DBH4ko gazteak eskola-garraiorik gabe geratuko zirela. Emandako arrazoia eskola batetik besterako distantzia izan zen.
Gustuko oporlekua lortzeko itxaropenez gerturatu dira Imsersoko lehen bidaiariak agentzietara
Nafarroan astelehen honetan hasi dira agentziak adinekoei zuzendutako bidaia horien erreserbak kudeatzen. Lehen egun honetan, Imsersorekin lehen aldiz oporretara joango direnek izan dute bidaia eskuratzeko aukera. EAEn asteazkenean hasiko dira.
EHUk urte akademikoa abiatu du, AAren arriskuez jakitun eta "eredu propioa" aldarrikatuz
Joxerramon Bengoetxea errektoreak azpimarratu du auzia ez dela adimen artifiziala "deabrutzea, harekiko erabateko mendekotasuna" saihestea baizik. Finantzaketari dagokionez, Juan Antonio Perez Iglesias sailburuak uste du "egingarria" dela bost urteko epean finantzazioa Europako mailara iristea.
Olarizuk agur esan dio udari, musika, babarrunak eta bertoko produktuak lagun
Iraganeko ohitura da Olarizukoa. Hiria mugatzen zuten mugarriak ikuskatzen hasi ziren agintariak, inguruko herriek lurra lapurtu ez zitzaten. XIX. mendearen erdialdean gertatu zen hori, eta gaur egun erromeria herrikoi bihurtu da tradizioa.
Emakume bat ikerketapean dago, Bilbon adingabe bat bahitzen saiatzeagatik
Adingabea lagunekin ari zen jolasten, eta banku batean eserita zegoen emakume bat hurbildu zitzaien. Senidea zela esanda, adingabea besotik heldu eta berarekin eramaten saiatu zen. Gurasoen lagun batzuek gertatutakoa ikusi zuten, eta adingabeari galdetu zioten emakumea ezagutzen ote zuen.
EHUk uste du lehendakariak ez diola "behar besteko balioa eman unibertsitate publikoari" ikasturte hasierako ekitaldian egoteari muzin eginez
Horixe adierazi du Ixone Fernandez de Labastida Arabako Campuseko errektoreordeak Radio Vitorian egindako elkarrizketa batean, Imanol Pradales lehendakariak ikasturte hasierako ekitaldietan Mondragon, Deustu eta EHU txandakatzeko hartu duen erabakiaren harira.